فزعتكم يالنشامى (فرخي الكاسكو الهولندي يموت بين يدي )

[سلطان 7707]

السلام عليكم
ياأخوان ابي فزعتكم بعد الله انكم تشوفون علاج لطيري وهو من نوع كاسكو هولندي عمره تقريبا 7شهور عينه سوداء
السالفه انه بدا مايأكل من امس واحس انه مايقدر يبلع الطعام تقل فيه حجر بحلقه تمنع دخول الطعام ولاحظت انه اذا شرب الماء يرجعه ونوعت له بالاكل لكن مافي فايده
مع العلم ان البياض الي في الرأس وحول العين ومقدمة الراس والي حول الخشم لاحظت تغير لونه الى الاحمر
وتقريبا البراز وانتم بكرامه يطلع ماء وشوي سهال اخظر
وش الحل وش السوات وياليت تدلوني على وصفة علاج معين او تدلوني لبيطري اشرح له قصتي علما ان ساكن بالقصيم بريده

الاعراض باختصار

1-احمرار حول العين ومنطق الانف ومقدمة الرأس البيضاء .

2-اسهال بسيط مع نزول ماء .

3-عدم الاكل لأكثر من 15 ساعه .

4- اصدار صوت الم حينما يريد بلع طعام .

5-قلة حركه مع اغماض عين في حال الوقوف مباشره والخمول .

6-كثرة خروج لسانه وتحريكه يمنة ويسره
وجزى الله كل انسان دلني على خير او الى صواب

وارجو افادتي عاجلا غير آجل...............................................

[صوغة]

حالة طيرك متاخرة

والون الابيض قلب الى احمر نتيجة الجفاف والجهد والمرض

طيييير لاقرب بيطري

واذا ماتعرف دق على الاستعلامات وقوله يعطيك رقم اقرب بيطري وكلمه واخذ العنوان

ان شاءالله يدخل من يفيدك اكثر

الله يشافيه يارب

[عاشق المتاتيت]

راح يموت من غير بيطري 100%

[يوفاوي الكويت]

الله يشفه يارب

هذا نفس مرض طيري

انصحك انك تعقم العين بقطر معقمه

واقرب بيطري وراح يعطيك مضاد حيوي وقطره للعين

واشتر سيليلاك خاص للفروخ

ولا تنسى انك تخلط السيليلاك بالمضاح الحيوي

وتغر الطير لما يقوم بالسلامه يا رب

وقدر الله وما شاء فعل

اهتم انك تعطيه الاكل بالسرنجه

[*هاوي البادجي*]

انا اتفق مع اخوي يوفاوي الكويت

و يا عاشق المتاتيت حرام عليك تحط الرجال بطيره

[*هاوي البادجي*]

ويا عاشق المتاتيت حرام عليكم تحطم الرجال بطيره

[fawzi]

الله يشفي طيرك ان شاء الله ومن وصفك لحاله الطير تبين فيه انه عنده التهاب حاب في الجيوب الانفيه وهذا دليل على الاحمرار الي جهه العينين وفتحه الانف واغلب هذه الامراض سببها المكيف البارد ونفس المشكله صادت طيري والعلاج هو الباتريل اورل وفيتامينات اسمها ميتاكام او سكاروليت......... اذا اخذت العلاج لازم تغطي الطير دائما القفص يكون نظيف الماء يتغير مرتين في اليوم طريقه استخدام العلاج عن طريق الفم لان الباتريل هو دواء سائل لزج ستخدم مقدار 10سانتي بالابره ويعطى بالفم لمده 10ايام وبعدها تعطيه الميتاكام وهو عباره عن فاتح للشهيه وفيتامينات برضو السكاروليت هو مجموعه من الفيتامينات معززه بمضاد حيوي توضع في مشربيه الماء مقدار ربع ملعقه صغيره لمده 7ايام ....

[hus007]

نسأل الله الشفاء لطيرك وارجوا انك لا تنسى الدعاء بالاضافه لزيارة البيطري
واعلم انك راعي وانت مسؤول عن رعيتك

[ziad1409]

والله انصحك تروح للبيطري على طول ويكون فاهم مو سباك

وانصحك بالأبره عطه دوا بالأبره لا تنتضر يشرب مويه ولا مدري وشو ابره اسرع علاج ومتأزمه الحاله
والله والعالم أنه التهاب بشعب الهوائيه وحاد بعد
الله يستر عليه وتكفي علمنا عن حالته

[سلطان 7707]

بسم الله الرحمن الرحيم

اشكر كل من تفاعل مع موضوعي وان دل هذا التصرف فأنه يدل على روح الاخوه والتعاون في مابين الاعضاء

نأتي الأن لحالة الطير والجديد في الموضوع

ذهبت بالطير امس في المساء الى احد الاطباء البيطريين وصرف لي حبوب مضاد حيوي وكان اسمها
chevita gmbh وقال هاذي مضاد حيوي وقال تضعها في الماء داخل القفص لكن الطير لم يشرب ولم يأكل حاول اخليه يشرب مو راضي لكن عجزت اصبر وخصوصا بعد ردود بعض الشباب التي تسلل الخوف الى قلبي بعدها
ثم ذهبت الى طبيب آخر سوري الجنسيه وقال ان لديه نزلة برد والتهاب في الحويصله قلنا ماشي قال يحتاج مضاد وصرف لي علاج مضاد لون كرتونه اخظر واسمه tylogen وعليه صورة ببغاء وحمامه وقط وهو ماده سائله قال ضعه في الماء قلت يادكتور ماراح يشرب مويه قال اذا تقدر عطه عن طريق فمه قلت مافي مشكله
قال عطه مقدار ربع ملي
وعطيته العلاج الساعه التاسعه اليوم مساء وقمت وعطيته غر عندي كنت اخذته من جنة الطيور بسوق الحمام بالرياض خاص لغر الطيور الصغيره مادري وشو لكن زي الطحين ولونه اصفر وغريته بالغصب تقريبا ربع بلاستيكة التطعيم الخاصه ويالله بالغصب اكلها ولاحظت ولله الحمد تقل تغير برازه وانتم بكرامه بدا يغلظ شوي وهو مابرز من بعد الساعه 10 الى الساعه 2 الا مره واحدة لكن من وجهة نظري ان فيه تحسن 35 بالميه

لكن وشرايك يامشرفنا fawzi استمر على العلاج الي معي او اعطيه من الي وصفت انت في ردك بحكم ان جاب نتيجه معاك وعلى كلام الدكتور يقول عطه كل 24 ساعه وانا لو اعطيه كل 12 ساعه وشرايكم
والمشكله مو راضي يأكل من الي داخل القفص من البذور وحب تالشمسي والفول السوداني مع انه يقدر الفول السوداني

هاذي اخر التطورات وسنوافيكم بالجديد

واشكر كل من شاركني بدون استثناء والشكر موصول لمشرفنا الغالي

[COLOR="DarkOrange"]ملاحظه مادري انا موسوس او لا الاحظ ان رجلين الطير فيه حراره هل يمكن ان يكون في الطير حلراره يعني حمى[/COLOR]