مشكلتي كبيرة بس ابكي ؟؟

[قطة بحرينية]

انا عندي قطتين اناث متالفين ويحبون بعض ويلعبون مع بعض من فترة صارو يطلبو التزاوج

قمت امس ورحت محل للقطط وشريت لهم قط ذكر بيكي فيس

المشكلة

من دخلتة البيت صار يتخبئ تحت الكنب ويخاف خوف مو طبيعي ومااااكل ولاشرب بعدين اخذنها وحممناة بس شعره جدا جدا متكتل في كل جهة من جسمة شعر متكتل

بعد ساعات وديت له الاكل تحت الكنب واكل

من امبارح ماااااااراح الحمام وانتو بكرامة بس يخبي نفسة


خايف خوف مو طبيعي بليز سعدوني شاسوي

[miss meaw]

أخي/أختي
ألي هو
نصيييييحه مأخوذه بعين الاْعتبار
القطط الي من محل الحيونات مو زييين مو موثوق فيه
وتقدر تشوف حالته شعره ترى الشعرالمتكتل لازم يتقص أو يتحلق
بس انه من محل البيطري فما نقدر نتلاعب فيه انت/ي اول حل مشكلته بالتدريج
ما تقدر تعالجه بدفعه وحده اما بالنسبه لخوفه فهذا يدل انه يخاف من القطاو الثانين لأنه
نادراً ما يشوفهم هاذي أكثر المشاكل شيوعاً عند القطط وممكن من الخوف ينقلب مزاجه
ويعض واسفه اني طولت اتمنى اني افدتك وان كان فيه شي فهاتهـ ^-^*

[pinky]

عآدي ياااقلبي البيت جديد عليه وطبيعي يكوون خآيف وبس يتخبى منكممم

انتي بس حطي الليتر بوكس عندهـ والأكل والمويه وانشاء الله هو من حاله بيتعود وبيطلع من تحت الأريكـه

بالنسبه للتكل قصييهآ وبعدين مشطي شعرره ..

يبيلك كل يوووم تمشطيين شعررره عشان لا يتكتل

[*عاشقة القطط*]

ايـــه صح كــلام الأعضـــاء

أنـــا مــره اشتريت قطـــوه نفــس السالفه

يجــري ويتخــبى وبعد يوميـــن احتــل البيت كلــه خخ

بس لا تحـــاول تطلعه غصــب أبدا

بــس حطلــه الأكـــل والشــرب عنـــده والترااب

وهو شوي شوي بيتــــــعود

بالتوفـــــــــــــيق

...

[قطة بحرينية]

انا بنت اولا
ثانيا اشكركم
ثالثا جسمة كلة متكتل الشعر كلة تقريبا

[sisi_moon]

ماقصــروا الأعضــاء

وأما عن التكــتل .. مو مشكله كل مشكله ولها حل

شوفي اذا انه التكتل كثثير كثيرر .. خذي مشط خاص للتكلات + مقص

مشطييه وحاولي تفكين الي تقدرين عليه ..

اما الي مررررره متكتل ومانفع بالتمشيط .. قصي نص الشعر المتكتل .. وحالي تمشطين البــاقي

مره مره مــاقدرتي .. قصي الشعر المتكتل كللله .. عادي كله الا شعرر وبيطوول بعدين

واذا في شعر متكتل من الجـــلد .. قصي أغلبها والبـاقي بيفك بسهووله ان شاءالله مع المشط

ومن بعدها واضبي على تمشييطه

حاولي تسوين هالشي اليووووم .. عشان مو زين يبقى شعره متكــتل .. لانه راح يجلب أمراض ثــانيه

وبالتوفيق ياقمرر

[cat nice]

الله يوفقك

[القطه المملوحه]

عاااادي هذا لانه جديد و مو متعود على المكان اصبري وان شاء الله خير الله يوفقك ^^"

[e111]

السلام عليكم
قرأت مرة في منتدى:
1- بعض القطط تكون مصابه بالخوف او جديدة واحسن طريقة مثل ما تقدم وقالوه الأخون , اتركيه في حاله بس قربي الأكل والمويه ومكان تعمل فيه العمله (أكرمكم الله), وتكلمي معاه بصوت حنون واتركيه مرة كذه ومره طنشيه الين يتعود . ((وإذا مصخها وماطلع جريه من يدة ودورية ألين يدوخ ومايعرف يرجع مكانه) أمممممزح لا تصدقي. نصيحه لا أحد يصيح عليه بصوت عالي وأنتبهي من الأطفال ونبهي عليهم.

2- عشان يتعود على القطط الثانية حطيه في غرفة مايكون فيها مكان ينخش فيه وقفلي الباب وجيبي القطط الثانية وحطيها برى تحصيليهم يتكلموا معاه من تحت الباب ويزهموة ويدخلو أياديهم من تحت الباب ويلعبو مع بعض من تحت الباب يعني يغازلوه ويغازلهم برضه من تحت الباب وإذا عندك وقت خرجيه من الغرفة ودخليهم فيها تلاحظي نفس الشي ( مع العلم أن الققط سوف تثيرة برائحتها وهي في حالة الشبق يعني طلب التزاوج.
وشكل الرد جاي متأخر شكلهم خلفوا بالرفاه والقطاوى الحلويين

[$!السكاوي!$]

يمكن عشان البيت جديد