اليوم يومكم يا شباب الكاسكو عقدنى

[ولد الديره]

السلام عليكم

بعرف يا شباب مدى خوف الكاسكو شكثر الكاسكو خواف ؟

الكاسكو الى عندى مع انه يصعد على ايدى بس يخاف منى بدرجه كبيره حطيت له غصن شجره

بالقفص عشان يتحرك براحته ويلعب من حطيت الغصن وهو مو راضى ينزل واقف على صندق الأكل

طول الوقت صار له يومين تقريبا مو راضى يغير مكانه ؟

دلع ودلعناه وأكل مسوى له خلطه ولا بعرس أمه يحصل منها

نظافه كل يوم بين وقت ووقت امر عليه واكلمه حبيبي عمرى كاسكو واضحك معاه وكل هذا من مده

تقريبا ثلاث اشهر وللحين يخاف منى ؟ الحل يا شباب حل عملى وبسيط تكفون شسوى معاه ؟

[توتي]

شي طبيعي جدا..

أولا الكاسكو أو أي طير ثاني يعتبر القفص هو مملكته الخاصه فأي شي غريب ينحط في القفص بيخاف منه.. بالذات الكاسكو الانه خواف..

انا عندي عشبوه واللي هيه متعوده عليه بدرجه 100% يوم حطيت لها لعبه في القفص مع انه اللعبه صغيره انتبهت لها وتمت مثل الصنم واقفه ما تحرك ساعات طويله..

الطريقه الصحيحه واللي انا جربتها ولقيت فيها نتيجه مرضيه هيه.. اانك تطلع الطير من القفص وبعدين تبعده عنه وتروح تحط اللي تباه في القفص بعدين ترجع القفص مكانه ومتى ما دخل هو دخل وبيكون الوضع طبيعي.. وبيتعرف على اللي بالقفص بهدوء.. مش انك تهاجمه وهو في قفصه وتحط له الغصن.. وفي اعتقادي 3 شهور مش كافيه استمر بتدريبه اكثر واكثر.. وبالتوفيق..

تحياتي/ توتي

[الطاير]

وعليكم السلام ورحمة الله وبركاته ,,,

ينطبق ع الكاسكو حقك المثل ال يقول ,,

(( ان انت اكرمت الكريم ملكته ,,, وان انت اكرمت اللئيم تمردى ))

بخصوص الغصن ,,,
يمكن الغصن حجمة مو مناسب .. نحييف مرة او مررة متين
ويمكن موقع الغصن مو مناسب يعني اذا وقف على الغصن يحك في القفص او قريب من ارضية القفص
ويمكن ان الغصن مو ثابت يعني يتحرك
ويمكن لاقدر الله يكون فيه مشكلة في رجل الطير عندك
الافضل انك تحط صورة للاخوان وراح يعلمونك وين المشكلة ..


وبخصوص الاكل ,, كل الطيور كذا ... فلا تستغرب مثلاَ ان الرمادي حق فلان ياكل الفول السوداني بشراهه
بينما الرمادي الي عندك ماياكل فول سوداني ابداَ مع انه من نفس النوع

الله يعينك تغير له في الاكل وتشوف الاكل الي ياكل منه والي ماياكل منه ,,
واذا فيه نوع ما اكل منه لا تحط علية اكس ... اصبر كم يوم واعطه نفس الاكل ,,واحتمال ياكل منه
وهكذا دواليك الى ان تعرف مالذي ياكله ومالذي لاياكلة ... وحاول تعرف نوع الاكل الي يفضلة وخلنا نرمزله بـ** ((لاتنسى )) وشيله عنه


النظافه ,,,
هذا شي ممتاز انك تهتم باستمرار ,,, انت كذا تضمن بأذن الله صحة الطير من الامراض



وبخصوص الخوف انا اديلك حل وبسيييط يخلي الطائر حقك من طير خوااف الى طير وليف ,,,
تبغى تعرف السر .... انا اقولك
الطيور هذي الي تلاقيهى في السوق75% منها تربية اقفاص واحتكاكة بالانسان قليل حياته كللها من قفص الى قفص .
والحل ؟؟
الحل انك تخليه يقطعهى مع الكلام هذا ,, طلعه كل يوم من القفص وخله من 3 الى 6 ساعات يومياَ خارج القفص
في البداية يكفي تطلعه وتخليه فوق القفص
وبعدها سو له غصن و ركبه في الجدار او اي مكان وارفعه شوي خله بمستوى صدرك
الحين نطلع الـ ** والطير خارج القفص ونبداء نديله رشوة .. بين وقت واخر ,,
و اذا نزل اما تخليه يتمشى اشوي يتعرف ع المكان .. او اذا تبغى تعودي يبقى ع السنادة رجعه
مع الوقت بيتطمن للمكان وراح يكون تجاوبة معاك انشا الله افضل .


هذي رأيي .. وانتضر ردود الاخوان
وبالتوفيق

تحية
الطاير

[Mr. MeMo]

اخي الكريم

طائرك يحتاج الى ترويض
و انا ارى ان فتره ثلاثه شهور كثيره جدا
يجب عليك استخدام طرق الترويض الموجوده
بالمنتدى و محاوله المسح على الطائر
و التقرب منه اكثر

والا فلن يتغير الحال

[سامح حمود]

مشكورين اخوتي الكرام على التوضيح

الى الامامhttp://www.lovepostcards.net/288100 )))))))))))))))

[ولد الديره]

توتي شكرا على المشاركه


لما فكرت احط الغصن داخل القفص كنت اساسا مطلع الكاسكو مخليه على ستاند بعيد عن

القفص بس بنفس الغرفه يعنى والحين ثلاث ايام والكاسكو ما يقرب من الغصن قلت يمكن


خايف ومحتاج وقت بس اتصور طول وهو بمكانه وطول وهو خايف من الغصن


يعنى استخدمت الطريقه الصح بدون ما ازعج الكاسكو بس النتيجه انه مازال خائف وننتظر

الفرج

[ولد الديره]

شكرا الطاير على المشاركه صدقت يا خوى تمردى والله

بالنسبه للغصن عادى مو متين وايد ولا ضعيف يعنى وسط وانا مثبته صح والكاسكو حمدالله

رجله سليمه مافيها شى واساسا كان يوقف على العصا الموجوده بلقفص ويوقف على الستاند

بس الغصن للحين ما قرب له

وبنسبه للاكل حمدالله ياكل شى تقريبا وياكل من ايدى يعنى اعطيه من ايدى ياخذ مني

ويصعد على ايدى بس احس فيه يخاف منى من قلب رغم انى مهتم فيه وايد من نظافه

الى اخره ..... وبعد اطلع الكاسكو تقريبا يوم وترك واخليه على الستاند ساعتين او اكثر

وساعات بعد اشيل القفص واخليه يمشى بالغرفه عشان يتعرف عليها اكثر ويكسر حاجز الخوف

يعنى تقريبا سويت كل شى له بس ممكن اكون مقصر من ناحية الكلام معاه مع انى اكلمه يوميا

واحرص انى ابدل الماى والاكل والنظافه بنفسي مع كل هاذا خوااااااااااااااااااااااااف مو عارف شسوي

اضبطه واعرفه على كاسكوه مثلا او اشترى له موبايل ن 73 في شى خطأ ولابد اكتشفه

بيوم ولد العم ما قصرت وانا وضحت لك خطوات الى انا اتبعتها معاه وكل الشكر وخلنا نشوفك كابتن .

[مدرب الأفريقي]

لازم توديه لاحد يدربه لك أنت من وين إذا انت من اهل السعوديه من الدمام جيبه لي ادربه لك مع الشكر .

[ولد الديره]

Mr. MeMo


من صجك ثلاث اشهر وايد ؟ شيل منهم 21 يوم مسافر ........... و 10 ايام بعد كنت مشغول فيهم


شلون اتقرب منه صار لى جم يوم احط القفص على الارض واقعد يم الكاسكو قريب جدا منه افتح

له الباب واقعد اكلمه شوى واشوف تلفزيون وهو بلقفص لمدة ساعتين تقريبا وساعات هو بروحه


يطلع من باب القفص ويصعد فوق من اقرب منه يرجع يروح اخر مكان بلقفص طبعا اكلمه شوى

شوى وانا احاول اقرب منه من يشوف ايدى يرجع يخاف ما يجعر بس يخاف هنى انا ابعد شوى عنه

وانتظر فتره وارجع ونفس الشى ذبحنى

وتقولى امسح على راسه شلون يعنى غصب ؟ او انتظر لما الكاسكو يسمح لى من خلال عدم

هروبه منى اتصور لازم الكاسكو لما اقرب ايدى ما ينحاش ساعات اهو يتذوق ايدى اقول زين بدأ

يقرب شوى من ارفع ايدى صوب منقاره او رجله ينحاش لاخر القفص

ضبطنا بس بخطه علما انى قريت عن ترويض الكاسكو وبقراه مره ثانيه بعد وبشوف وربك كريم

[ولد الديره]

مدرب الأفريقي شكرا على المرور وانا يا ولد العم من الكويت ولو كنت ابي كاسكو جاهز يتكلم ويرقص كان شريته بس حبيت اشترى كاسكو صغير وانا اعلمه على ايدى وحمدالله خلال ثلاث

اشهر عرفت امور كثيره عن الكاسكو والشباب بلمنتدى هنى مثلك وشرواك ما يقصرون معلومات
كثيره ومفيده ............... شخصيا أتمتع لما أتعب على موضوع او اى شى بالحياة بوالأخر اقطف
ثمار التعب لها متعه ولد العم ... وشكرا لك .