أبغى أشتري امزونــــي .. بس بالأول أحتاجكم

[زينه ونحول]

السلام عليكم ورحمــــة الله وبركاته ..

كيفكم ..

أبغى أشتري ببغان صغيــــــــــــــــــــــــــــــــــــــيييييير مره .. يعني 5 شهـــور او أربع شهـــور أبغى من النوع اللي تأكله بالأبره من كثر ماهو صغير ..

بس محتاره قلت أشتري رمادي صغير أو أمزوني ..

بس أني ماأعرف ولااااااا شي عن الأمزوني ..

أيش احسن نوع في الأمزوني ؟!! وابغى من النوع الفصيح اللي يتكلم ايش احسن نوع في الامزوني .. وكيف اعرف انو الامزوني اللي بشتريه صغيــــر ؟!

طبعاً انا بحطه بالدرج جنب قفص الرمادي حقي ..

وياليت تدلونــــي على مكان يبيع ببغانات صغيره مرررررره ..

رجاءاً تردوا اليوم لأني بكـــره بروح أشتري فار للمعمـــل وقلت بطريقي اجيب ببغان

وجوود بااييي

[Mr.7MoOdY]

ازين والله انا اعرف يلوناب وخذلك جامبو ازين

كل ما صار اكبر كل ما صار ازين

والله ما ادري بس يمكن توصي محل ويجيبة لك

[زينه ونحول]

لسع اوصي محـــل ..

أنا اصلاً كنت مخططه اروح لفيفا .. عشان اشتري فار زي ماقلت لكم ..

بس قلت لا خليني اروح لمحل يبيع ببغانات صغيــــــره والأفضل تكون امزونيه ..

أو حتى لو أفريقي بس ابغى فيه طفــــره جينيه ..

[lll_o]

اختي تبغي نصيحة استني بعد ما ينتهي فصل الشتا

الانو البرد يأثر على الفروخ و يسبب موت الفروخ لاسمح الله

[زينه ونحول]

خخخ ماأقدر استنى ..

وجده الجو حار ..

[ابو محمــد]

مرحبا زينه ونحول ,,

طبعا الامازوني افضل من ناحيه المناعه,,

وخذي جبيب الامازونيات البلوفرونت منتشر وسعره مناسب,,

بالنسبه للفروخ قليل تواجدها بالسوق ,,

والاسطوره اذا كان فوق 7 شهور اشتري وعشان ما تملي من التربيه ويتكلم في وقت سريع.

[Pet Friend]

افضل و اروع نو الامزوني هو اليلو ناب افضل عمره للتربيه ثلاث شهور انا عندي واحد فرخ عمره ثلاث شهور جامبو بيور الطير ما شاء الله رهييب معتني فيه و مدلله كأنه ولدي و اعطيه طعام الفروخ ( العس) عن طريق الحقنه هو نفس السيريلاك حقت الاطفال .........

مشكلة اليلو ناب غالي سعره بس في بدائل مثل الدبل يلو هيد او بلو فرونتد

بالكلام مافي افضل من الامزوني و خصوصأ اليلوناب

حتى باللعب جميل جدأ و شخصيته رهييبه

اهم شي اختي المكان الدافي يعني مكان ما يدخله نفخة هوى و لا تطلعينه من مكانه لين يكمل 7 شهور حتى ما يمرض

و من ناحية الاكل اشتري الخلطه للبببغاوات مشكله و تقدرين تضيفين فوق الاكل على الواجهه حبوب ذره بس لازم الاكل ينغسل بماء دافي علشان يكون رطب و سهل على الطير ياكله

و في الاكل للفروخ اسمها العسه هاذ يتتاخذ بالليل و الظهر يعني مرتين باليوم تحضرينها مع قليل جدأ من الماء و تخلطين المسهوق داخل الكوب تحركين اول شي راح يكون يابس شوي زيدي مويه يعني قليل جدأ و اخلطي لين يصير لا هو مثل الماء و لاهو جامد يعني بين و بين و اخذي حقنه تكون اغلب الحال داخل العلبه او اشتريها من الصيدليه 5 ملي شيلي راس الابره و اسحبي العسه و جيبي الطير حطي يدك تحت فكه تكون ثابته بس لا تضغطي و لم تدخلين الابره في فمه ديري بالك تخنقي الطير اضغطي على الابره شوي شوي و خليه ياكل ريحيه ثواني على ما ياكل على راحته و رجعي الابره في فمه و كرري العمليه

[زينه ونحول]

أن شالله اروح بنفسي محل الطيور واشتريه ..

بس ماقلتوا لي ايش علامة صغر العمر عند الامزوني ؟


مشكورين تسلمواا والله

[Pet Friend]

والله بالعين تكون سودا على ما اعتقد الاكيد يكون ينزل راسه و يرفعه يكرر هل عمليه كثير معناته فرخ

[زينه ونحول]

تسلم وان شالله اشتري واحد يارب