تجمع اعضاء المنتدى اللي من جدة (مهم)

[ابو سفر]

يلا يلا يلا بردت الهرجه وانتو جالسين تستنوا

[بياع هامستر]

هههههههههههه

عبودي البطن اهم شئ شكلوو حيككوون بييييييييييييييييييييييك..!!

خلاص طيب اللي يعرف استراحه حلوه يكلمني على هذا الجوال 0598688453

يعني اللي يعرف استراحه فيها مسبح حلو ويعني استراحه تكون مقبوله من كل الاتجاهات يكلمني

تحياتي...

[عاشق الطيور a t]

السلام عليكم ورحمة اللة وبركاتة

والله مني نصيحة انكم مادام في واحد عسل سكر قمر مثل ((بياع هامستر)) يدعوكم لاتفرطوا فيها

نصيحة مني لو اني مكانكم كان قبلت وجيت وجبت الكاسكو ((ياسر)) معاي


تقبلوا تحياتي

ودمتم بخيير

[بياع هامستر]

تسلم ياعاشق الطيوور

ياعاشق انا دفعتلك 50 ريال عشان تمدحني

تقوم ماتقول الا عسل سكر قمر يالله نمشي

المره الجااايه نبغى صفحتين مدح <<<برا ياكلب


يالله ياشبااااب فبن الناس انا لقلة العدد حاجيب 2 يالله اكل واحد يجيب معاه واحد مو كشله او اثنين

اهم حاجه يكون فيه عدد


سلاام

[سكر]

برررررررررررحححلللللللووووووو

أحسبوني معاكم

وبياع هامستر مو مشكلة اذا كان عددنا قليل في البداية

شوي شوي وبيزيد العدد ان شاء الله,, خصوصاً لما نعمل شوية تسويق للمجموعة,,,

أنا بكلم الأعضاء في جدة ,, وبنزل قرار اني ما برد على أي رسالة خاصة لأي أحد من جدة إلا في الإستراحة هههه

أمزح لا تصدق ,,

لا بجد يا قمر فكرة تجنن والله وأشكرك عليها,, ومهما كان العدد ما يمنع اننا نبدأ فيه,, وبعدين نزود المجموعة

بالنسبة للإستراحة,, ماعندي مشكلة,, لكن أتوقع لو كان في مكان عام مثل البحر,, (حديقة النورس مثلاً),,

منها يكون مكان عام ويقدر أي أحد يمر علينا وهو رايح للبحر بشكل طبيعي,,, سواء لوحده وإلا حتى مع أبوه وأهله لو كان صغير,,,

وأشوف ان حديقة النورس أفضل مكان لأنه فيه بشرية كثير ونقدر نعرض حيواناتنا للغير ونعمل صجة إعلامية مع الوقت,,

وبعد كذا نقدر نغير المكان إذا كان ضروري,,,

وفرصة نشوف أبو سفر وباقي الأعضاء هناك

تحياتي

[بياع هامستر]

ههههههههههههههههههههههههههههه

تسلملي ياسكر واحلى حاجه لمن قلت (( ضجه اعلاميه))<<< عجبتو..!!

المهم

سكر اقتراحك جدا حلو

وخلاص بلا استراحه بل هم نخليها بحر او نورس

بس عندي سؤال ياسكر ايش هوا حديقة النورس لاني ماعرفه

وبعد ماتقلنا ايش هوا حديقة االنورس نتفق فين تكون بحر ولاحديقة النووورس


تحياتي...

[عبووودي]

اخووووووووووووووي


حلووووووة .. النوووووورس



يجي قدااااام



احسن من الاستراااااااااحه



يالله يالله




..
متى..؟؟؟

[سكر]

ههههههه

حديقة النورس << ما يعرف يوصف يعرف يروح بس

والله ما أعرف بالضبط,, بس جنبها مسجد صغير

هي على البحر طبعاً والأرض مزروعة نجيلة,, وفيه مثل السور من جهة البحر بس,,

وتلاقي فيها مراجيح وجلسات خشب,,

أكيد كلنا نعرفها بس يمكن ما لاحظنا اسمها,,,

وأحسن مافي الموضوع انه مثلاً كل خميس أو أربعاء,, يصيرو الناس يجو عندنا عشان يشوفو حيواناتنا الأليفة,, أو يستفسرو عن شي معين أو حالة معينة,,

وممكن يصيرو الناس يجيبو حيواناتهم حتى لو ما يعرفو منتدى تو زوو

الفكرة تصير حلوة مع الوقت لو ما تدخلت الحكومة لا سمح الله

وإذا إدارة منتدى تو زوو بتساعدنا نعمل اعلانات معينة أو ملصقات تحمل شعارات تو زوو

أو حتى بطاقات تعريفيه يحملها كل واحد فينا,, يكون رأي مطروح على الساحة فيما بعد,,



تحياتي

[عبووودي]

فكرة حلوة




من جد حلووووووة

انا اعرف مكااانها...


بعد دوااار ...مكتوووب عليه اظن ...كلمه التوحييييييييييييد...



...


يجي ...
وكمااان واااحد يتبرع...

يسويلنا تي شيرتااات
تو زوووو






يلا يناااس والله اتحمست


..
..
..
هاااا..؟؟؟
متى..؟؟؟
..
..

[بياع هامستر]

واللع ياعبودي انو تفكيرك سليم انتا وسكر

وعجبتني ياعبوودي لمن قلت تيشرتات لانو انا فكرت بطواقي او كابات مكتوب عليها تو زوو

يعني عشان نكون مميزين من بين المتواجدين

والله ياسكر مشكووور على الفكر الحلوه بس يريت كل واحد يحط في توقيعه رابط الموضوع

عشان ينتشر في المنتدى..!!

وياسكر كويس شرحك وانا فهمتك خلاص نخليها النورس عشان منها عشب ويعني زي ماقلت

يتكاثر الناس هناك وانا اعتقد انو حنخليها الخميس الجاااي احس احسن ونرووح بدري وانا ماادري

متى يكون زحمه

فيا سكر ابغى اسألك متى يكون الناس متواجدين بكثرة الربوع ولا الخميس..؟؟


وطبعا نبغى احد يقلنا من فين نسوي تيشيرتات يطبعو عليها اسم المنتدى او اي شئ..!!


يالله فين الناااااس اتحركوو