انفلونزا الطيور وصل الكويت @..@

[*القلب الصافي*]

واي
يا ويلي على مشموشتي

انا مخلنها تلعب مع العصفور كل يوم

والله اخاف

صح اني من الامارات بس ما ينعرف يمكن يجي في الامارات

مشكوره وما قاصرتي والله يعيني

[Dominique]

رعوود

الله يجمعك باهلك وناسك ويعين الجميع

الله يخليلك هامستراتك وسلحوفتك

*********

ويذرد روز

تحرصي على قطاوتج تكفين لا تطلعينهم بره

مع الهوا كلشي يوصل لنص الديرة

الله يستر بس

*********

الغيورة

شفتي شلون ؟

انشالله ما يوصلكم ولا راح يقضى على طيور شبه الجزيرة العربية الله لا يقول

شنو هالبلاء الله يجيرنا

*********

دلع الحزينة

حياتي لا تتأخرين على التطعيمات

البيطري صارله اسبوع مزدحم والسبة الكل يبي يطعم حيواناته

تلاحقي قطوتج ولا تطلعينها بره أبد

*********

القلب الصافي

قول يارب يخلص هالمرض من عندنا وما ينتشر بمكان ثاني ولا يوصلكم

دير بالك المهم على مشمش

العفو واجبنا نبلغ بالمهم
.
.
.

[مخاوية قطاو]

دومينيك يوم قلت لامي >>يمه تدرين الكويت وصلهم انفلونزا الطيور <<مسويه خبر جديد
تدرين وش قالت>يااقدمك من وين جايبه هلمعلومه القديمه قالوها في الجزيره
وانا على بالي توه الحين صاير الحدث
ويوم قلت لها عسى مايجينا بس <<<اليوم عندنا عج غبره
قالت من قالك ان ماجانا انفلونزا الطيور جت يمكن حالتين او3 في جده
وانا مادري وين عايش بصراحه معلومات جديده علي توني ادري خخخخخخخخ
دومينيك......
مشكوووووره جدا جدا
على الرد اللي رديتيه على مجنونه بس حنونه
على فكره وانا ابادلك نفس الشعور

[بنت البحرين وكلي فخر]

لا حول ولا قوة إلا بالله .... الله يستر الله يبعدكم عنه حاسبو اخواني وخواتي ترى هذا المرض وايد خطير والله اكون بعونكم
تكدرت والله
وانشالله ماينتشر اكثر واكثر حاسبو اخواني واخواتي والله اكون بعونكم
تحياتي .. بنت البحرين

[Dominique]

مخاوية قطاو

أنا حسيت ان المرض صار جدي يوم حطو الاعلان بالاخبار المحلية عندنا وحاطين رقم الطوارئ هني وقف قلبي

قلت صارلي كم يوم أطلع دمدم قلبي بالحديقة يلعب على قرادة حظي صار انفلونزا الطيور !!

اليوم الجو غبار حيل تعالي شوفي أرضية غرفتي مع ان الشبابيك مسكرة

ملعب على الشاطئ مو سيراميك

وكنت سامعة ان وصل السعودية من مدة بس ماكان فيه ذيك الخطورة يعني ماكان فيه اعلانات تحذيرية ولا قريت لأحد الأعضاء عنه

بس اخترعت صج يوم وصلنا

تعالي شوفي البيطري شكثر طيور جايبينها يطعمونها

القلوب عند بعضيها

***********

بنت البحرين

الله يستر وما يوصلكم قولي آمين الجو ما يبشر أبد
.
.
.

[leo75]

دومنيك اسم الله عليج من الخرعه الحمدلله ان ما نربي دياي بالبيت والله جان علومنا علوم
الله يستر علينا وعلى ديرتنا ويغدي الشر قوا آمين
دومنيك صج ان السالفه جايده بس لاتحاتين وتخترعين وايد ترى يضر بصحتج

[misca]

الله يستر الكويت قريبه من الرياض

والله يساعدكم الكويت اهلنا ومنا وفينا

والحمد لله ماعندي قطوه عندي هامسترين وحتى لو كانت عندي قطوه ماراح اطلعها

[Dominique]

ليو

بيت يدتي يربون دياي كثر العيش

أقولهم حق شنو هالكثر دياي بتفتحون مزرعة.. قطوهم بالسكة خل يولون بسنا أمراض

وأمي الله يهداها
كليوم تحط العيش الزايد بالحوش علشان على قولتها : " حرام خل الطيور تترزق الله "

أي تترزق الله

تترزق من هني وتحذف أمراضها من هني

الله يستر بس


هذي كلها حوبة الناس

اتحاد البيض والدواجن قبل جم يوم قايلين بيزيدون أسعار البيض والدياي والجمعيات محذرتهم انها بتييب بيض من بره إذا زادو السعر

يالله

الله ما يطق بعصا

قلعتهم

ديايهم كله مات، تجارتهم خسرت

والبيض طاح بجبدهم

لوما الطمع جان المركب ما طبع





ميشكا

تسلميلي والله حبايبنا الرياض وأهلها بعد

انشالله مايكون ينقل للهامسترات بعد الله لا يقول
.
.
.

[Bruce]

الله يحفضكم ويبعده عنك وعن دومنيك

واحلى بوسه مني لكم

[Dominique]

بروس

والله مومشكلة يحوشني

بس

لا يحوش دمدم أهم شي

ميرسي على الاهتمام ويبعده عنكم يارب ونفتك من هالبلاء
.
.
.