صور همستراتي وقفصهم قبل...وبعد التطوير..

[Luis]

بسم الله الرحمن الرحيم...

السلام عليكم ورحمة الله وبركاته...

طبعاً عرضت من قبل موضوع عن قطاوتي..

والآن سأعرض لكم صور همستراتي...

من قبل حدثتكم نبذة بسيطه عن همستراتي..>>>وينها..؟؟

واللي سبق وقلت اني اشتريتهم بعد الكوكاتيل..

لكنهم ماتو قبل شهرين..وها أنذا أشتري بدلهم همسترين كيوتين..

وهذي صورتهم بقفصهم اللي كان للهمسترات اللي قبلهم..



باستثناء الزحليقه ودولاب الركض أخذتهم من قفص صغير واضفتهم للقفص الكبير...

بس مش واضحين من وسع القفص...

لكنهم واضحين في القفص الصغير..وهذي صورته..





وهذي صورته من بعيد اشوي...



وهذي صورة يدي بجنب القفص لمقارنة حجمه بحجم اليد..>> تكفى يا....



طبعاً مثل ماتلاحظون حجم القفص بجانب يدي مباشرة...شكله كيوووووووت...

ويصلح للروسي القزم..بس المشكله اني اقلقص يدي داخله عشان اشيل الاكل

او احط يدي بداخله عشان يصعد عليها الهمستر...

فقمت وشلت الدولاب والزحليقه اللي فيه وحطيتهم بالقفص...مثل ماهو موضح...



وطبعاً هذي صورته قبل التطوير...

وهاي من الأعلى....



واليوم الساعه 12 مدري 1 صنفت عندي اسوي اشوية تطويرات للقفص..

اشيل هذا واحط مكانه هذا واغير ذاك وازيل هذاك واحط هذا مقابل هذا والبيت فوق وفوقه العجله

والأكل جنب البيت والزحليقه فوق الأكل والعجله الثانيه بجنب الأكل والماي بمكانه...

مافهمتو شي صح...

طيب شوفو الصور وبتفهمون ان شاء الله...

7

7

7

7

7

7

7

7

7

7

7

هذا من الأعلى :



تبون تشوفونه من الجنب ادري...



وهذي صورة ابعد اشوي ونسيت لا ألتقط أبعد منها لكن اذا تبغون ابعد منها بشوي

قولوا لي ولا تخجلوا...



وعندي سؤال للي عندهم نفس هذي الرضاعه...





انا رضاعة بزاريني..

فكيتها عشان اغسلها...بعدها فكيت الحلمة الحديدية...>>حلوة حلمة حديدية..

بعدها طاح منها شي صغير بالمغسله ونزل تحت بالفتحه حق تصريف الماي...

ومالقطت الا كرتين حديديتين...أطلب من اللي عندهم نفس الرضاعة..يفكون

اللي عندهم هذي الحديده ويطلعون اللي فيها ويجمعون كل قطع الرضاعه في صورة وحده...

أبغى أعرف وش اللي طاح...

مدري هو كورة حديدية ثالثه...او شي ثاني...؟؟

لأني أخذت الرضاعه الصغيرة مالت القفص الصغير..وأخذت منها كرة حديديه وحطيتها بالرضاعه الكبيرة

فأطلب من اللي عنده زيها يوريني كل جزء من الرضاعه ويفككها تفكيك اذا ماعليه امر ولا كلافه...

وبقولكم قصة تغييري لهندسة القفص...

طبعاً طلعت كل شي من القفص...وشلت الجزء العلوي...

ووضعت الكوخ براة القفص وفيه الهمستر..وانا اعلم ان فيه الهمستر..بس قلت ابخليه يسرح ويمرح بالغرفه..

وحطيت فوط سديت فيها ابواب الغرفه (بابين) باب للبلكونه...وفيها اغراض البيت القديمه وعفسه

والباب الثاني يوصل للغرفة الثانيه ومعبر يوصل للسطح ودرج البيت...(طبعاً بالدور الثاني حصل الكلام)

بعدها الهمستر مترددين في خروجهم من الكوخ...وانا انظف القفص وافكر وش الشغلات اللي بسويها...

بعدها شفت الهمستر الصغير(الظاهر انها انثى) تشجعت وطلعت اشوي وخذت فرة على فيلتهم ورجعت...

بعدها طلعت مرة ثانيه وتعدت اشوي عن الكوخ...وراح تمشي بعييييد بعييييييييد....

وبعد ما خلصت نص القفص...تلفت يمين شمال....وينهااااااااااااااااااااا

وافك الفوط قلت يمكن دخلت في وحده منهم...ومافي شي...وقلت لاااااااااااا...>_<

إن دخلت البلكونه عمرها ماراح تطلع...دهاليز صايرة الأغراض بالنسبة لها اذا دخلت بينهم...ههههه

مالكم بالطوالة...دورت الليت الخاص مالي اللي يشبه القلم...ورحت استكشف بالبلكونه...

عاد تعرفوني مغامر..

وهنا وهناك...واشيل اكياس واتعمق داخل الأغراض...ماكو شي...يويلي ويلااااااااااااه..>_<

واروح واجي عالبلكونه وارجع للغرفه اللي فيها القفص...وادخل الكوخ داخل القفص...

واشوف الهمستر الثاني صاير وحيد وخايف مايبغى يطلع...قلت احسن..

بعدها شفته يتجول بالشكليه الجديده للقفص ويتعود عليه...قلت خل اقوم ادور مرة ثانيه

يمكن احصلها...

بعدها رحت ودورت وشلت اكياس كثير وشلت صحن كبير وطلع زي صوت الهمستر

والصحن بينكسر يعني طلع وت يشبه الهمستر...قلت الحمد لله وينه...

ما تخيلت اني بلقاه تحت كل هالأنقاض من الأغراض...

بعدها قلت يمكن تحت الجزء المكسور من الصحن...وطليت تحت وشفتهااااااااااااااااااااا...@_@

قلت تعالي you are save now عاد ماعرفتوني اذا بكلم عيالي دوم بهاللغه...واذا صعبت كلمه

لفقتها باللهجه العامية...+_+

وحاولت اشيلها الا انها عاندت ودخلت تحت كنبه مدري وين...ورجعت حالتي مرة ثانيه ادور

وحصلتها تحت كنبه (زاوية كنبة) بعدها انحاشت مرة ثانيه...@_@

قلت هذي اللي تبيني اسلقها الحين...*_*

بعدها حاولت اشيلها بس كانت منصدمه وعلي عليها...

وشلتها بقطعة قماش من ضمن الأنقاض الموجوده..وكانت تصيح... (ززززززززززززززززززز)

بعدها سكتت اشوي...وقلت لها دخلي عساج....لالا مابدعي...هههههه

بعدها كملت القفص وراحت نامت فوق العجله المسكينه...@_@

بعدها حاولت المسها لكنها مارضت...ونزلت تحت بالزاوية وخمدت...

بعدين حطيتها بالدولاب اللي فوق عشان اصورها لعيونكم...@_@

بعدها نزلت ونامت مع بعلها...

وتوته توته خلصت الحتوته...

أتمنى ماغثيتكم بالموضوع اللي وش طوله..

تحياتي لكم جميعاً..

وترقبوا التطوير القادم والأحلى بإذن الله

[صاحبة وفا]

ههههههههههههههههههههههههههههههه الله يعينكم عليهم ... انا قبل كنت أربي بس الحين لاء

لو كان عندي هالرضاعه جان بطلتها قطعه قطعه عشانك بس للاسف ماعندي ... والله يعينك

على الشياطين وايد يحبون ينخشون ههههههههههههههههههه

بس تعرف كان عندي واحد بني دبدوووووووووووب وسميته زيد زغنون = سيد صغنون ههههههههههه

وكان وحيد وحبوووووووووووب ويحبني أبدا مايعظني وفالرمضان أعطيه هريس يتخبل عليه يلحس

من صبعي كان يجنن .. يوم يكون عندك واحد يتعود عليك اذا كثرت قعداتك معاه ..

بس للاسف مات لاني يبت له انثى وهي الحمارة عضته بمكان حساس ... ونجلطت يوم شفته مات تميت اصييييييييييييييييييييييييح دورتها كنت ابغي أقتلها من القهر بس ماحصلتها الله رحمها مني

[الدمية الصغيرة]

موضوع حلو و قفصك احلى

[Luis]

صاحبة وفا...

اشكرك لمرورك ورد...

وصراحه شي محزن لما يموت عليك حيوان عزيز

ومربى لا ومتعود عليكي بعد...

وانت اللي جبت له الموت وانت ماتدري...والله قهررررر...>>يقصد الانثى الحمارة..

وانا الحين في محاولات لترويضهم وان شاء الله قريب باخذ لي نوع الباندا بس هالمرة

واحد مش اثنين ... عشان يتعود علي...:d

تحياتي لكي...

==================

أهلين الدميه الصغيرة..

مشكورة لمرورك وردك وانتي الأروع بمرورك أختي...

تحياتي..

[Withered Rose]

شي عجيــــــــــب تصميم القفص وايد حلو و الهامسترات كيووووووووت و ظريفين .
أما مالت الماي للأسف وحده ظاعت و وحده صار لها حادث لكن اذا يشربون منها طبيعي مو مشكله .
و اخترت أحسن نوع للتدريب و هذا جداً أليف و حبوب بالنسبة لباقي انواع الروسي Winter White russian hamster و كلها جم يوم و يصيرون أليفين .
و ألـــــــــــف مبرووكـ و نبي صورهم بعد الترويض

[Luis]

شي عجيــــــــــب تصميم القفص وايد حلو و الهامسترات كيووووووووت و ظريفين .

تشكرين اختي عالمديح...ومنكم نستفيد..^_^

أما مالت الماي للأسف وحده ظاعت و وحده صار لها حادث لكن اذا يشربون منها طبيعي مو مشكله .

ههههههههههههه حلوة صار لها حادث...

بس مو المشكله انهم يشربون منها او لا...المشكله انها صارت تخر ماي على النشارة وتصير رطبه..

وتطلع ريحه..وغير ذلك ان الهمستر اذا بيشرب لازم يدوس على الجزء الرطب بعدين تجيهم

نزلات برد وعلي..

والأدهى بعد اني لما اول مرة ركبتها واكتشفت انها تخر حطيت لهم ماي وانا مدري...

بعدها رحت وانشغلت في شي ثاني..لمدة عشر دقائق تقريباً..!!

رجعت وماشفت بالرضاعه ولا قطرة...

معقولة شربوه كله في هالوقت...

بعدها دخلت يدي ولمست النشارة اللي تحت الرضاعه وقلت (اهاااا) هنا المشكله...

بس انا خايف انه ماينزل لهم شي..

و اخترت أحسن نوع للتدريب و هذا جداً أليف و حبوب بالنسبة لباقي انواع الروسي Winter White russian hamster و كلها جم يوم و يصيرون أليفين .

والله..

انا فكرت كلهم نفس الشي ونفس التدريب يعني....

يعني فكرت كلهم يتروضون بسرعه...بس الروسي حلو لأن شكله محبب وصغير..والأحلى من كذا انه نظيف..

و ألـــــــــــف مبرووكـ و نبي صورهم بعد الترويض

الله يبارك فيكي أختي...وان شاء الله يتروضون بأسرع وقت..عشان اقدر اتسلى معهم

بدل قطاوتي...

تحياتي لكي أختي..

[WL3_AL_DL3]

الله وياك يالمنتخب الزبدة لو انه في محل فاه كان انواع التطوراااااات
مشكور على شرحك الوافي والكافي للدمج الاقفاص الذي انتج قفص جديد
لول اقووول تسلفني اياااااااااااه والله فله كبير

[رعوود]

واو روعه الهامسترز



بس لا تنسى التطوير الجاي لازم تسوي تصويت

[Luis]

الله وياك يالمنتخب الزبدة لو انه في محل فاه كان انواع التطوراااااات

ههههههههه حلوة المنتخب...

بس مافهمت عليك...

اي والله صدقتي بس المشكله انك ماتلاقين اللي تبينه الا كل حركه بقفص..

مثلاً أصغر قفص اللي عندي يتميز بأن فيه الزحليقه...

وفي أكبر منه بشووووي يتميز ان فيه الأنفاق اللي مثل اللي عند الأخل قطو بقفصه...

واللي عندي مافيه ميزة الا انه كبير وفيه جسر...

مشكور على شرحك الوافي والكافي للدمج الاقفاص الذي انتج قفص جديد

العفو اختي ولو..وانتو تقدرون تسوون الأحلى بس شوية فراغ وقت مع كم قفص..وينتج قصر

للهمستر...

لول اقووول تسلفني اياااااااااااه والله فله كبير

مايغلى عليك بس لاتنسى ترجعه بنفس الأسبوع...

مايستغنون عنه جهالي..

تحياتي لك..

[Luis]

واو روعه الهامسترز

تسلملي يا رعووودي على ذوقك...

بس لا تنسى التطوير الجاي لازم تسوي تصويت

ان شاء الله ماراح انسى وراح يكون بإذن الله تطوير أحلى..

تحياتي لك ياصديقي..

دمت بود...