تفضلو واتحفونا بتجاربكم

[احمد الالمعي]

بسسم الله الرحمن الرحيم

السلام عليكم ورحمة الله وبركاته

اولا احب اتقدم بالشكر للقائمين على المنتدى والشكر موصول للجميع على الترابط الموجود بينهم


ثانيا

قرات موضوع للاخ zxoooz

وهو عباره عن قصته مع ترويض احد ببغاءته وصراحة كان طرح رائع وجميل

ومن خلال مروري على الموضوع وجدت طلب للاخ CasCo Lover

بانه يكون في موضوع تفاعلي للاعضاء يشرحون فيه تجاربهم مع ببغاءته المتوحشه

او الاليفه وطرق تدريبها حتى تعم الفائده على الجميع ويستفيدون المبتدئين من تجاربهم

وصراحة قلت خلني افتح الموضوع هذا وحتى انا اكثر واحد مستفيد

واســــــــــــــــــــــــف على الاطاله عليكم


تقبلو خالص امنياتي لكم بالتوفيق

[H.B.H]

يعني أنا بقول اللي أسويه مع طيري ما أدري هل يعتبر ترويض ولا
طيري حفظ أنه لجا يجي على أيدي أقوله تعال ويجي وأذا بغا يجي على أيدي يقولي تعال أو أنه بس أفتح باب القفص يقول تعال وينزل ويطلع لعند الباب ويمد رجله على شان يجي على أيدي
طبعاً أهو على طول يرقى لفوق لين يوصل لكتفي وينزل راسه وأمسح عليه وبس...بعدين يبدأ ينظف في نفسه ويرجع الوضع طبيعي كأنه في القفص
طيب.....هنا يمكن الترويض اهو على كتفي وأبيه يجي على يدي خلاص برجعه القفص أقوله تعال وأحط أيدي قريب من رجله مرات عادي يجي ومرات أخليه يعض لين ييأس ويجي على أيدي طبعاً إذا جا الطير بيعض أنت حاول تشد أيدك على شان تنشد جلدة اليد ولا يقدر يسوي شيء
إذا ما تحملت خله يعض في الرسغ لليد طبعاً بيشوفه يابس ولا يقدر يسوي فيه شيء وبعدين بيرضخ للموضوع وبيجي على أيدك
الملخص....أنك لازم توري الطير أنك تبيه يستانس ويحوس بس إذا قلت له الشيء لازم يسويه وطبعاً لازم صاحب الطير يقوي قلبه وجسمه ويتحمل اللي يجيه وبيشوف نتايج حلوة مع الوقت

معذرة على الإطالة.....سويته موضوع مو رد
وأتمنى أنه ينفع أحد

[احمد الالمعي]

يسسسلمو اخويH.B.H على المرور وتفاعلك بالعكس ردك فيه فائده .

واتمنى ان اخوانا الاعضاء يتفاعلون معانا

شاكر لك مرورك

[احمد الالمعي]

يعني معقوله 65 مشاهده

ومافي رد الا واحد



ولافي احد صادف مشكله معاء ببغاء حقه


اتمنى تعطونا وجه للفائده للجميع

[الماهر]

السلام عليكم
انا عندي كاسكو رمادي اول ما اشترتيه كان صغير واكثر عينه سواد هدا الكلام قبل 11 شهر قبل اجازة الصيف الماضية تقريبا بكم يوم وخليته في البيت وانا انشغلت باختباراتي بالجامعة بعد نهاية الاختبارات رجعت البيت وكان ميمون (الكاسيكو ) كمل له سبوعين في البيت خليته بعد سبوع عشان يتعود على المكان وكان في هالفتره خوفه زايد وجعيره قوي ومع الوقت صار يخف جعيره.
خلال الثلاث الاسابيع الاولى انا قريت الكثير من المواضيع عن ترويض الكاسيكو الرمادي واذكر موضوع كان متميز بالمنتدى عن الكاسيكو أشقر وكان مدعم بتصويرات الفيديو والحمدلله فادني كثير وايضا خلال الثلاث اسابيع اي واحد عنده كاسيكو رمادي صرت اسأله عن تجربته.

الان نجي للبداية الفعليه مع ميمون أول مرة جيت أبدأ معاه التدريب صرت اطلعه من القفص واجرب احط يدي قدامه لاحظت انه يخاف من الايد فمت اجرب اقرب له شغلات ثانية مثل عصات القفص ولاحظت انه يخاف منها ايضا قمت وجربت معاه مخده صغيرة كانت محطوطه جنبي لقيت انه يحط رجله عليها ويطير بسرعة فعرفت اني وصلت لطريقة المناسة وصرت كل يوم اكرر معاه نفس الشي لفترات تطول وتقصر احيانا فكل يوم اجلس معاه من نصف ساعة واحيانا لمدة ساعتين تقريبا بعد كم يوم صار يوقف على المخده لمدة ثواني ثم يطير خصوصا لو اصدرت اي حركة واستمريت معه على هدا المنوال الى ان وصلنا لمرحلة انه من يشوف المخده يركب فوقها ويجلس عليها حتى لو رفعتها ما يطير.

ثم بدأت أعوده على يدي شوي شوي لين صار يحب يوقف على كتفي واتحرك فيه وهدا كان في ايام شهر شعبان يعني خلال شهرين ونص تقريبا وبعد اقل من شهر زيادة اي خلال شهر رمضان وصلنا مع ميمون لمرحلة انه صار من تقوله فوق يركب على اليد وكنت انا اوقفه على يدي واخوي يجيب يده ونقول فوق يركب وانا اجيب يدي ويركب يعني مثل الدرج وهو يصعد.

بعد شهر رمضان جاء العيد وكنا بنروح استراحة يوم كامل طبعا ميمون كان معاي وكانت اول مرة اطلعه من البيت بشكل فعلي وطبعا ميمون كان يرقب الوضع بقوة وعنف ، بعد العيد بدأت الدراسة ورجعت الى الجامعة وللاسف اهملت ميمون بحكم اني ما ارجع البيت الا يوم الاربعاء وشوي شوي لاحظت ان ميمون بدأ يخاف مني وزداد خوفه ووصل الى مرحلة انه رجع للجعير قبل شهر ونصف تقريبا فأدركت اني راح اخسر ميمون.
مع بداية اجازة منتصف الفصل الاخير التي كانت قبل شهر تقريبا بدأت من جديد مع ميمون حيث استغليت فرصت سفر اهلي خلال اسبوع الاجازة ولا احدل في المنزل غير انا وهو والذره ، في أول ليلة طلعته من قفصه ونمت معاه في نفس الغرفة وكان اكثر الوقت يحرك جنحانه كانه بيطير بس بدون طيران وطبعا دلعته بالاكل حبيتن فول سوداني وحدة الليل وحدة النهار ومكسرات خفيفه وخضار وفواكه خفيفه والحمدلله هالشي انتج حيث انه من ثاني رتب جنحانه وشال الريش الزايد وهنا فرحت لاني عرفت ان الطريقة نجحت ثاني يوم نفس الشي الفرق اني جبت له ايدي عشان يركب اول مره عيا يركب ثاني مرة نفس الشي وضليت اجرب ولا في فايدة وفجئت انتبته انه لما اجيب يدي عشان يركب ينزل راسه ولا يرضا يركب قمت جبت يدي بسرعة ومسحت على راسه تفاجئت انه مرتاح نفسيا قلت جت على رجليها وقررت اظل معاه نص ساعة وانا امسح على راسه عشان يتعود وظليت امسح وانا اردد عليه كلمت راسك وخلال هالسبوع كنت ابدأ معاه بأني امسح على راسه وبعدين اخليه يوقف على يدي ورجعت اهتم فيه اكثر من الاول وبقيت المشكلة الوحيدة ان الاجازة خلصت ولازم ارجع لجامعتي يعني بفارق ميمون من ليلة السبت الى يوم الاربعاء ولكن انا مضطر وفعلا غبت عن ميمون ومن اوصل يوم الربوع صرت اطلع ميمون من قفصه واعطيه حبت فول سوداني وامسح على راسه وكل وصرت لازم الاربعاء والخميس والجمعة لازم اطلعه من قفصه واجلس معاه بعض الوقت والحمدلله الحين وصلت معاه انه يوقف على كتفي وينتظرني امسح على راسه.

والمعذره على الاطاله

تحياتي

[عاشق بغبغاء كاسكو]

وعلــيكم السسلام والرحــمه

اول ششي نبدا بالكـآسسكو الافــريقي :

انا اخذت كاسسكو افريقي عــمره 3 اششهر كــنت اخـآف علــيه جدآ جدآ وكآن لطــيف معـي يحـب يطـلع على ا

ولـمآ صصار عـمره 5 اشششهر عـلمته على لمده الكـلام وقـعدت معـه كل يوم ساعتين اسسبوعين

وبعــدين عــلمته اذا نـآـآديـت اسسمه يجيــلي طـيرـآن و عـلى رجــليه ولله الحـمد الحين عنده 17 كـلمه

ثـآني شي كـآسسكو هــولندي :

بعــد ماششريت الهـولندي كـآنو عمـر الكاسسكو الافريقي والهولندي زي بعض 3 اششهر

وكـنت اعــلمه عــلى الحـركـآت البـهلوانيه انه يرقـص _ يلف حــول ذيـله _ يمسسك على ايدي ويتشقلب عليها

ولله الحــمد بعــته وجــآـآبــلي سسعره بـ 4500

ولمـآ بعــت الكـآسسكو الهــولندي رحت شـريت الكوكـآتو امبريلا

والحين بسسم الله ماششاء الله عــللمته حركـآـآت بهـلاوانيه تــطير العــقل

[Xnx]

بالحقيقة لس ماروضته

[no0La]

مشكـــــــــور أخوي ع الموضوع المفيــد
وان شاء الله نفيد ونستفيد من بعض ..

انا بالنسبــــه لي تجاربي كثيره مع الببغااوات ..

قبل كل شي لازم يكون عندك صبر واصرار وعزيمه
قويـــه وما تيـــأس ابد ولا تمل ..


عندي ببغاء هولندي عمره فوق السنه جاني شرس لانه متعود
ع صاحبه القديم وطبعا انا كان رافضني فالبدايه سويت معاه الواجب
لمدة اسبوعين تركته بس اغير له الاكل والمويه ..

واخليه يشوفني وانا ااكل واللعب مع كاسو ببغائي الاول
واستمريت على كذا لمدة اسبوع ثالث وهو يشوفني ..

بعد الاسبوع الثالث بديت افك له القفص طبعا مستحيل يخليني اقربه
دخلته غرفه مافيها اي اثاث يعني وين بتروح مني مافي اي شي يندس وراه
ولا شي يطلع فوقه وصرت وراه من زاويه لزاويه وكلنا نعرف الببغاء
ع الارض ضعيف جدا اقرب منه واقوله هات راسك ويجعر واقوله بصوت واضح


لا لا عيب ويرفض واحاول طبعا واكيد اكلت كم عضه
بس برضو ورااه استمريت معاه على كذا طول الاسبوع

بدون عنف لا منشفه ولا قلفازات

الطريقه بس تحتاج صبر وعزيمه وتكرار

[احمد الالمعي]

اشكر جميع من شاركني بهذا الموضوع واتمنى من اخواني واخواتي الاعضاء مشاركتنا لتعم الفائده على الجميع شاكر لكم تفاعلكم