سؤال وجواب (في تدريب وترويض الببغاوات والعناية بها)

[قاهر الايام]

السلام عليكم اخواني

اولا يعطيك الف عافيه على هذا المجهود والرد على تساؤولات الاعضاء

ثانيا حبيت استشيركم في شي

انا تقريبا قبل اسبوع و3 او 4 ايام اخذت لي كاسكو طبعا انا كان طموحي بكاسكو صغير واربيه على يدي

لكن لبعض الضروف وارتفاع سعر الفرخ اجلت الموضوع شوي لكني حصلت كاسكو رخيص نوعا ما لكنه كبير في العمر وعلى كلام صاحبه ان يتكلم لكني بكل صراحه للحين ما سمعت منه كلمه

المهم مو هذي مشكلتي هذي احد المشاكل لكنها حاليا مو هامتني كثيرا لاني اعرف ان فيه بعض الببغاوات تاخذ وقت لين ما تتكلم وتصفر اهو حاليا يصفر احيانا لكن بصوت منخفض

المهم نجي لمشكلتي

مشكلتي يا طويلين العمر انه عضاض من الدرجه الاولى ومزاجي من الدرجه الاولى بعد

انا طبعا قريت في النت طرق كثيره وشفت طرق في المنتدى هني بعد واستفدت منها كثيرا خصوصا طريقة اخونا سكر فأحب استغل الفرصه واقدم له شكر عليها

المهم انا اعرف ان الكاسكو اذا يعض وما تشيل يدك عنه او ما تخاف منه يخف عضه مع الوقت لكن اللي اشوفه انه نتف يدي ولا هو خاف ساعات احسه ان يزيد ما يخف هذي مشكلة العض معاه علما اني جربت معاه طريقة العسل وما نفعت كلش لانه كما يبدو انه ما حب العسل

نجي اللحين للمزاجيه

طبعا بعد عناء طويل وتجريب اكثر من طريه استطعت المسح على رأسه طبعا بأستخدام المنشفه كما قال الاخ سكر

طبعا من مزاجيته ما اقدر امسح عليه في اي وقت ولا في اي مكان

يعني اذ كنت معاه في مكان التدريب يعاند شوي وبعدين اوكي اقدر امسح عليه وبعد اوقات يهون ويحاول يعض

لكن من اطلع من مكان التدريب خلاص يرجع وحش مو كاسكو ما تقدر تقرب يدك الا فتح منقاره يبي يعض واحيانا يهجم عاليد هجوم مفاجأ في اعتقادكم ما هو السبب في هذا التصرف وخصوصا اذا كان في القفصص او فوققه او عالستند مستحيل يرضخ ويخليك تمسح عليه او يجي على يدك ولا حتى بالغصب

وكما يبدو ان صاحبه القبلي معودنه عالقفاز لانه بالقفاز يكون اقل شراسه لكنه بعد يظل شرس لكن اخف شوي وانا اللحين ما ابي استخدم له قفاز

فما هو الحل لهذه المشاكل ؟

واسف عالاطاله والازعاج لكن كما يبدو اني راح اعور راسكم شوي طول ما هالكاسكو عندي ففأتمنى منكم تحملي شوي

ومشكورين مقدما