فاتــــح الشهيــــه ... ميشــو مايــاكل ):

[Mo0oMo0o]

السلام عليكم ورحمة الله وبركاته

مرحبا ,,


فاتح الشهيه

اسم لو كم يوم يمر قدام عيني مو راضي يفارقني ولا لحظه

ميــشو سار هزيل ونحفان مع إنو الحمدلله صحتو تمام


بس أكلو جدا جدا جدا خفيف ولا شي يذكر والله يقطع القلب ماياكل تقريبا إلا لما احطلو شي قوي ريحتو زي المعلبات وياكل شويه يعني من المعلب نفسو ماياكل إلا حق ملعقه صغيره حق الشاي ماتتصورو

وسار ماياكل دراي فود مع إنو مجنون دراي فود

وماسار ياكل > رجعت للموال حقها

يبغى يتزوج بعرف وإن شاء الله يتزوج قريب > لسا نجهز لعرسو الله يوفقو ادعولو مسكين ولد حلال

بس أكلو مره قلقانه

بيروح الحمام طبيعي الحمدلله مافي شي يخوف
ونومو طبيعي الحمدلله

وأحيانا اللعب يكون تقيل شويه ومايلعب كتير

وأغلب أو كل وقتو تلاقوه يفكر حتى لما اناديه يطالع فيا بعيونو البريئه ويسرح ببنات أفكارو

تعبت معاه والله إني أطبخ كل حاجه عشانو من دجاج وخضار ومعجنات وكل شي بس ماياااااكل
والله أكبو بالزباله وانا دمعتي على خدي أحس فيه شي مسكين

يعني ماتتصورو الدجاج لما يشمو يعطس ويبعد مايبغاه
أديه خضار يشمو ويبعد مايبغاه
أديه دراي فود يشمو ويروح ماياكل
أديه معلبات ياكل ولا شويه ويروح

المشكله إني أتركو الاكل أقول ممكن شويتين ويجوع يجي يدور وياكل

لكــــن مايجي ولا ياكل

سرت أفكر بفاتح شويه قوي اديه شراب أو حبه

وأشوفو ياكل الاكل كلو نفسي أمنية حياتي يسير دبدووووووب بقوه

شعرو الحمدلله مايتساقط ابدا إلا وقت الخوف لأني تقريبا بمشطو يوميا

ما أبغى أروح المحل واطلب وما احصل او يقولي البيطري كلام يحبطني او شي

إيش رأيكم ؟

هل في ابره فاتحه للشهيه ؟ دوا حبوب شراب شي يابشر أهم شي ياكل المسكين وياريت تقولولي الاسعار كمان إذا تقدرو

أبغى أحطلو الاكل إيش مايكون وخصوصا الخضار وأشوفو ياكل بنفس مفتوحه
صدقوني أي حل يرضيني أهم شي ياكل

أحس حالتو النفسيه تعبانه مع العلم إنو سار صاحب سوابق وشرد قبل امس لكني لقيتو كان خايف ولما رجعتو البيت اكل بشهيه بس بعدها خلاص ماعاد سار ياكل


مايــــاكل > ورجعت للموال

انتظر اجاباتكم وأتمنى تنصحوني كيف موضوع فاتح الشهيه

ولحد يقول اعطيه الاكل وهوا حياكل أقولكم ماياااااااكل ولا شي الدراي فود نفسو بمكانو مانقص منو ولا شي من أيااااام وليالي .

انتظركم يا أصحاب الخبره والمعرفه > sad face >مهي قادره تبتسم مسكينه قلقانه اعذروها

[Mo0oMo0o]

وحابه تنصحوني أنا اشتريت لو معلبات منها :

felix jelly beef



و Meow Mix Wholesome Goodness


Salmon & Tuna Cuisine In A Delicate Broth Wholesome Goodness Cat Food





ومن fancy feast :



و



و



وياكلو لأنو مو اول اشتريلو هوا يعني كانت شهيتو وسط تعتبر ,


مافتحت غير حبتين من هادا كلو ومو كل يوم ممكن تلاته مرات بالاسبوع وبجانب الاكل الرئيسي اللي بعملو بالبيت من دجاج وخضار طازجه وخلطات بخبصها بس مفيده جدا
وداري فود رويال كانن الوردي




هادا غذائو اللي بقدمو له

لكن تعبت ماياكل ولا شي منو ونفسيتو تعبانه ومااايااااكل وبالاخر كلو بالزباله > لسا sad

انصحوني كيف المعلبات اللي جبتها ؟ هل هيا تعتبر كويسه ؟

مع العلم إني أنا شخصيا ضد المعلبات والله وما احبها لكن إيش اعمل بحاول أقدملو كل شي أهم شي ياكل

[سويت هارت]

حبوبه ..

جربي تعطيه حليب ..

وفيه فايتمين بنقط بالفم بتلاقيه عند البيطري ..

وخذي الدجااااج له وقطعيه قطع صغيره ..

و أكليها انتي بنفسك ..

شوفي اذا ما أأكل ,,

ممكن يكون تعبان ويحتاج لبيطري ..

[سويت هارت]

عذرا ما انتبهت ..

القط او القطه في فترة التزاوج ..

تزيد الهرمونات عندهم و تقل نسبه الاكل لين تتم عملية التزااااااوج ..

وهذا امر طبيعي ..

لو تجيبي له فاتح شهيه ..







الولد طفش >>>>> زوجيه بسرعه ههههه

[Mo0oMo0o]

ههه إن شاء الله حزوجو بسرعه ازعجني والله مره
لأنو عمرو 9 شهور ولسا نستنى العروصه حقتو تردلنا موافقه ولا لا ههه

مو راضي ياكل حتى من يدي يبعد عني يلف وجهه حتى اني احيانا اعصب وامسكو عشان ادخل القمه بفمو مو راضي
يعرف ومسكر فمو بقوه ويبعد وجهو عني > عبيط درجة 0 كمان مو اولى

ما عمري شربتو حليب ولا حشربو الحليب مو طيب للقطط والتونه فـ بحتاج حل تاني .

[! هاويه الطيور !]

صح كلام سويت لانه الذكور لما تمر في فتره التزاوج تخسر وزنها حيل ويقل شهيته

بخصوص المعلبات مانصح فيها ككل يعني يعني اغلبها تسبب مشاكل لكن في ناس تعطي قططها

فانسي فاست يعني كل نوع من التغيرات لكن مو بشكل رئيسي ومهم


وهذي دايما مربي القطط الذكور يعانون من هالمشكله لما يطلب التزاوج والمواء ورش البول " تكرمون "

لانه الذكر طلباته اكثر من الاناث

وفي فيتامينات ممتازه ممكن تساعده ان شاء الله راح اصوره وانزله لك ومفيد للقطط وايضا للقطط الحوامل

[sisi_moon]

هـــلا مـو مـو

انعدام الشهيـه بدون عوارض مرض من ارتفاع حراره ولا استفراغ ولا خمـــوول ولا أي شي

معناته مافي خووف

وانتـي تقولي انه طالب تـزاوج يعني طبيــعي جدا شهيته تقــل

هالشي طبيـعي عند الذكـور والإنـاث , وقت التــزاوج تقل الشهيـه

والمعلبات فيلكس وفانسي فيست مجربتهم انـا حلوين

وكمان 9لايفز حلـو . والحين انا استخدم المعلبات الخاصه بالقطط من كـارفـور , برضـو حلوه ماشفت علـيهم أي تغيـــررر

ورويال كانن أكيـد كــويس

وفاتح الشهـيه يمكن مايجيـب نتيـجه . لان الي فيـه بسبب طلب التـزاوج , متى ماتـزاوج ان شاءالله يرجع تمـــام

وفاتح الشهيه أكثـر واحد معروف هو لافيتـا , شراب < لكن للأمـانه عن تجـربه مده طـــــــــــويله ماشفت له آثـار قـويه على شهيه قطـوتي

وفيه بعد أنـواع ثـانيه تكـون على هيئه شراب ولا حبــوب

أبر ماظن فيه ماقد سمـعت . , ولو فيــه , لاتقدمــين عليها , روحي للبيطري وشوفي النـوع المـوجود عنده وخذيه

لافيتا على مـا أذكر سعره مابين 15 - 30 ريـال

وبالـتوفيق ياقمر ويا عسسى تشـوفين عيـاله

[Mo0oMo0o]

^_^ تسلميلي هاويه

لا الحمدلله مايرش ابداً إيش مايسير يبغى يعملها في شي إسمو حمام *_* موؤدب لا تقلقي

وشهيتو قلت مو عشان الزواج أنا أحس كدا لأن هادي أصلا طبيعتو من يوم ماجا كان مجنون دراي فود وبديت اعودتو على اكل البيت الصحي المغذي بس مو راضي جدا مزاجو صعب وكل مالو حالتو تزيد سوء

لو تشوفو دحين الغدا عملتلو اكل وكل شي دافي ومو راضي ياكل جا شم الاكل وراح

عشان كدا سار اسم فاتح الشهيه مو راضي يفارق مخي لأني اعرف لو اعطيتو راح يبدأ ياكل ويسير دبدوب وصحتو تكون تمام بس ما اعرف كيف طريقتو وهل هوا ابر ولا حبوب ولا كيف

الفيتامينات فكرت فيها وإن شاء الله اشتري لكنها مهي فاتحه للشهيه أنا أحتاج فاتح شهيه شي يخلي القط بس ياكل وياكل طبعا أكيد بصحه لأني أتمنى لو مره وحده بس أعمل شي ويخلصو كلو

انتظركم ..

[Mo0oMo0o]

يالله ياقلبي ^_^ فرحتيني بوجودك الحلو ياسكر

هوا مره وحده تزوج بس قبل ممكن ممم شهر ونص اعتقد نسيت ماحسبت تمام
بس الانثى ماحملت ودحين إن شاء الله راح يتزوجو إذا أراد الله بس اللي أنا متأكده منو إنو وقتها شهيتو كانت تمام بالاكل حتى كانو ياكلو سوا يعني الامور عاديه

بس أصلا من أساسو هوا شهيتو كدا معدومه لو تشوفيه والله تحزني تقولي ولا جسم قطة الشارع نحيل وهزيل

أبغاه يسير دبدوب مره ومستصح الله يعين والله ياسيسي مابقيت شي ولا أكله حلوه ولا خلطه إلا وعملتها مزاجو صعب مره مره

حتصل عالمحل اليوم اسأل على الشراب واسألهم إيش عندهم وأردلكم خبر إن شاء الله ..

ومافي عوارض الحمدلله لا حراره ولا استفراغ ولا خمول الحمدلله وقت اللعب تلاقيه نشيط بعدها يروح السرير ينام دحين هوا نايم بعد ماحاولت معاه ياكل .

خايفه يسير ماياكل شي *_*

[OUT]

زوجيه