هل يستحق الهولندي 2500 لأهل الخبره

[البيرق111]

السلام عليكم

اخواني انا رغبان اشتري هولندي

لقيت فروخ على 1700 ونصحوني كثير بعدم اخذها وانه احتمال كبير تموت

ولقيت ببغاء هولندي الحجل ذهبي اخذته ب2500 العين بيضاء على كلامه عمره سنه واخذته على اساس انه يتكلم بأكثر من 4 او 5 كلمات
بس اليوم ثاني يوم له عندي وما عنده الا انه يصفر تصفيرتين مختلفتين

السؤال هل الطير يتكلم اذا انتقل من مكان لمكان او انه ياخذ فتره الين يتعود على المكان معى انه اليف وامسكه عايدي بس ماهو راضي يتكلم

وهل المكيف يأثر على الطير وكذالك الشمس لو حطيته فيها شوي

انتضر رائيكم في انه يتكلم او انه لازم يتعود على المكان وكم ممكن ياخذ وقت عشان اعرف انه يتكلم او ارجعه لصاحبه

وهل الطير يستاهل السعر 2500 اليف وريشه تمام وصحته عال العال بس تصفيره قليل وانا مشتريه ابيه يسوي حركه بلبيت وقاهرني
انتضر ردكم

[الغـــريـــب]

وعليكم السلام والرحمه

.

والله سعره ماعليه وعليه اللي اخذته .. ومدامه ماتكلم قدامك فأنت غلطان تاخذه ..

عموما ..:

مبرووك ولكن فيه فرق انه يتكلم كلمات او يتكلم جمل وراء بعض ..!


وبالكثير عطه من 3 الى 5 ايام بالمكان الجديد ويتكلم ..


والمكيف نعم يأثر عليه كثير لايكون يجيه المكيف ابد ولا الشمس لوقت طويل يعني بعد العصريات



ونقطه مهمه بالوقت الحالي خله عندك لايشوف الا انت ولا يكلمه الا انت والاوقات ضرورية


لها دور بالموضوع يعني الصباح قله صباح الخير وانت طالع قله مع السلامه وانت داخل قله السلام عليكم

وعلى هالحال كم يوم وشف يتغير معك او لا .. وقت الاكل انت من يحطله ويغير مويته ..

لازم يتعود ع صاحبه ويامن عليه ..


وبالتوفيق

[البيرق111]

هلا الغريب وشاكر ردك

اخذنا من وقت يالغالي

ابشرك من يوم جا شاف العايله الكريمه كلها ههههههههههههههههه معاد الحريم ماشاف وجيههم خليتهم يتغطون قلت الين يرضعونه عشان يسير يكشف عليهم

بعني شاف اكثر من 8 ورعان البيت كان مليان ولا ادري الا هم داخلين عليه بس مدام كذا بخليه عندي والله يعين نصبر من المكيف اذا تكلم يستاهل وان ما تكلم عزالله اني بدجه

بس الرجال قالي انه يبوس برضه وهذى صحيح بس الكلام باقي

وانا اسمع كثيرين يقولون انه يفضل الفول السوداني من وين اخذه؟

[الكاسيكو]

السلام عليكم

اخي العزيز السؤال يجب ان يكون قبل الشراء ثانيا بالنسبه للكلام بعض الطيور عندما يتغير عليها المكان او الاشخاص ليس فقط تتوقف عن الكلام بل بعضهم يتوقف عن الاكل والشرب من باب الخوف .

على اي حال مبروك عليك ويتربى في عزك وبالنسبه للفول لاتقربه نهائيا فهو ضار اكثر من نفعه ولاي استفسار
نحن بالخدمه.

[البيرق111]

المشاركة الأصلية كتبت بواسطة الكاسيكو

السلام عليكم

اخي العزيز السؤال يجب ان يكون قبل الشراء ثانيا بالنسبه للكلام بعض الطيور عندما يتغير عليها المكان او الاشخاص ليس فقط تتوقف عن الكلام بل بعضهم يتوقف عن الاكل والشرب من باب الخوف .

على اي حال مبروك عليك ويتربى في عزك وبالنسبه للفول لاتقربه نهائيا فهو ضار اكثر من نفعه ولاي استفسار
نحن بالخدمه.

هلا اخوي وشاكر اهتمامك

الرجال جارنا واعرفه يعني لو بغيت ارد الطير في اي وقت ما بيرفض
طيب وش فيه غير الفول السوداني ؟ يعني شي يفضله وما عطيتني رايك بلنسبه للسعر

[أحبك توتو]

أتمنى أفدووك ما قصرواا

[فديت الكاسكو لو يدري]

أنا برايي يستااهل .. مادام هذي مواصفاته ~..

بس خله يتعود ع البيت . .~ وبعدييييييييييييييييييييييين بيعور راسك من كثر الكلام ..~

لا تكثر له من الفووووول السوداني ..~.

[MR.F]

استخدم له خلطة حبوب الكاسيكو
تباع في اماكن بيع الطيور و فيها كميات مناسبة من الفول السوداني

[البيرق111]

المشاركة الأصلية كتبت بواسطة أحبك توتو

أتمنى أفدووك ما قصرواا

هلابك والجميع ماقصرو

[البيرق111]

المشاركة الأصلية كتبت بواسطة فديت الكاسكو لو يدري

أنا برايي يستااهل .. مادام هذي مواصفاته ~..

بس خله يتعود ع البيت . .~ وبعدييييييييييييييييييييييين بيعور راسك من كثر الكلام ..~

لا تكثر له من الفووووول السوداني ..~.

والله مدري وانا اخوك بس نقول انشاءلله والرجال الي اخذته منه اعرفه شخصين وجار

بس والله استحيت اقله خله يتكلم قدامي عطاني القفص قلتلك مشاءلله مديتله الفلوس ودعست على البيت اكلم الاخ مسوي ثقيل شهيته للأكل افضل من اول وسارمتعود علي شوي بس دينه ودين احد يقرب رجليه هو يجي يجلس في حذلي ويطلع صوت اذا بغاني احك راسه

بس قاهرني طول الوقت يتحكحك تقول معه جرب هههههههههههههه
مدري هالشي طبيعي