ببغائي و حماره القايله

[ضمير مستتر]

ببغائي و حماره القايله
يقال إن حماره القايله حيوان خجول ولا يمكن رؤيته بسهوله ..وهو يستفز من قبل الأطفال إلي يطلعون في الشوارع في صنقره القايله على قوله أمي (ههههههههه والله مصطلح شعبي عساكم تفهمونه) فتختبئ خلف مكب الزباله إلي عند بيتهم وبما أن يمر من عندها الطفل حتى تخطفه وتاكله !!!!!
بس حماره القايله هالأيام غيرت قانونها و صارت تاكل إلي ينام في القايله .. لأن إلي يطلعون في القايله صاروا قليل خاصه مع هالرفاهيه و وسائل الإتصالات إلي ما خلت الحريم يتزاورون في القوايل زي أول .. و الحين لين جت القايله الرياض تدخل في سبات و الحماره تمشي وتنقي !!

عاد أنا أم التقييييييل .. خاصه إني أدرس في دوره هالأيام وما أرجع إلا 11 الظهر و ما في عيني إلا السرير .. حتى ثيابي مرات ألحق أغيرها ومرات ما يمديني و أنوم بها .. و جا الدور علي .. وجت حماره القايله للبيت و دخلت الغرفه و وقفت فوق راسي .. بس ببغائي حس الوضع مو طبيعي و طلع من الحمام و لقاها فوق راسي توها بتخطفني و تقطعني وتاكلني و هالأشياء الحلوه
ويطيرمع شباك الحمام للسطح و يلاقي فوق مواصير الخزان شله حمام رقيطي تلعب بهم الشموس والغبره .. ويستفزع بهم :إلحقوني حماره القايله في الغرفه ! قال رئيسهم : أخو حصه .. حمارتالقايله ؟!
ويتلطمون ويطيرون مع شباك الحمام و ببغائي يدلهم .. ويوم دخلوا لقوا الحماره محملتني في خيشه على ظهرها بتمشي .. و دخلوا الفزعه ومسحوا فيها البلاط ( و واحد منهم يصور الهوشه بكاميرا الجوال)..
وبعد ما خلصوا قام ببغائي يتشكر فيهم و يلزم عليهم يتغدون عندنا (والله إن تغدون .. ما قمنا بالواجب .. )بس رفضو يقولون إن عندهم رحله مقناص و بيتغدون في آخر الشارع !!
وأنا بعدها حرمت النوم في القوايل

ضمير مستتر
(الموضوع للتسليه فقط!!)

[توتي]

خخخخخخخخخخخخخخخخ

الحمد الله على السلامه ضمير مستتر

شو اخبارك بعد الاختتطاف؟؟

ان شاء الله الصدمه راحت عنك..

بس عندي طلب خاص اذا ممكن..

ممكن نشوووف الفيديوو اللي صوروه في الجوال؟؟ عشان بس نصدق السالفه..

تسلم على المشاركه الظريفه

أختك/ توتي

[عاشقة الطيور]

ههههههه هههههه
حلوة
بس انا ولا مرة شفت حمار تلقايله يعني هو حمار عادي بس اطلقوا عليه اسم؟

[redshark]

نجليزي ده يا مرسي 000 لابجد ايه الكلام ده وبانهي لغة انا مش فاهم حاجه وكان فيه جن وعفاريت ولا ايه الموضوع
هيا الكاميرا الخافية بتصور هنا؟؟

بس عارفه يا ضمير مستتر تسلمي على الموضوع والحمدلله عدت على خير

[فطوم]

لووووووووول شكرا عالموضوع الطريف

ردشارك حماره القايله شخصيه خرافيه عندنا في الخليج نخرع فيها الأطفال وكلمه القايله يعني الظهر

[Luis]

ههههههههههههههههههه

حمارة القايلة حمارة القايلة...

احنا الحمد لله مانشوفها تجي...الظاهر صايرة سالفه

بينها وبين اجدادي في القِدم...

أشكرك ضمير مستتر علموضوع الفلته..

تحياتي...

[addiction]

خخخخخخخ

كل هذا احمد ربك ماياك شي منها

الحمد لله على السلامه

يمعود القايله بل خليج ابروحها تخرع اشلون احمارتها

مشكور حبيبي

[ضمير مستتر]

يا اللللللللللللللله ما تعرفون شكلها رجولها طويله ونحيفه زي قلم الرصاص ولون شعرها احمر وهي سودا ولها انياب و ترى هي جت لبيتنا كم من مره .. عشاني ومره عشان خواتي بس ابوي تفاهم معها ولا عاد جت لبيتنا
ومشهد الفيديو يتم تناقله هالأيام في سوق الحمام

[انا و سمسم]

هعههعهععهعهعههعهعهعهعهعهعهعهعهعهعهعهعهعهع

بس ببغائي حس الوضع مو طبيعي و طلع من الحمام

لا هذي الصراحه

هههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههه

لين الحين ببغائك في الحمام مسنتر هناك
هعهعهعهعهعهعهعهعهعهعهعههعهعهع

انا اصراحه فهمت الموضوع بس فيه كلمه حيرتني

صنقره وش يعني..... يعني وقت؟؟

خخخخخخخخخخخخخ

وعليكم حمام بعد جوالات ويدقون اللطم وفله
هعههعهعهعهعهعهعهعهع

وبعدين لحظه
انتي وشلون تخلين الببغاء بدون ما تقصين جنحانه <<<<<كفشـــني>>>>>
لا عادي خلل فني في القصه
مشكووووره اختي ضمير مستتر على القصه الحلوه

[ضمير مستتر]

بغائي غير مقصوص .. لانه اليف جدا .. وصنفره القايله يعني عز الظهر