اشترك في نشرتنا البريدية ليصلك كل جديد

HAMOOR · 25-10-2009, 12:06 PM

السلام عليكم ورحمة الله وبركاته
يااخوان عندي كاسكو العمر 5 الى 6 شهور صارلة حاليا عندي اسبوع لكن فية جعرة الخوف لمن تقرب من القفص واتمنى انه تفيديوني في التخلص من الجعره وابي النصيحة من اهل الخبرة هل اقص جناح الطير ولا لا لانة طلعتة مرة من القفص علطول يدعم الجام والطوف والبيبان يريت تفيدوني للاهمية وشكرااااا

Bo-Danial · 25-10-2009, 01:53 PM

السلام عليكم

الصراحة اللي اعرفه اول ما تحط الطير في مكان خله فيه لمدة تتراوح من اسبوع الى ثلاثة

وغير له الاكل والماي انت حتى يتأقلم على الجو الجديد ويكون في مكان مرتفع

وبعد فترة تشوفه يتغير

هذا اللي عندي

تحياتي

راينو · 25-10-2009, 01:59 PM

اخوي انا عندي نفس المشكلة
له عندي حوالي اسبوع
يوم سألت و قريت و عرقت
قالو لي يبي له على الاقل اسبوعين
و حطه بمكان مرتفع
و يا ليت يكون فيه حل افضل و اسرع

kane_h · 25-10-2009, 02:22 PM

عليكم بالصبر اخواني

في البداية لا تحاول لمسه حتى يتعود عليك
وخلي حركتك بطيئة عشان لا يخاف منك خاصة عند تغيير الماء والأكل

كلها شهرين وان شاء الله بيتعود وراح تشوفه يتحرك ويلعب

والله يصبرك اخوي

بووسلطان · 25-10-2009, 07:35 PM

ماازيد على كلا م الاخوان شي كفو وفوو بس اصبر عليه واذا ماتبي تصبر عليه جوعه اكثر من 3سااعات وحاول تاكله من يدك على لاقل مدة اسبوع هذا اسرع طريقة

سكر · 25-10-2009, 11:52 PM

مبروك عليك الببغاء يا قمر

وفيه موضوع لي عن الترويض موجود في توقيعي ادخل عليه يمكن يفيدك يا غالي

تحياتي

محب الكاسكو الرمادي · 26-10-2009, 12:38 AM

زي ما قال اخوي سكر ادخل على مواضيعه
ونشالله تستفيد منها

naasooh · 26-10-2009, 12:17 PM

إذا انت خبره بالكاسكوو وراح تروضه وبعدها راح تدربه وتحتاج أنك ما تقص جناحه للتدريب فلا تقصه
أما أذا أنت جديد
قصه وعند البيطري بالبدايه أفضلك
ووقت القص خليه يخلي ألأربع ريش ألأولى وألأخيره للطير ويقص الباقي
عشان حتى لو يطيح أو يحاول يطير ما يتأذى
وخلك معاه وقت القص عشان تعرف الطريقه
والجعره على حسب الطير بعضهم ترووح بسرعه وبعضهم أطول على مااترووح وفي قليل تبقى الجعره
ألي تسويه الترويض
المواضيع كثيره أعمل بحث وشوف ألأنسب لك وللطير وطبقه
وبالتوفيق

HAMOOR · 28-10-2009, 09:59 AM

اقتباس:

المشاركة الأصلية كتبت بواسطة Bo-Danial

السلام عليكم

الصراحة اللي اعرفه اول ما تحط الطير في مكان خله فيه لمدة تتراوح من اسبوع الى ثلاثة

وغير له الاكل والماي انت حتى يتأقلم على الجو الجديد ويكون في مكان مرتفع

وبعد فترة تشوفه يتغير

هذا اللي عندي

تحياتي

شاكر مرورك الكريم ومشكور على النصيحة

HAMOOR · 28-10-2009, 10:01 AM

اقتباس:

المشاركة الأصلية كتبت بواسطة kane_h

عليكم بالصبر اخواني

في البداية لا تحاول لمسه حتى يتعود عليك
وخلي حركتك بطيئة عشان لا يخاف منك خاصة عند تغيير الماء والأكل

كلها شهرين وان شاء الله بيتعود وراح تشوفه يتحرك ويلعب

والله يصبرك اخوي

انشاء الله بصبر علية وشاكر مرورك الكريم