نداء لأهل الخبرة في الترويض

[قناص الأحساء]

السلام عليكم ورحمه الله وبركاته

عندي سؤال وياليت اللي عندة خبرة يفيدني

عندي كاسكو عنيييد ومزاجي

اهو هادي وما يخاف مني لكن انا اخاف منه

لانه يعض وعضته قويييه لا مسك يدي ما يهدها الا بالدم

جربت معاه عدة محاولات لكن لا يزال يعض لين زرع الخوف فيني وما اقدر اقرب له والسبب انه عرف اني اخاف من عضته فقام كل ما شافني قربت له يجيني ويقرب منقاره لي عشان اوخر عنه ...

لكن امس من خلال بحثي في اليوتيوب
في واحد حاط طريقة لمنع الكاسكو من العض

ودخلت على المقطع شفته حاط بصبعه عسل
والطير مو مروض وحط صبعه في فم الطير وقام الطير يتذوق العسل ونسى شي اسمه عض

قلت امس بجرب وشوف اخذت عسل من عندي وحطيته بصبعي وقربته يم فمه جاني بيجم عليه ويوم حس بطعم يدي فيها شي حلو ترك العض وجلس يتذوق وانا استانست وحطيت يدي واهو مستانس ع العسل وجالس يتذوق ونسى انه جاي عشان يعضني هههههه

انا سؤالي الحين هل العسل مضر للطير ويسبب له اسهال او امراض ..؟؟

هل استمر على هذي الطريقة يومياً احط عسل بصبعي واخليه يتذوق لين ينسى العض ...

او عندكم طريقة ثانية تتفضلو تعلموني عليها واكون شاكر لكم ...

اسف ع الإطاله ...