تربية وتدريب كلبين في آن واحد

[dre]

السلام عليكم ورحمة الله وبركاته

كيفكم يالغاليين

وكل عام وانتم بخير وعساكم من عواده

بصراحه مالي بعد الله غيركم خصوصاً انه ما شاء الله عليكم

من افضل المشرفين والاعضاء في الرد على استفسارات المبتدئين مثلي

وما افاضل احد عن احد فيكم الخير والبركة كلكم

المهم ندخل في الموضوع

انا يا الغاليين عندي كلب هاسكي انثى عمرها الان حول الـ 3 شهور

وما شاء الله عليها ذكيه بشكل ملحوظ

ومع انه ادري انه بدري عليها بس بدات معاه شوي من تدريبات الطاعه

مثل sit , stay وما شاء الله تتقبل التدريب وتنفذ

من غير كليكر ولا هم يحزنون بس استخدم معاها الهوت دوق كمكافئات

واعطيها قطعه مع كل مره تنفذ الامر

<< هنا عندي سؤالين

س/ هل صحيح اني ابدا معاها تدريبات طاعه بهذا العمر ولا من الافضل انتظر ..؟

س/ هل صحيح اني اعطيها مكافئة مع كل مره تنفذ الامر ولا لا ..؟ لانها بدات كل ما اقول لها الامر او كل ما تشوفيني تبحث في ايدي او في الارض عن المكافئات


وللصراحه مو هذا هوا سؤالي الاساسي

اللي ودي فعلا اني استفسر عنه هو اني ناوي اشتري كلب ثاني

كلب من نوع تشاو تشاو عمره 3 شهور يعني تقريبا نفس عمر الاولى

وبصراحه متردد

مدري كيف راح تكون تربية الاثنين مع بعض

والاستفسارات اللي عندي كالتالي:

س/ بما انه ذكر وهي انثى .. هل افصل بينهم عند البلوغ ..؟

س/ هل بتكون فيه مضاربات ومشاكل بينهم لو تركتهم بالحوش لوحدهم سواء بهذا العمر او بعدين ..؟

س/ كيف الطريقة اللي لو جبته اني ادخله عليها او اخليهم يتعرفوا .. او انه عادي وشي ما يأثر ..؟

س/ لمن اجي ابدأ معاهم التدريب .. هل يصح اني ادربهم مع بعض بنفس الوقت او من الافضل كل واحد لحاله ..؟

تقريباً هذي هي التساؤلات اللي ببالي الآن

وجزاكم الله خير مقدماً

[Musab Pro]

بارك الله فيك و اشكر ثقتك فينا .

نبدا على الاسئله دايركت

س/ هل صحيح اني ابدا معاها تدريبات طاعه بهذا العمر ولا من الافضل انتظر ..؟

نعم هذا السن مناسب جدا ولكن انصحك انك تتعامل مع قابلية الجرو ،، لا تعطيه اكثر من ما يتحمل

ولا تضربه او تعاقبه اذا ما سوى الامر ،، السن اللي كلبك فيه يسمى learning phase ولا يجب ان تضغط عليه

س/ هل صحيح اني اعطيها مكافئة مع كل مره تنفذ الامر ولا لا ..؟

نعم صحيح تعطيها كل مره مكافئه ،، ومشكله انها تنضر الى يدك لها حل و تدريب اسمه i contact

والطريقه انك تنادي الكلب و لما يطالع في عينك تقوله يسسسس وتعطيه المكافئه .

تحرك الجرو يمين و يسار وهو بيركز على يدك ،، خبها و ناده واذا حط عينه بعينك يسسس وكافئ

كرر الموضوع و لين يفهم السالفه ،، بعدها تخلي يدك مكشوفه و هو بيركز عليها

لا تحطيه مكافئه لين يحط عينه بعينك .

بعدها تستخدم الاي كونتاكت مع باقي التدريبات .

مثلا تقوله سيت ،، يجلس ،، خله يحط عينه بعينك و بعدين تقوله يسسسس وتعطيه المكافئه .

كلمة يس هنا بمثابة الكليكر وهي تعطيه علامه انه سوى الامر بطريقه صحيحه .

س/ بما انه ذكر وهي انثى .. هل افصل بينهم عند البلوغ ..؟

اي نعم اذا كنت ما تبيهم يتزاوجون تفصلهم عن بعض فقط في مرحلة الشبق عند الانثى

وتأتي هذه الدوره مرتين بالسنه ويتم فصل الكلاب عن بعض لمدة 3 اسابيع و الاحوط شهر .

س/ هل بتكون فيه مضاربات ومشاكل بينهم لو تركتهم بالحوش لوحدهم سواء بهذا العمر او بعدين ..؟

غالبا تصير مشاكل بين الكلاب اذا كانت من نفس الجنس ( ذكرين او انثيين)

ولكن بعض الكلاب لها ميول للشجار و هذا يحدث على حسب الفصيله و التاسيس و مزاج الكلب .

لذلك يجب عليك اخذ الحيطه و الحذر و لا تتركهم الا بمراقبه على الاقل حتى تتاكد 100٪ ان ما فيهم شر

بعد ذلك تقدر تتركهم مع بعض .

س/ كيف الطريقة اللي لو جبته اني ادخله عليها او اخليهم يتعرفوا .. او انه عادي وشي ما يأثر ..؟

غالبا الكلاب تحاول تفرض سيطرتها على الكلاب الاخرى ،، و بنفس الوقت الكلاب اذا تعرضت لمواقف سيئه فهي

لا تنسساها بسهوله ،،

لذلك يا اخي الحبيب انصحك انك تقدم الجروين لبعض كل واحد بقفص ،، او احدهم بقفص والثاني معك .

شوي شوي لين يشمون بعض و يتعرفون شوي على بعض ،، انت لازم تشغل كل حواسك معهم

اذا شفت ان حماسهم بدآ يخف والامور بدت تصير هاديه تقدر تطلعهم لبعض وتكون جاهز لتلافي اي اشتباكات .

وتدريجيا تضبط الامور ان شاء الله .

س/ لمن اجي ابدأ معاهم التدريب .. هل يصح اني ادربهم مع بعض بنفس الوقت او من الافضل كل واحد لحاله ..؟

لا طبعا ما يصلح لانهم بيشوشون على بعض ،، خصوصا بالبدايه

ممكن تجرب تركيز كلبك الاول عن طريق ادخال الكلب الثاني عليه وهذا بطبيعه الحال مشوش كبير .

يعني التدريب البحت لكلبين مع بعض صعب جدا و غالبا ما ينجح الا في بعض التدريبات المعينه .

اتمنى اني وفقت في توصيل معلومه ولو بسيطه .

تحياتي لك .

[اصطيف]

مشرفنا مصعب كفى ووفا

بس حبيت اوضح نقطه مهمه



لانها بدات كل ما اقول لها الامر او كل ما تشوفيني تبحث في ايدي او في الارض عن المكافئات
وللصراحه مو هذا هوا سؤالي الاساسي

في التمرين لا تطيح المكافئه من يدك عشان لا يتشتت فكر الكلب وعشان لا تفقد انتى السيطره بتحكم

في تركيز الكلب على التمرين .


وموفق بأذن الله .

[dre]

Musab Pro

جزاك الله خير يا غالي والف شكر ما قصرت

يعطيك الف عافيه

وهذا المتوقع منك يالغالي

واخوي صطيف مشكور على الاضافة ما قصرت

وياريت اي احد عنده زياده لا يحرمنا

بس سؤالي الان

رحت شفت الكلب والظاهر انه من النوع اللي رجوله قصيره

فهل هذا يخلي انه احتمالية التزاوج مع الهاسكي ضعيفة ويصير ما احتاج افصلهم ..؟

والشكر مقدم

[Musab Pro]

العفو يا صاحبي هذا واجبنا

لا يالغالي هذا ما يقلل احتمال التزاوج ،، فالكلاب القصيره تقفز و تتشبث وتسوي اي شي عشان تتزاوج .

يجب فصلهم عن بعض وقت التزاوج.