مواقفكم المضحكة مع ببغاءاتكم خلونا نتفاعل ونتونس

[كاسكوكيه]

.. مواقفي تعتبر عاديه جدا مع طيوري.. ^^"

بس بالنسبه لي اشوفها تضحك كحركات عفويه تطلع منهم..


1) من فتره بوشهاب الكاسكو الي عندي.. اول ما يحس اني بقوم من النوم.. يقعد يناديني.. و يكون شامبيه الكاسكو الثاني نايم ولا اسمع له صوت.. فيقوم بوشهاب و ينادي شامبيه.. مره انا ومره شامبيه.. و الكل مسوي له طااااااااااف ,, و يوم ييأس.. يقعد يقول "السلام عليكم شامبيه!" السلام عليكم شامبيه.. السلام عليكم "اسمي" السلام عليكم شامبيه" خخخ و انا اظل ساكته لاني لو رديت بيبدأ الازعاج الحقيقي و بتخرب عليه احلى نومه :S


.. و هاليومين بما أني اشتريت امزوني.. فالأخ بوشهاب.. قاعد يستعرض عضلاته.. و الحمد لله الغيره مسويه مفعول جمييييييييييييل جدن.. بحيث ان بوشهاب صاير يقول تقريبن كل كلمه يسمعها خخخخخ عشان ما اهمله و يخلي نفسه محط الانظار..