قطة عمرها تقريبا اسبوعين

[o9Liii]

القطوة الله يكرمك تبولت بس البراز ما في و البيطري قال اعطيها حليب بوني مخفف/
مو تحسه ثقيل شوي عليها ؟؟
قال لازم اجيبها قلت انا مو موجود في الرياض
وخف الانتفاخ شويبعد ما تبولت بس برضه ما راح نهائيا
او يمكن عشانها صغيرة ما تبرزت دائما اسويلها مساج تتبول بس ما تتبرز ؟؟؟
اخاف يصير لها شي

[دلوعةقطوتي]

بوني ثقيل عليها
ان شاءالله مايصير لها شي بس انت خلك عالتدليك ويارب يروح الانتفاخ

[o9Liii]

يسلمو كثر الف خيرك بس البراز الله يكرمك ما اقدر اسوي له شي غير التدليك و لا اعطيها زبادي مخفف ؟؟؟

[دلوعةقطوتي]

الله يسلمك
الزبادي يوقف الاسهال يعني لو عطيتها ماراح تتبرز بس خليها عالحليب وممكن هو قالك بوني مخفف عشان تسهل القطوه
ودلكها لين الله يسهل عليها والله يجزاك خير لمساعدتها

[o9Liii]

يعني شورك اعطيها بوني ؟
طيب اشرايك ادهن لها زيت زيتون يمكن ؟؟؟

[دلوعةقطوتي]

قبل شوي كنت افكر بزيت الزيتون بس ماادري الصغار ياخذونه اولا؟ لانها اسبوعين مادري بس من شهرين تقدر تنقط بفمها زيت الزيتون
واذا قصدك دهن المنطقه جرب ماظن بيضر لانه خارجي
اتكل عالله وجرب بوني مخفف زي ماقال الدكتور
انا الحين ارضع عيال القطوه وامهم فيه ماتبي ترضع عمرهم يومين واعطيهم حليب منزوع دسم الله يعينك ويعينني

[o9Liii]

اوكي كثر خيرك الحين اروح احط لها زيت زيتون و ابشرك بطنها خف من يوم سارت تتبول ( الله يكرمك ) و شهيتها مفتوحة و لله الحمد بس مشكلة التبرز هذي ما عاد بقي لي الا حليب بوني و زيت زيتون اجربها

ان شا الله اخبرك اش يصير معي و الله يعينك اميييين

[دلوعةقطوتي]

الحمدلله وان شاءالله تتبرز ويطيب بطنها

[دلوعةقطوتي]

وش صار عليها صرت احلم بهالقطوه

[o9Liii]

الحمد لله صارت تتبول اليوم الوالدة جربت اعطيتها قطعة لحمه صغيره و خلتها تجرب تشرب من الصحن الحليب و صارت تحب الزبادي حيييييييييييل
وبطنها صار طبيعي بس ما تبرزت

الكيتن اللي عندك تتبرز ؟؟ و لا بول بس ؟؟