اشترك في نشرتنا البريدية ليصلك كل جديد

يعقوب المرشد · 31-12-2009, 12:52 PM

السلام عليكم ورحمة الله وبركاته

اليوم اشتريت ببغاء كاسكو African grey parrot

شفته في السوق وهو مع مجموعة ببغاوات من نوعه فوق القفص أليفين وامسح على راسه ولا يقول شي

عينه لونها مائل للرمادي

المهم اني أول ما اشتريته وضعته في قفص جديد ........... وبدأ يجعر بصوت عالي

مشيت فيه إلى البيت

وابغى اطلعه من القفص عشان اوديه قفص ثاني وصار يعض ويجعر بصوت شديد يفقع طبلة الأذن

مدري يا شباب وش رايكم في الموقف هذا

انتظركم حبايبي

ميو ميو هو هو · 31-12-2009, 02:08 PM

عليكم السـلام ورحمة الله وبركاته

مبرووك عليك الطير الجديد

واتوقع لازم تخليه من 10 ايام الى اسبوعين يتآقلم بالبيت

وياليت بمكان فيه حركه مثل الصاله

بس غير له موية واكل بالفتره هذي عشان يتآقلم اكثر للمكان الجديد

هذا والله اعلم

وإن شاء الله يفيدونك اهل الخبره

the big · 31-12-2009, 04:59 PM

وعليكمـ السلام

الف مبرووووك يا غالي .. ويتربى بعزك

وشئ طبيعي يخاف لانه جديد عالبيت

ومثل ما قال أخوي ميو ميو هو هو

أتركه يتأقلم ع المكان الجديد وغير له الماء والاكل

وبالنسبه للقفص ...

حط باب القفص الي هو فيه , قدام باب القفص الجديد [ الثاني ]

وافتح له الباب وهو راح يروح بنفسه للقفص الجديد [ الثاني ]

ولا تشد عليه لان الببغاء ذكي راح يعرف بنفسه

بالتوفيق يا غالي

.

boy4qatar · 31-12-2009, 09:06 PM

مبروك على الطير وان شاء الله اسبوع وتشوفه زي ما خذته من السوووق

ابو محمــد · 31-12-2009, 09:57 PM

مبروك والاخوان ما قصروا ,,

وانصحك اترك الببغاء اسبوعين ع الاقل.

يعقوب المرشد · 01-01-2010, 04:14 AM

مشكورين اخواني على الرد

طمنتوني على الطير

أوعدكم بإذن الله انكم تشوفون حركات عجيبه غريبه لما يصير الطير كما اشتريته أليف وقابل للتدريب

بكره ان شاء الله راح اعطيه إسم يتميز به

وكل حركه اسويها معاه راح اصورها واضعها بالمنتدى بإذن الله

رغم قلة الخبره في تدريب الببغاء لكن عندي خبره في تدريب بعض الحيوانات الأليفه (( كالخيل مثلا ))

وكلهم تدريبهم متقارب جدا (( الببغاء , الخيل , الدولفين ))

يمكن تستغربون كلامي ,,, لكن بالمقاطع الجايه راح تشوفون صحة كلامي

دمتم بود ومشكورين جميعا السابقون واللاحقون