النجده نايتي مدري وش فيها

[كلنا حلوين]

سلام عليكم جميعا وعلي كل من يدخل الموضوع ,,

ياجماعه ما ادري وش فيها Blue Night كانت طبيعيه وفجاه جيتها يوم لقيت ذيلها رايح كله

مع العلم انه الصوره اللي بتوقيعي صورتها ,,
انا بس بصراحه جاني إكتآب اسبوعين وانشغلت عنها ولا صرت اجيها ولا الاعبها ولا امر عليها الصباح ,, بس عندي اختي تغير لها مويتها ,, وللاسف لما امس جيتها اشاكسها لقيتها ذيلها رايح ,,
انا اذكر في موضوع بالمنتدي عن امراض السمك بس مالقيته اليوم ,,

والله يخليكم اذا ماقدرت اجيب لها الدوا وش ممكن استخدم بداله ,, بجد احبها ولا ابي اخسرها خصوصا انها تلعب معي كثير وتعصب علي ,,

المهم ما اطول عليكم .. هذي صور لذيلها وفيه فقاعات دايم تطلع علي سطح المويه من ثاني او ثالث يوم اغير لها مويتها مدري وش السبب اتمني تفيدوني واكون لكم من الشاكرين ,,

هذي صوره الفقاقيع



وهذي صور لذيلها







شكرا لكم جزيلا

[firr]

مرحبا

شكله حالة الماء سيئة ولازم تبدلي كل يوم ثلث الماء لمدة اسبوع على الاقل والموضوع موجود في قسم سؤال وجواب ممكن تعمل بحث عنه وان شاءالله يطلع.

[انجل مان]

اختي ..

الحل بأذن الله سهل ولا تخافين ..


سبب تأكل الذيل .. الماء الغير نظيف .. اعزلي السمكه .. في كاس على جنب .. واغسلي الحوض كامل .. والجرش

وعبيه من جديد .. وحطي السمكه بكيس ويا المويه تبعتها .. وخليها بالحوض 15 دقيقه .. بعدين نزلي السمكه لحالها بدون ماء الكيس ..

وان شاء الله .. تخف .. واذا لاحظتي بدا يزيد .. استدخدمي علاج اسمه .. سياليكس 3 .. وضعي كم نقطه على حسب اللترات الموجوده عندك .. وخليها في ماء العلاج .. 3 الى 4 ساعات فقط ..

لان العلاج قوي وممكن السمكه تموت وما تتحمله ..

[كلنا حلوين]

اشكركم جدا جدا علي الرد علي

سؤال داخل عرض هل السمك ممكن يجيه اكتآب اذا صاحبه اهمله او انشغل عنه لانها صارت معي اكثر من مره اسافر او ابعد عنه يموت ؟؟

ايه صحيح بالمناسبه انا كنت احط لها كل مره ذره ملح صغيره بس الحين شلته تماما ماعدت حطيت لها ,, هل ارجع احط الذره ولا اشيلها نهائي

الشي الثاني مادري وش اقولكم بس بحط لكم صوره لحوضها انا ممكن اغير لها المويه كلها كل يوم ماعندي مشكله

[كلنا حلوين]

اسفه نسيت اسال شي ثاني
ماقلتوا لي وش سبب فقاقيع الهوا مع العلم انها الفقاقيع من قبل تمرض السمكه وهي تطلع علي سطح المويه؟

[د طارق]

وعليكم السلام ورحمة الله وبركاته
سمكتك مصابة باهتراء في الزعانف
علاجه بالاهتمام بنظافة المياه لا تكتري الأكل
ويا ريت لو كان عندك حوض اكبر من هاد ولو بشوي
لتقدري تحطي فيه سخان وفلتر لأن الحرارة المنخفضة
تضعف مناعة السمكة وتعرضها للاصابة بالأمراض
تغيير الماء لازم يكون بماء مركون ( يعني حاططتيه بجركل من اسبوع مثلا)
من ناحية تصاب بالاكتئاب طبعا اكيد الفايتر من الأسماك
اللي تتعود على صاحبها وتحب ان يهتم بها
ذرة الملح مو مشكلة حطيها بس ترى ذرة قليلة جدا جدا
والفقاعات عادي كل الفايتر بحب يتسلى ويعمل فقاعات
وهي مهارة يتدرب عليها بالغريزة تجهيزا لمرحلة قادمة ( مرحلة التزاوج)

[كلنا حلوين]

اشكرك يا دكتور طارق علي الرد علي مووضوعي

وان شاء الله بعمل بنصيحتك واجيب لها حوض اكبر وسخان ,, وان شاء الله مستقبلا او لقدام شوي اجيب لها انثي او ذكر علشان التزاوج لاني لسه ما اعرف سمكتي اي واحد فيهم

اشكركم جدا لتلبيه ندائي

[انجل مان]

الفايتر اللي عندك ذكر.. لان الانثى يجي ذيلها قصير جدا جدا . .او بالاحرى ما لها ذيل طويل ..

[كلنا حلوين]

ماشاء الله تبارك الله عليك يا انجل مان انك عرفتها علي طول انها ذكر

انا قلت اكيد ذكر لانها تسوي فقاقيع بالمويه وعلي حسب الموضوع اللي قرأته عن crown tail انه الذكر اللي يبني الفقاقيع بس الانثي لا

سؤال كمان زياده هل ذيله بعد ما يشفي ان شاء الله يرجع طويل مثل اول ولا مافي امل يرجع ثاني ؟؟

ايه شي زياده احسه عصبي اليومين هاذول ولا هو طايقني حتي يشوفني قرب الحوض يبدي يسبح بسرعه ويصقع الصخور ,, لدرجه اليوم وانا اغير له المويه رمي نفسه من الحوض بره وبغي يروح بالبالوعه ,, لكن الحمد لله قدرت اطلعه وارجعه في الحوض ,,,

شكرا لكم