سوال خبرا السمان

[محبه الحيوانات]

هل السمان يعيش في الحر الصيف علماء اني راح احطهم في السطح بس في مظله ماتجيهم الشمس و القفص واسع طبعااا الماء متوفر طوال الوقت ؟



هل لزم احط لهم عود يرقون عليه ويجلسون مرتفع قليلا

ايش يكون نوع العود خشب او حديد ؟


هل لزم لهم بيوت زي الجخور طبعاااا ؟

عاااادي يعشون على بلاط ؟


هل في شي لزم احطه لهم ممكن تقولونه ؟


لن خبرتي في السلمان قليله








ابي ردود تكون خبره فيهاااااا


في نتظاركم

[صمت الأمل]

أهلا وسهلا فيك يامحبة الحيوانات في قسم الدواجن ..




ويشرفني اني أرد على أسألتك عن السمان ..




اذا كان عندك أي خبرة عن تربية الدجاج فهي مشابهه جدا لها ..




الفرق ان السمان لا يحتاج الأغصان أو العود لأنه ينام على الأرض ويستخدم ريشة للتمويه والإندماج مع لون التراب ..




والسمان يستطيع العيش على البلاط أو التراب .. والأفضل التراب عشان يتحمم فيه أو يبيض عليه أو ينام عليه ..




وممكن تحطين كرتون صغير لهم اذا يبون يختبأون فيه من الحر ..




والأكل ممكن تستخدمين بقايا الرز والحبوب أو علف الدجاج ..




والسمان يحب الحشرات و الخنافس جدا جدا ..




أتمنى أفدتك وأي أسأله أخرى لاتترددي بطرحها .. شكرا لكـ .

[لاعصار الاحمر]

بس في غلط عندك

اهو مثل الحمام جدا وليس مثل الدجاج

تحياتي ... الاعصار الاحمر

[محبه الحيوانات]

طيب حراره الصيف في السطح بس في مظله و المكان واسع يتحملون جو الرياض في الصيف ؟

[محبه الحيوانات]

هل انثي السمان تبيض بدون ذكر ؟

[°•»X«ζ͡ĄβąĐy»X«•°]

حالها مثل حال الدجاج
يعني تبيض بدون ذكر بس تكون البيضة غير مخصبة
يعني ماتفقس

[صمت الأمل]

معليش على التأخير ..





ايه السمان يتحمل حرارة صيف الرياض .. بس اذا تبين تبردين عليهم شوي رشي المكان بالماء .. وبتشوفينهم يغرزون في التراب ..





وكلام عبادي صحيح ان السمان يبيض بدون ذكر .. بس ماراح يكون مخصب وماراح يفقس ..





وترى السمان قليييل يجلسون على البيض عشان كذا لازم يفقس بالفقاسة ..





والسمان ترى يقدر يطير لمسافة طويلة وبعيدة .. بس يهبط ما يطير مثل الحمام ..





يعني مثل الدجاج ..





ألف شكر لكـ على انتظاركـ وصبرك ..

[! هاويه الطيور !]

ماقصروا الاعضاء

وتربيه السمان سهله واصل السمان يعيش بالصحرا والاجواء الحاره

لكن السطح بيكون حار بالصيف لازم ترشين ماي على المكان واضافه عليها + مراوح لتبريد

[hask2004]

المشاركة الأصلية كتبت بواسطة محبه الحيوانات

اهلين



وعليكم السلام والرحمة والاكرام



مشاء الله اشوف خبرتك الفري حلوووه



شكراً يا انسة ، هذا من ذوقكم وحسن تقديركم للاخرين



عندي اسله ابي اسلك ايهاااااااا لو ماعندك مانع



خذ رحتك في اجاابات حلهاااااااا مطوله عاااااااااادي



هل السمان يعيش في الحر الصيف علماء اني راح احطهم في السطح بس في مظله ماتجيهم الشمس و القفص واسع طبعااا الماء متوفر طوال الوقت ؟ اخاف يمتون في الصيف ؟



نعم يعيش في الصيف ويتحمل الامراض، طبعا لابد من توفير الماء والطعام للطير، مو كفاية احنا حابسينه ! مايموتون

اهم شيء يكون القفص نظيف وما تتراكم الاوساخ اكثر من اربعة اسابيع حتى يكون المكان لطيف



و يبيض كل يوم او شلون ؟



البيض يعتمد على التغذية، السمان كثير البيض، يكثر البيض في فترة بشكل كبير خصوصا اذا كان طعامهم العلف، احيانا يكون كل يوم واحيانا يوم وترك، من الافضل وضع ثلاث سمانات مع ذكر سمان واحد لتفادي المشاكل او الضرب



طيب لو بباضت على البلاط مباشره ماينكسر البيض ؟



البلاط جيد ولكن للمحافظة على البلاط انصح بوضع جرائد او نايلون ومن ثم وضع تراب بسمك لايزيد عن واحد سانتي، خصوصا ان السمان يحب التفتيش في الرمل، انت سوف تلاحظين ذلك وسوف ينعكس ذلك عليك عندما تشاهدين الطير ينعم بالحرية والحيوية في القفص وتوفير هذه الامور له تجعله يكون مسرور،، ايضا للتنظيف يكون اسهل من ان يلتصق مخلفات السمان في الارض، وكذلك للحفاظ على البيض عن التكسر..



هل يرجن عليه و يفقص يطلع صوص ؟



السمان العادي لا يرقد على البيض الا نادرا جدا جدا .. اذا احببت ان تربي صوص السمان بامكانك استخدام فقاسة صغيرة ..



او اذا شفتها بيضه اخذها لن ماراح ترجن ؟



نعم احتفظي في البيض في الثلاجة، ملاحظة بيض السمان الذ بكثير من بيض الدجاج، وخصوصا اذا كان من تربيتك سوف تشعرين بقيمة البيضة المعنوية قبل طعمها ايضا ، ولكن كان الله في عونك اثناء تقشير البيض ، لان خمس بيضات عن بيضة دجاجة واحدة لكنها اغلى حتى في الاسواق من بيض الدجاج العادي

عشان ماتفسد

صحيح



هل لزم احط لهم عود يرقون عليه ويجلسون مرتفع قليلا



لاداعي لان هذه الاشياء غالبا ما تجلس عليها الدجاج وليس السمان، غالبا مايكون السمان في الاسفل...



ايش يكون نوع العود خشب او حديد ؟

مافهمت! تقصدي حق الارض؟



هل لزم لهم بيوت زي الجخور طبعاااا ؟



لا يلزم ولكن يكتفي ببيت بسيط صغير ربما يكفيك عناء البحث عن البيض وليس ضروري للغاية (البيت)



عاااادي يعشون على بلاط ؟

نعم ولكن كما ذكرت لك، افضل لكِ الرمل الخفيف للتنظيف وللسمان لكي يفرح باللعب في الرمل او رمل البحر الناعم لاباس.



هل اذا جلسو على البلاط يضرهم ؟

ما اعتقد



طيب ايش انت تعتمد تغذيتهم عليه ؟ اساس و الفرعي



هل في شي لزم احطه لهم ممكن تقولونه ؟



حاليا المعلومات الي قلت لك عنها ، وبعد ما تربين السمان يمكن تجيك افكار مثلا، بيت فيه ابواب اثنين او طريقة وضع الماء..

اي معلومه عندك فلي عنهااااااا يمكن فيدني ؟

او ربط موضوع حلووووووو



في مواضيع تتكلم عن فوائد البيض، انا مادري وين راح بس يمكن انتي شفتيه لان خبرتك في الموقع اكثر مني ، لكن ما انصح وضع عدد اناث مناسب للذكور، اذا كان القفص كبير لابأس من زوجين ، ولكن عدد الاناث اكثر لكي يكون هناك بيض اكثر وعلى فترات طويلة نوعا ما، السمان يأكل مانأكله على الغذاء، مثلا الرز، الخبز، الخضروات بعد ان تقطع قطع صغيرة وانتم لكم خبرة ما شاء الله...

لما الاقي صور او تشتري سمان وتخلي صورهم ان شاء الله نفيدكم اكثر


يعطيك العاااافيه مقدماااااااا

الجواب اعلاه لانه لا يمكن ارسال رسائل خاصة لك.