لمُحبي الربيع ،، اليكم تقريرا بالصور المتواضعه من رحلتي الاخيره

[في خاطري شي]

المشاركة الأصلية كتبت بواسطة بندولة حب

الحين وش سالفتكم يااهل حايل ؟؟؟؟؟؟؟؟؟

ليش ربيعكم مايخلص والله قهر ان رحت للأيميل كل الرسايل عن حايل وربيعها

وان جيت هنا حصلت الكشاته ومناظر تدوخ ماشاء الله عيني عليكم بارده

وربي يجيب المطر ان شاء الله ونافسكم بأجوائنا

صدق جو وخضره ومويه وتصوير رائع

الله يهنيكم فيه
والف شكر ع الورد والمناقز وكأني عرفتهم ربي يحفظهم لعين ترجيهم يارب

وماشاء الله كمرتك جدا رهيبه ماشاء الله واضحه جدا

شاكره لك يااخوي العزيز على جهودك التي تبذلها

واسعدتنا بجمال المناظر الحائليه ولاتحرمنا جديدك وكثر كشتات

بكرا يجيك السموم اللي يحمر الوجه ويشويه استانس قبله وخذ حقك

هههههههههههههههههههه

اعصابك اعصابك انا افهمك وش سالفة ربيعنا ليش ماخلص للحين


اولا لانو جتنا الامطار وقت "الوسم" وطلع الربيع وكان الشتاء خفيف عليه مو بارد كثير

والحمدلله شوفة عينك .. اكثر الاماكن اللي جاها مطر .. كلها مربعه للحين

بعدين .. ماشاءالله انتم عندكم اماكن حلوه .. ولا احلى منها للكشتات


وعلى كلامك ياختي .. خل نتهنى فيه قبل مايجيه سموم الصيف وتيبسه هههه


تصدقين .. يوم شافو المكان اصدقائي .. انهبلو منه .. قالوو لازم نكشت له الاسبوع الجااي

قلت ايه مايخالف بس لازم رسوم ولا ماراح ادلكم عليه << استغلالي


خلاص انتي ضبطي وضعك مع الكشته التوزويه ... وراجعي الاخت "كيتي" تسجل اسمك

ترى اللي اسمه مو مكتوب ضمن البرنامج .. معليش بنخليه يرجع مشي خخخخخخخخ


ع العموم شكرا لك ياختي بندوله على دعواتك وشعورك الجميل .. وترى حايل ماتسعد الا بشوفتكم لمناظرها .. ولاتسعد اكثر الا بوطيتكم لترابها