ببغائي وجع راسي جدا جدا

[السلام بن رباح]

السلام عليكم

عندي كاسكو من عمره 7 شهور واني القنه كلمة لفظ الجلاله ( يا الله ) حرت معاه حتى استخدمت التسجيل والان دخل عمره سنه تقريبا لان عينه صارت بيضاء وهو ماينطق ولا كلمه

هل هو من النوع الغبي وهل يوجد كاسكو لاينطق ابدا ( مجرد صوافير ونغمات اشكال والوان)

وما اريد بيعه لانه اليف جدا وحبوب جدا لاكن مايتكلم


من يرشدني الى الحل له حسنات بعدد كلمة ( يا الله ) التي

كررتها عليه يمكن 10000 مرة عدته عليه

رجاءا من يقرا يجاوبني

[كويتي777]

للاسف نعم هناك بيغاء لا يتكلم

ادري ضايقت بردي بس دام اليف ويحبك وكله وشربه وكسب فيه اجر وعالاقل شغله مقاطع تصفير عشان يصفر

الله يوفقك وان شاء الله العمالقة بالمنتدي ماراح يقصرون وياك

[نوني..]

مااتوقع فيه ببغاء مايتكلم بس فيه تفاوت بالتلقين والذكاء

يعني فيه احد من اول ثلاث مرات يمسك الكلمه ماشاءالله وببغاء لا اذا ردتتهآ عليه 10 مرات وكذا

وغالبا يردد الكلمه اذا تركته بروحه بمكان عالي اذا ماكان جرئ

[سنودي]

هلا فيك اخوي
ياريت تضع لنا صورة طيرك وصورة مقربة لعين الطير
وانت من كلامك جالس تدربة على لفظ الجلالة
حاول معه بالكلمات القصيرة مثال - بابا - هلوو - كوكو - مين - طيب - الخ ..
الكلمات القصيرة ولا تركز على كلمة وحدة فقط
بعض الكاسكو سبحان الله يقعد فترة طويلة بدون كلام وفجأة تلقاه منطلق بالكلام
بس يفضل وضع صور لطيرك حتى نفيدك
وتحياتي ..

[كنيور]

حاول معه بكلمة ثانية اذا نطق ارجع وعلمة كلمة لفظ جلاله (الله)

[توريس]

أخوي الغالي لا تستعجل أولا: حاول معاه بكلمات أخرى صارت معي عندي ببغاء حاولت أني أعلمه كلمه وحده وما رضى كل يوم اعيدها وبفضل الله غيرت الكلمة ونطق بسرعه حتى قبل كم يوم كنت مريض وكنت أعطس والله تفاجأت أنه يقلدني ويعطس والحمد لله الحين معاه حول 8 كلمات
ثانيأ: واحد من اخوياي عنده غيني ما نطق حاول بشتى الطرق آخر حل أخذ استعار له ببغاء متكلم وحطهم بنفس الغرفة وبفضل الله انطلق وعنده بدايات كلام كثير
أتتمنى اني قدرت أفيدك بخبرتي المتواضعة مقارنتاً بالاخوان في المنتدي

[بحر الكلام]

يالغالي انا شاري ببغاء نفس قصتك عمره 7 شهور مربيه والان عمره ماشاء الله سنه وثمان شهور طبعا الطيرر مانطق غير متاخر يمكن اخذ 7 او 8 شهور حتي تكلم والحين ماشاء الله عنده تقريبا 10 كلمات وكم جمله طويله يقولها وازيدك من الشعر بيت طيري اول مانطق تكلم جمل طويله وانا كنت ادربه علي كلمات قصيره مع العلم اني طفشت من كثر مالقن فيه ولا في فايده لكن سبحان الله فجئه نطق لحاله وبدا يتكلم فنصيحه اصبر عليه مدام الطير كويس معك ومرتاح لك لاتستعجل الكلام وانا اخوك يجي اخر المشوار في ترويض الطير وصدقني بيجي يوم يتكلم وانت مانت منتبه له وتقبل تحياتي

[ضوء الحب]

فيه طريقه سهله لكي يتكلم بسرعه وهي الكلام بالربط يعني لما تحط الاكل قله اكل
كل يوم ---- لما يخلص الاكل بعد فتره تحصله يقول هالكلمه لانه يربطها بكلمة اكل عشان تجيبله اكل

ايضا كلمة ماء - نفس الحكايه
واذا فتحت القفص قله اطلع وكل مابغى يطلع قالها
واذا كافئته بحبة فستقه ولا جوز او لوز او اي اكل يحبه قله شكرا
صدقني وقتها يكون الطير مجبور يتكلم عشان يوصل لك رساله
ايضا اغلب الكاسكوات يحبون ويفضلون تقليد اصوات الاطفال والنساء لانها اسهل واقل موجات وتردادات وحاول تعوده ف البدايه ع كلمات ثلاثية الاحرف واحادية المقطع مفردات يعني
مثلا هلو الو بابا ماما دادا واوا اصوات ضحكه موا قطه اصوات حيونات تصفرات متنوعه لكي
تتعود حنجرته ع الاصوات والتقليد
نوع له الاكل وضعه ف الشمس 10 دقائق وطلعه من القفص يوميا مره واحده
اكسر مزاجه لانه خجول وحساس

الكلام عن اغلب الببغاءوات يسئتهلك جهد وطاقه لذالك يتكلم فقط ف وقت نشاطه وللعبه واحيانا لوحده

اتمنى اكوووون افدئتك




مربي كاسكو سابقا وشبه معتزل

[فيوزي]

اسئل مجرب ولا تسأل طبيب اخوي
انا ربيت كثير من الطيور وكلها نطقت
الا 3 طيور جابت لي العقده
ما تكلمت بس تصافير ونغمات
وانا تعبت وانا القنها
جا يوم البيت فاضي الاهل راحو
اسمع تصافير
شوي والله الكلام الي لقنتهم اياه كلها نزل وبوضوح والله فرحت
وانت كمل التلقين
الطيور يبيلها صبر
ثم الصبر
ثم الصبر
وان شاء الله يوم بتسمع الكلام كله الي لقنته اياه

[بلاك بيري]

ماشاءالله تبارك الله ماقصروا الأخوان ربي يبارك فيهم

موفقين بكل خير