ممكن مساعدة في مرض غريب بالحوض

[Dr Khaled]

و عليكم السلام و رحمة الله و بركاته
أخي لا أختي
معقول إللي عم يصير معك و ليش ساكت؟
دغري بتقوم و بتروح تنقل السمكات لحوض مع فلتر فيه ماء جديد مزال الكلور منو (كيف!!!: حط مزيل كلور ببيعوه عند محلات السمك لونه سائل شفاف)
كل شي بالحوض بتغسلوا بالمي سخنة و ملح نباتات بلاستيكية بحص زجاج كل شي بتغسلوا و بتشطفه شي مرتين ثلاثة بعدين بتنشفه منيح .
و بترجع تنصب الحوض من أول و جديد.
هلأ كمان بتروح بتغسل الفلتر نفس الشي ؛
و بترجعه و بتركبه.
بترجع السمكات جوا الحوض أخي/أختي.
الأكل بيصير مرة و قليل كتير
سمك جديد مافي نهائي.
السخان بضل ع 29-30.
بتروح بتجيب دواء تركبيته إيثرومايسين عيار 250 ملغم (من وين؟ من الصدليات البشرية)
بتطحن حبة بس دير بالك القشرة الزهر تبعت الحبة بتقيمها. و بتذوبها بشي 20 مل ماء و بتفضيها بالحوض.
و بتطفي الفلتر و الضوء لمدة ساعة.
المسا كمان نفس الشي.
يوم إيه يوم لأ بتبدل نص الحوض مي مع غسيل الفلتر منيح.
بضلك هيك لشي 10 أيام ؟
بس ممكن قياسات هل الحوض و عدد الأسماك إللي فيو؟