اليوم .. أنا حزينة لدرجة الموت ..

[ابدووية كوول]

السلام عليكم ورحمة الله وبركاته
اكتب لكم واالله العظيم وانا لا أرى الشاشه امامي من كثر دموعي

وربي تعباااانه اكثر تعب وصلته في حياتي

من امس صدري ضايق والله بدون سبب ونمت بدري الساعه 10 بالليل

.. كان عندي درس خصوصي احصاء واتصلت على المس وقلت لها انا مو جايه قالت ليه

قلت لها ماراح أدخل اختبار هالماده راح احملها للترم الجاي . بالفعل جتني ضيقه خلتني اقرر الف وخمس ميه قرار من زمان متردده فيهم

ونمت 10 بعد ماسولفت ولعبت مع الكاسكو والدره واعطيتهم اكل ومويه وكل شي

وصحيت الساعه 8 الصباح وياليتني ماصحيت وربي تمنيت الموت ولا الموقف اللي شفته

رحت للطيور اصبح عليهم ونسولف واعطيهم اكل ومويه

اطالع الكاسكو مو في القفص اقول ف نفسي اكيد فتحت القفص وطلعت تلف لف

واقرب عالقفص لقيتها ....

مرميه في ارض القفص وميته

ماتت فراوله .. حبيبتي بعد ماجلست معي 3 سنوات ونص ..

آه ياقلبي كيف يعورني والله تعبااانه تمنيت يصير لي اي شي والله ولا تموت

يا الله كم حرمت اهلي من السفر وكم حرمت نفسي من الطلعات عشان لا اخليها بالبيت لوحدها

انا ماابغى طير بدالها ولا افكر اجيب خلاصانا مو حزينه لانها طير ومات

انا حزينه لاني تعلقت فيها هي مو تعلقت في طير وتربيه طير

انا يوم ماتت بستي كرهت كل البساس بعدها ولا عاد جبت اي بسه ولا افكر لاني مااحب البساس احب بستي بس (( سينزي ))

ونفس الحال للطيور انا مااحب الطيور انا احب (( فراوله ))

يمكن لو كتبت هالموضوع واحساسي بمنتدى ثاني كان صرت تريقه عندهم بس كتبته هنا لإني اعرف ان احساسي يشبه احساسكم في فقد طير او حيوان وانها والله مصيبه

إنا لله وإنا إليه لراجعون

دعواتكم لي اني انساها

مع السلامه

[سماوي الجبه]

استهدى بالله، واذكري الله، والله بيعوضك بحسن منه في الدنيا وفي الجنه، اهم شي الصبر والرضى بقدر الله،،

[بندولة حب]

ربي يعوض عليك ومكتوب ومقدر ولكل حاجه نهايه

[الشفق الأحمر]

إن لله وإن أليه راجعون ، كل روح في هذه الدنية في هذه الحياة لها أجل الله عالم به .
والله يعوضك خير منه إن شاء الله ،

[remember me]

عورتي قلبي الله يعطيك واحد احسن من فروالة

[prince-saood]

كلامك والله واااضح انه من قلب معليش الله يصبرك
وحطي في بالك انه ربي كاااتب كل شي ومافي اعتراااض على قدر الله وصدقيني
انه ربي ماياخذ شي الا يعووضك باحسن .مو شرط طير يمكن احسن من الطير...انا عارف انك تحبينه بس.. شنقول لاحول ولا قوة الا بالله والعكس لا احد يتريق ولا شي هذا احساس ومحد راح يتكلم ...
تقبلي مروووري
تحيااتي....
prince sao0o00od

[عاشق للببغاء]

الله يعوضش إن شاء الله
لا تعورين قلبش انسيها احسن لش من الحزن
أنا من قبل طارت من عندي درة أحبها واااجد بس اللحين نسيتها والحمد لله
والله يعوضش

[ابدووية كوول]

شاكره لكم مروركم

والله مازلت منهاره تعبانه جدا

الان ارسلتها مع السايق يدفنها

ماابي ارميها الكل قالوا ارميها

ارسلتها تندفن وربي يصبر قلبي

[ابو يمن]

والله اني تاثرت ياشيخه من اسلوبك وكلنا في المنتدى مقدرين شعورك ..
بس وين الصبر الي لما تجي لواحد مصيبه بانه يقول الحمد لله ويوسع صدره
وين الرضاء بقضاء الله وقدره , اليوم فراوله بكره احد ثاني يعز عليكي لاقدر الله
استهدي بالله واعرفي انه مايبقى الى الله سبحانه ,, اسال الله العضيم انك تلقي توته
تكون افضل من فراوله لعل في ذلك خير لكي والله اعلم ..,
وأسال الله العلي العضيم يشفي ابوكي وجميع المسلمين ..

تقبل ردي بكل سعه صدر..

[aloooosh]

الله يصبرك ااااااه تذكرت لما فارقني استارو حقي اهي اهي
اصبري والله يعوضك احسن منو ان شاء الله