سؤال

[رمان قطر]

السلام عليكم ورحمة الله وبركاته

اخواني انا عضو جديد معاكم واتمنى اني ما اكون عضو ثقيل ...

انا شريت كاسكو افريقي من 10 ايام تقريبا

الطير وايد ذكي ما شالله عليه ومتفاعل معاي بشكل وايد زين واهو عمره تقريبا 7 شهور

في كم سؤال او استفسار ياليتكم تجاوبوني عليها او تفيدوني فيها

اولا: الطير بدا يصير طرف ذيله اسود وما ني عارف هل هذا مرض ولا شي طبيعي

ثانيا: الطير لما العب معاه او احاول احفظه يطلع اصوات غريبه ويفتح منقاره كانه غاص بشي واوقات الاقيه منتبه والقزحيه تكبر وتصغر . هل هذي بداية كلام ؟؟

ثالثا: انا ماخذ قسم خاص فيني فالبيت ومخلي الطير معاي وبالعاده نادر ما يجيني احد من اخواني او اهلي والسبب اللي خلاني اخلي الطير معاي ان عندنا قطو يغار من اي حيوان او طير يدش البيت وخفت انه ياذي الطير او يضايقه . واليوم قعدت بالصاله مع اهلي وحسيت ان الطير متضايق لدرجة انه عضني لما حبيت الاطفه مع العلم انه واااااايد اليف معاي لكن مب عارف شالسبب هل لآنه مب متعود على الناس لآن اوقات اجيبه الصاله واقعد العب معاه وكل شي طبيعي لكن اليوم هالشي خلاني استغرب ومجرد ما رجعت لقسمي قام يلعب ولا كآن شي صار . فياليت تفيدوني هل السبب من ان كان عدد الاشخاص غير اعتيادي عليه ولا في سبب ثاني ؟؟

وسامحوني عالاطاله

[Mr.3zo]

منــور آلمنتدى بوجودك ي آلغآلي


صور طيرك وصور جنـآحة

انا عندي ببغاي اذا صارت القزحية حقته تكبر وتصغر فانه معصب

مادري عاد اذا نفس الشي عندك


اتوقع لان الببغاء يجلسس بالحالة تضايـق وعضضك !!.

[حمضيات]

انا اتوقع ان الطير خايف وها الشي طبيعي خليه حتى يتعود على المكان الجديد اللي هو فيه وعادي موفقه وتقبلي مروري

[رمان قطر]

تسلم اخوي عزو

انشالله بحط الصوره

وبخصوص القزحيه ما توقع لاكن يمكن ليش لا

لا لا بالعكس كنت شايله على ايدي لكن كان في ناس وايد يمكن تضايق منهم

[رمان قطر]

حمضيات اشكرك على مشاركتك

لكن بالعكس اهو متعود عالمكان لكن اعتقد ان المشكله فالاشخاص

[honey1992]

مرحبا اخوي
واهلا وسهلا فيك ....
ابددد هذا زي الزاحف اللي عندي
طيرك خاف من الاشخاص ويبيك ترجعه مكانه فمالقى الا انه يعضك عشان تتحرك
فياليت تعوده على كلمه تخص هالموقف
اعرف لك احد مقرب لي عنده نفففس طيرك واذا تضايق او خاف او كان بالمكان اشخاص مااعجبوه قال تعال تعااال عشان يوديه لمكان غير هذا وياوييييلك اذا ماسمعتها من ثاني مره ههههههههه
والقزحيه اذا تحركت دليل الطير خايف ومرتبك مهما كان يحبك ومتعود عليك
الطيور بطبيعتها حساسه وحذره من كل شي وهذا امر طبييييييعي جداً ولا يشغل بالك
اعذرررني عالاطاله
واتمنى اكون افدتك باللي قدرت عليه ..

[رمان قطر]

تسلم اخوي عالمعلومات
بصراحه كنت خايف ان في مشكله