يا الربع الكلبه كلت عيالها وهجمة على الراعي والغنم ؟؟!!!

[عـضــ ولكن ـــو]

مساكم الله بالخير جميع

الحقيقه انا محتار وبحيركم معي انا يا الربع من هواة تربية الكلاب

وعندنا شبك غنم حاط اجعريه هناك من يومها جروه وتربت مع الغنم والدجاج ولا قط ضرت منهم شي مدة 2 سنه

انجبت العام وماتو جراوتها اعمارهم ماكملة اسبوع قال الصبي الأم كلة عيالها وماصدقته سلامات ؟؟

بس هالسنه جابت سته وصارت اعمارهم 3 شهور وبدو يختفون والعمامل يقول الأم تضربهم وانا مكذبه

لين راح البارح عمي للحوش الا والكلبه تنهش ولدها وتاكل لحمه وابعدوها عنه الا والغنم مقبل وتهجم على شاه وتجرحها ويبعدونها الا وهي تهجم على العامل ذبحها عمي وهو يتحسر بس ماشاف حل ثاني


السؤال وش الي جاها ؟؟ هذا سعار ؟؟ ولا جنون ؟؟ ولا العامل سيئ معامله معها ومع جراها ؟؟

مع العلم نوعها بلدي واليفه جداً معنا ولاهي شرسه كثير على الغريب تكتفي بالنباح لتنبيه

فماهو تحليلكم للقصه ؟؟؟

[nemo991]

اتوقع إنها خافت لا تعاملون عيالها زيها فأكلتهم والكلبة معروفة البلدي بالذات بشراسته ضد الغير اثناء رضاعت عيالها فيمكن علشان أتو لكم عشرة معها ما تبغا تسويلكم شيء من الآخر لازم تعاملونها في فتره الحمل والولادة معاملة كويسه وتحطونها في حبايب عيونكم لين ما ينفطم الجراوه

[Musab Pro]

اول شي الله يعوض عليك بكل الخساير اللي خسرتها .

اخي الكريم .. دائما نقول ان الكلبه وقت الحمل و الولاده يجب ان تعامل بطريقه خاصه .

يعني شوف كلاب الشوارع او الموجوده في الغابات او او .. اهم شي مو عند ناس .

تلاقي الكلبه تحفر وتسوي مكان بعيد عن انضار العالم لها ولعيالها .

وتهتم جدا في نضافة المكان وتحصلها تنضف عيالها وتنضف مكانهم .. هذا الشي عندها بالفطره .

واهم شي عندها انها تختفي عن انضار العالم .. عشان تشعر بامان على عيالها .

اعتقد اللي حصل لكلبتكم هو العكس .

مكانها صار مكشوف واعتقد ان معاملة العامل كانت سيئه معها فهي لا تحبه انا متأكد من هالشي ١٠٠٪

الكلبه لا تهجم على من تحبه ابدا مهما كانت الاسباب .

اما اكلها لجرائها فغالبا من خوفها عليهم .. او بسبب نقص تغذيتها .

المواقف اللي مرت فيها هذي الكلبه كانت سيئة جدا ولو بقت حيه عندي مستحيل اخليها تنجب مره ثانيه .

لانها اصبحت معقده وكل مره تنجب راح تأذيني و تأذي جرائها .

انصحك يا اخي الكريم في المره المقبله انك تضع للكلبه مكان بعيد عن انضار الناس او الحيوانات الاخرى .

يكون نضيف و معقم .. وتجي تقدم لها الطعام بعيد عن جرائها شوي و ما تلمس جرائها ولا تقرب لهم .

لازم تشعر بامان كاااامل عليهم .. لان الكلب شكاك ويخاف من ادنى حركه لما يكون عندها جراء .

وتصبح شرسه جدا .

تقبل مروري .

[كـش مـلك]

يا الله مسكينةة هذي الكلبةة

الله يعوض عليك اخوي

اذا بتربي كلب انتبه له يا الغالي

[عـضــ ولكن ـــو]

اشكركم من كل قلبي على المشاركه الطيبه

واتفق كثير مع كلام الأستاذ مصعب

ولكن يا اخواااان الغريب ان الجراء كبار اعمارهم اكثر من 3 شهور يعني الأم افطمتهم

وصارو يعتمدون على نفسهم ليه تقتلهم ؟؟؟ طيب اهجمة على العامل لسوء معاملته احتمال

ولكن ليه اهجمة على ثلاث من الحلال ؟؟؟؟؟؟؟ يعني الحاله نفسيه ماهي مرضيه ماهو سعار ؟؟؟

والله يا اخوااان ان عمي الي قتلها يقول شكلها كان ذيب جريح مو الكلبه الي نعرفها سنتين ؟؟؟


فوش رايكم الحيل الحاله نفسيه وكان قتلها غلط ولا مرضيه وكان قتلها الحل الوحيد ؟؟؟

[Musab Pro]

بصراحة قتل الجراء بهذا العمر امر محير واكذب عليك ان قلت اني املك اجابه اكيده .

ولكن من خلال ما مريت عليه من تجارب .. الكلاب اذا كان عندها نيرفز عالي جدا تهجم على اي شي .

كان عندي كلب حريق بمعنى الكلمة .. بدون مبالغه اصنفه من اخطر الكلاب في المملكه .

وهذي وجهة نضري الشخصيه طبعا .

كنت ادربه على الهجوم .. لما اخلي اصحابي ينرفزونه ويحاول الهجوم عليهم اكون انا ماسكه دبل ليش

لي بيدي و ليش مربوط للاحتياط .

واكون حاط له دبل طوق عشان لو لا سمح الله انقطع واحد الثاني يكون موجود .

السيطره عليه الحمد لله تمام ولكنه يلف على اي شي جمبه .

وسبق ولف على يدي ولكن الحمد لله ما عضها رغم انها دخلت داخل فمه ولكنه يعرف

من هو الماستر و من هو الرئيس .

فيبدآ يلف على الاشياء الثانيه مثلا .. كلب اخر ايضا يدرب على الهجوم الجماعي .

او يلف على اشياء بالارض .. مثل سطل المويه اللي يشرب منه

او ساعات عضاضاته او اي شي بالارض .. لانه متنرفز جدا وما يقدر يسيطر على نفسه .

طبعا الكلب ما كان كذا ابد .. ولكن تدريبات الشراسه بالغنا فيها شوي وهذي النتيجه .

وهذا خطأ تعلمت منه .

اعتقد يا صديقي ان الكلب كان يستفز بشكل غير عادي من قبل عاملكم .

و من الممكن انه لف على الجراء بسبب هذا الشي وبعدها العامل و الحلال .

ايضا فيه امراض تغيير من مزاجية الكلب وتجعله متوحش بشكل اعلى من الطبيعي .

ولكن هذي الامراض لها اعراض اخرى والمفروض انها تكون واضحه .

مثل تغير بالنشاط الحيوي و الاكل و المخلفات .. تضهر ايضا على اجزاء الجسم .

مثل الوزن وصحة الكلب ، العينين ، الاذنين ، لون اللثه وغيرها .

بالنسبة لقتل الكلب فهو غير صحيح ولكن الامر انتهى وقدر الله وما شاء فعل .

في مثل هذه الحالات الافضل اخذ الكلب الى مكان بعيد وتركة يعيش حياته بنفسة

ولكن انا اقدر ان في مثل هذه المواقف الصعبه يحتاج الانسان الى سرعة في التعامل .

و غالبا ما يخطئ الانسان .

تقبل مروري .

[zErOkA]

اخوي الله يعوضك بواحده احسن منها انشاء الله

[josy]

دايما هالانسان مابيعرف يتعامل مع الحيوانات

ونرجع نلومه للحيوان لو غلط

مفروض تحط العنوان

ياالربع عاملنا الكلبة غلط في غلط وهيدا جزاتنا

لا وكمان موتناها للكلبة

هيدا العنوان احسنلك
دخيل الله منشان الله عاملو حيوانتكم افضل من هيك

وبطلو تلومو الغير لومو حالكم وبس

ومن وجد غير ذلك فلايلومن الا نفسه

حرام هيك

[zErOkA]

واخواني الحيوانات لها روح مثلك مثلها يعني شو بدي لقول
على كل حال الله يعوضك

[أبو جوري]

اي والله السدرة

الربع ما يعرفون السعار ممكن ..

اتوقع يا غالي ان الكلبة جاها سعار واشتد عليها ذاك اليوم

والسعار خطير جدا انا كان عندي حصان اصيب صار ياكل جسمه وعض العامل ومات بالنهاية


والاسباب ربما اولا
حصني ملغوث شرب من ماء الكلب مثلا

او تلقى الكلبة تعاضت مع حصني او ورل ملغوثات وانسعرت واذا انسعر الحيوان مابه رجا

الحمد لله على سلامتكم