تعلم فن الرد في المنتديات

[دراكولا المجنون]

الف الف شكر لج اختي على الموضوع

[passposse]

السلام عليكم ..

هلا اختي سـارة اشكرج وايد ع الموضوع الرائع ..

وع طريقة الطرح الاروع والله يعطيج العافيه ..

ومن ناحية انه لكل عضو ضروفه الخاصه الي ما يقدر فيه يرد .. اختي كيف يعني ..

اذا هو دش النت ومثلا شاف المواضيع وشاف من بين هل مواضيع مثل موضوعج هذا .. شو الضرف الي بيوقفه انه ما يكتب ولو كلمتين ..

يعني في مواضيع تحتاج النقاش فيناقش الكاتب ويسأله مو بس يقول شكرا في الوقت الي لازم يتناقش ويستفسر .. وفي الوقت الي لازم بس يقول شكرا يستفسر ويناقش .. وفي ناس تنزل مواضيع ولا ترجع تشوفها كلش اذا نسيت وينها خلي قبل لا تنزل الموضوع انه يوصل لك تذكير فوري اي شخص يرد ع موضوعك وبإذن الله ما بتضيع ..

وصراحه هذا الامر تجاهل او قلة الردود من الاعضاء تأثر بحضور العضو يعني ممكن لهل سبب يتوقف العضو من دخول المنتدى يصير فتور عنده لانه ما يحصل تشجيع لول بسيط انه موضوعه لقاله شخص يقرأه يفكر فيه يتناقش فيه وياه .. ممكن صح ما يعجبه الموضوع بس بعد ليش ما يتكلم ويبدي رايه اذا يحب .. بس اني اشوف فوق 20 شخص شاف موضوعي والردود ما تعدت ال 2 او 3 ..

وتسلمين اختي ع هل موضوع واسمحيلي ع هل اطاله .. تحياتي ..

[{zozo}]

جزاك الله خيرا

[سـارة]

دراكولا المجنون

العفو..
وانشاء الله يستفيد منه الجميع..
وينعكس إيجابيا على ردودهم.

passposse

وعليكم السلام..

مرورك وردك الأروع..

(على فكرة الموضوع منقول)

و مشكورة عالتنبيهات و الإضافات المهمة..
و أشعر بأسفك لوصول وضع الردود لهذا المستوى..
بس الوضع ان شاء الله سيتغير-للأفضل- ..
فالإنسان دوما يتطور..

وكلامك صحيح مية بالمية ..

بس ممكن دخول الزوار يفسر إن عدد القراءات أكثر من عدد الردود..
(وبيني و بينك فاللي كتبته عن الأعضاء المشغولين وعندهم ظروف..ما كتبتها بس كنوع من حسن الظن..إلا عشان أرفع معنوياتي-أواسي نفسي -)

و بالنسبة لموضوعك..
ففي أعضاء ماقصروا وياك ..
بس العتب على باقي الأعضاء..
فالموضوع فوق الرائع ويستحق تفاعلا أكبر..
والله لا يحرمنا من تعقيبك وتفاعلك ..

[ضمير مستتر]

رااااااااااائع ما قصرتي والله
انا اكره مالي الي يرد بكلمتين كنه مستحي
واكره بعد الردود الي من نوعيه >>>> يا بلادي واصلي والله معاكي
يا ريتهم ما يكلفون انفسهم ويردون

[the snipr]

anawiiake fkel kelma w atmanna men aljeme3 ennah i6abe2 hal kalam

[سـارة]

المشاركة الأصلية كتبت بواسطة {zozo}

جزاك الله خيرا

واياك أختي..

==========
ضمير مستتر

هلا بك أختي..
الأروع ردك و تفاعلك ..

خخخخخخخخ ..
حلو هالتشبيه ..

أحيانا بيتهيألي أنهم حاطين قدامهم ورقة مكتوب فيها ردود لا يخرجو عن مضمونها..
(مشكور,العفو,سبحان الله,لاحول ولا قوة إلا بالله,إيه,لا)..

ان شاء الله يتحسن مستواهم و يكتبون ردود (بشرية ).
و مشكورة عالرد..
==========
the snipr

ياهلا فيك ..
يؤسفني أعترف .. إن ردك..
شكل لغز بالنسبة لي ..
لدرجة إني استعنت بوقع للترجمة لفك رمووووزة ..

لاتضحكووون..(تراني متوهقة بالإنجليزي في المدرسة..تبوني أقراه حتى بالمنتدى-تصدقون ان حتى الأعضاء إلي أسماءهم بالإنجليزي ما أحاول أقراها بس أحفظ شكلها -).
-بس بحاول أتعود على شي اسمه انجليزي..صح عاشقة الطيور -
وأرحب بأي رد أو مشاركة منك(the snipr)
..(الله يخليلنا مواقع الترجمة ).

[أصول الفقعسة]

تسلمين اختي على الموضوع الرائع

وجميل الواحد يتأدب ويتخلق بمثل الآداب المذكورة في الموضوع

و لا تحرمينا من جديدك اختي

[MrLiOn]

لاتضحكووون..(تراني متوهقة بالإنجليزي في المدرسة..تبوني أقراه حتى بالمنتدى-تصدقون ان حتى الأعضاء إلي أسماءهم بالإنجليزي ما أحاول أقراها بس أحفظ شكلها -).

كاااااااااااااااااااااااااااااااااع
أجل ما تعرفين أسماءنا .. يا فشلتس فشيلاه << إقالك اللي يرطن عنقليزي الحين
عن اسمي مستر لايون .. يعني السيد الأسد

وبالنسبة لغز ذا سنيبر

anawiiake fkel kelma w atmanna men aljeme3 ennah i6abe2 hal kalam

يقول " أنا معاكي في الكلام ، واتمنى من الجميع إنه يطبق هالكلام "
طبعاً ولا ينفع ألف ألف موقع ترجمة مع جملته .. لأنه كاتب معاني عربية بحروف أعجمية
وهذي يسويها اللي ماعنده بجهازه عربي ..

[ضمير مستتر]

اقول ساره اثرك من الربع <<< ساقطه في الانجليزي
وربي يا اني مت من الضحك على سالفه احفظ اشكلها هههههههههههههههههههههههههههه
اجل فيه احد مثلي <<< اقول يا حبي للصراحه بس
وانت يا السيد الاسد من شفتك ساكن جنب موكلي وانا غاسله يدي <<< بتندبغ الحين
اسد من ربع فؤاد .. بس حتى وانا ساقطه في الانجليزي قريت اسمك وش دعوه عاد <<<والله و تطورت منفوحه