اشترك في نشرتنا البريدية ليصلك كل جديد

EVO46 · 09-10-2009, 06:35 PM

في ثاني ايام العيد لاحظة على سلفستر قلت الحركة ونفش الريش واصابته بسهال حاد وكان يرجع الي ياكله طبعن خفت عليه شليته وأخذته لدكتور طبعن ما عرفت الدكتور شو عطاه من الابر قالي راجعني بعد يومين وعطاني دواء بودرا قلت له شو ها قالي هذا فيتمين قلتله بس فيتمين قالي ايوا بس فيتمين رجعت البيت وبعد يومين لاحضت على طيري صدره بارز وفقد الشهيه في الاكل ويعاني في التنفس وصوت خشخشه يصدر منه خذيته عند دكتور ثاني اعرفه وشافه الدكتور قالي بما اني انا اعارفك بقولك الصراحه قلتله قول قالي طيرك عنده مرض خطير وذكرلي اسم المرض بس نسيت اسمه

قالي طيرك مابيعيش هذا المرض خطير يقتل الطير في ايام

صابني الحزن قلت لدكتور عطه ابرة فتمين وكم ابره من مضاد حيوي قالي ماشي فايده بتخسر فلوسك على الفاضي قلت لدكتور ماعليه انا راضي عطاه كم من ابره ونا طالع من عنده رحت الصيدليه خذيت ادويه للأتهاب التنفسي ومضادات حيويه للأسهال وبودرا وحصا يساعد على تنضيم الهظم وخذيتله سيرلك كنت احطله الدواء الصبح وبدل الدواء بدواء ثاني في المساء وكان يرفض انه ياكل السيرلك فكنت اجبره وأكله غصب بعدين يلست افكر لين متى بيلس اعطيه الأكل غصبن عنه ويت في بالي فكره قلت ليش ما اجرب بالأكل الي طيري يحبه طبعن هو يحب الفول السوداني والتفاح و السندويش ونجحت الفكره يسلس ياكل تميت مستمر على هذي الحاله من بعد العيد لين امس وتأكديت انه شفا بفضل الله لنه كنت ادعي في صلاتي بأن يشفيه لني عارف انه الدواء سبب والشفاء من عند الله والحمدلله رجع يخربط في الكلام ورجع ياكل ونفسه اصبح طبيعي وفي حاجه نسيت اذكره اني حطيته بالقفص مغطاء بالبطانيه علشان يكون القفص دافي عليه وشفا سلفستر وبصراحة مرضه اثر علي كثير لنه ماتو طيرين لي كاسبر وكوكي وما تحملت اني افقد سلفستر وياجماعا انا الي استفد منه انه في حالت مرض طيرك لاتتأخر في علاجه علشان ماتزيد الاعراض والمراقبه الشديده في حالت علاجه تفيد وترا الدواء سبب والشفاء من عند الله والي يعارف شو اسم مرض طيري سلفستر يكتبلي علشان انا نسيت اسم المرض وأسأل الله ان يشفي كل طير مريض قولو آمين

ღ الـوفـا كلـهـ ღ · 09-10-2009, 06:44 PM

مآشآءالله .. الحمدلله على سلآمة طيرك، ,,

وزين انك عرفت كيف تتصرف .. كثير مآيعرفون يتصرفون بهآ الموآقف ,,
وهذآ اللي يودي طيورهم بخبر كآن ,,

يعطيك العآفيهـ اخوي ,,