ببغائي فيه زارررررررررررررر

[ضمير مستتر]

ببغائي فيه زاررر
من فتره طويله وببغائي صاير يلعب في الحمام لأن حمامي حوسه وكله خرابيط ومرايات واشياء تلمع وشكل الرطوبه الي فيه عاجبته
المهم إن الأخ مطيح فيه 24 مايطلع الا عشان ياكل ويرجع للحمام مره ثانيه وفي الليل ينام على سله الغسيل وطبعا مايحتاج اقول لكم شكل الحمام كيف صاير .. صاير مقبره وكم من مره روعني في الليل وأنا رايحه للحمام .. فجأه ما تدري الا هو يطل من ورى الستاره .. وعينك ما تشوف إلا النور .
المهم جى مره يتلحوس عندي وأنا اطالع تيمون وبومبا وخلصت الحلقه وجت الاغنيه الي في النهايه ثم قام يستنزل .. ويرقص بيديه ورجليه بعنف شديد وانا مندهشه من المشهد وخلصت الاغنيه وطاح مغشي عليه .. وصحى مره ثانيه وراح , وانا جاني حول من الضحك عليه
ومرت الايام مادريت عنها وما حطيت الموقف الي مر في بالي بس صار حادث اكد لي ان فيه مشكله ..
رن جوال اختي والببغاء يطعس على المساند ..فجأه .. إنتفض وصار يرقص بجنون وبعدين يطيح ويقوم يترنح .. شافه اخوي وقال وهو متعجب \ وش .. ؟ اقسم بالله انه مهستر .. الظاهر فيه زار ههههه
عاد انا صدقت قلت في نفسي عسى ماجاه شي وهو فالحمام .. هاه .. وشو .. أي والله هم مايحبون احد يزعجهم في الليل والي عندي ما يتسلط إلا المغرب والساعه 12 ,, يصفر ويصارخ وينادي الشغاله ثم يسبها لا وطالع لنا هالأيام بطلعه جديده صاير يقلد صوت المكنسه!! يعني عليه العوض .. اكيد مطفرهم
المهم انا ماعاد واطنته ولا صرت اقرب منه .. بس للأسف حالته تزداد سوء

وبعد ايام رحت للمطبخ اشرب مويه وهو وراي .. وقلد صوت ابوي واعتقدت ان الجني الي فيه تكلم .. وجتني ام الركب ولا عاد دريت ويني فيه وابي اتحرك ماعاد قدرت وابي اصرخ ما قدرت وحسيت ان الدم الي في اطرافي يرجع لورى .. آخر مامعي جلست على الارض وغمضت عيوني وجلست اصيح .. وهو بكل برود رقى الطاوله وراح لصحن الفواكه وجلس يعضعض في تفاحه و يسولف معها !!!!! ( والله إن قلبه أسود)

بعد المهزله الي صارت قررت اني ابحث عن الحل بشكل جدي وقريت كل شي يخص سلوك الببغاء الرمادي بس مالقيت حل لغايه مافتحت موقع عن علم نفس الحيوان و قريت عن حالته إلي حسب ما يقولون مشهوره مثل الإكتئاب عندنا ويقول ان الببغاءات نزاعه للصوت العالي وتكيف عليه ويختلف المقياس من ببغاء للثاني يعني فيه ببغاءات تسلطن على محمد عبده وفيه ببغاءات ما يجيب راسها إلا إلا زعاق شاكيرا ويعود الإختلاف لعوامل بيولوجيه عند الببغاء يوم كان فرخ وهالعوامل هي الرطوبه ودرجاتها !!! يعني كل مكانت درجات الحراره مناسبه كل ماكان الببغاء رومنسي وهادي وكل ما زادت او قلت طلع الببغاء عربجي وبثر
والسبب الثاني هو ان الببغاء يحاول يكون قريب منك بس انت تبعده عنك .. يعني خايف على الثوب الي توه مغسول او الكراسي الجديده والرفض الي يلاقيه الببغاء منك يتعب نفسيته ويخليه يفكر يحوز على اهتمامك فتره اطول حتى لو يضر نفسه ويبالغ في أي تصرف يعجبك (وانا والله احب الرقص) وقال لو تدري ايش إنت بالنسبه لببغاءك كان ما عاملته بهالجفوه ابدا .. وفعلا انا لاحظت ان الببغاء كائن محب فعلا
وسكرت الكمبيوتر وجلست افكر شوي بعدين دخل علي وهو خايف مني لأني صايره ابعد عنه كل ما قرب مني بس هالمره جلست وانا مبتسمه وتعلق في كم البلوزه ورقى لكتفي وقف شوي وبدء يلمس شعري بهدووووووووووء وطول اليوم ما نزل عن كتفي مع اني اتحرك كثير إكتشفت ان عنده جفاف عاطفي وحسيت بتأنيب الضمير لاني خليته يوصل لهالمرحله من الإضطرابات النفسيه إلي ممكن تأثر على صحته مع اني كان ممكن اتجنبها بحركات بسيطه بس مؤثره ارجوكم لا تخلون طيوركم تحس بألم الحب من طرف واحد العبو معهم شيلوهم خدو بخاطرهم تصير حياتهم افضل ويخلصون في حبكم اكثر



ضمير مستتر

[انا و سمسم]

هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههه

والله ببغائك جد مهستر

بس احتياط حاولي تبعديه عن الحمام شوي شوي

بس ترا شي طبيعي الببغاء يصفر ويتكلم المغرب وفي الليل

انا كذا ببغاوات حول الساعه 6 الصبح و 4 العصر و6 المغرب كله تصفير وحوسه
والساعه 12 بعض الاحيان حتا وهم مغغطين يصفرون يعني شي عادي

و طبعا ذكرتي نقطه مهمه وهي انه الواحد دايما يتقرب من طيره مو يبعد عنه
لانه غالبا انت الوحيد في المنزل اللي يهتم فيه ولو بعدت عنه مين بيهتم فيه
ويعامله بحنيه طبعا الببغاء يفهم وراح يصير خببببل و مرجوج عشان يلفت الانتباه
لسبب انه المربي معد صار يعطيه وجه زي اول(هذا من اهم اسباب صراخ الببغاوات)

فيه نقطه نسيت اقولها وهي انه اغلب الببغاوات تحببب الجو الرطب عشان كذا
حاولي تخلين باب الحمام دايما مفتوح عشان ترووح الرطوبه ويبعد عن المكان شوي

مشكووووووووووره اختي على الموضوع ماا قصرتي
بس ممكن صوره لببغائك

[بوفهد]

هههههههههههه

موضوعك يضحك اختي لووووووووول

وياريت تحطين صوره لببغاءك

بالتوفيق

[هيبه اسد]

الا ترى فيه جني
هع
اقول الله يخلف علينا بس

[afrikcan jumbo]

مشكورة على الموضوع المسلي والمفيد

[FAWAZ]

تحدث حالات تشبه الصرع أو الحركة الكثيره والصراخ عند الاصوات العاليه الى اختلال سمعي لدى الطائر

نصيحتي لك ...

وضعه في قفص ورفعه عن الأرض بحيث تكون نهاية القفص موازيه لرأسك ,
وإخراجه خارج القفص لفترات قليله ثم إرجاعه , مع المحافظه على أماكن مناسبه لتواجده وإعطائه رشات أسبوعيه من الماء مناسبه لتحمي جلده من الجفاف ولتعطيه قدر مناسب من الرطوبه ...

بالتوفيق للجميع ,,,,

[مــراح]

ههههههههههههههههههههه

لووووووووووووووووووووول

والله طيرك يجنن ما شاء الله كثير اللعب

ولا تخافي منه مااافيه زااااااااااار ولا شي

طبيعي ان يكون الببغاء مرجوج ويحب اللعب اذا كان مرتاااااح

بس خصصي اكثر وقتك لببغائك

بس وش نوع ببغائك ؟ كوكاتو او افريقي او امازوني


تحياتي

[ضمير مستتر]

عزيزي الاخ فواز الببغاء على ما يبدو عنده جفاف عاطفي لأنه تحسن مباشره بعد ما كثفت جلوسي معه .. شكرا على النصيحه أخ فواز

[ضمير مستتر]

أنا وسمسم ليه ما تنزل مواضيع هالأيام أبي أقرى لك شي .. أبي أعرف أسلوبك ... أخ مراح نوعه أبثر ببغاء غيني في العالم وأتمنى أشوف لك مشاركه و شكرا على الرد .. وبخصوص الصوره ببغائي يبدل ريش هالأيام وطالع شكله كنه مقلي إصبرو علي شوي و أخلي صوره تغثكم .. وأنا أحيي حس الكوميديا عندكم كلكم

[redshark]

اختي العزيزه ضمير مستتر

موضوعك يستحق جايزة نوبل للعناية بالرمادي لووووووووول والله موضوع تحفه

وبعدين ماشاء الله عليكي البغبغان ساب حب الجن ورجع لحب الانس هاهاههاهاها

نصيحة قوية جدا ولو كل واحد فينا عرف ان طيره او حيوانه بيشوفه على انه كل العالم بالنسبة له مكنش في بغبغنات عشقت الجن وسابت الانس هاهاههاها

وليكي اختي الف تحية وسلام