[زمـــــان]

موضوع روعة اخي كاظم و اشكرك على هالمعلومات، بس بعد اذنك عندي كم استفسار اذا تسمحلي.
شريت طير و صارله عندي تقريبا 2-3 اسابيع، و لله الحمد قاعد اشوف انه يتجاوب معاي خصوصا اول ما جبته كان يجعر من اقرب صوبة و يروح الزاوية الثانية.. بس الحين قمت اطلعه بشكل يومي و احاول امس عليه.. طبعا بالبداية كنت خايف انه يعضني بس شفته انه يبي يعرف شنو هذا فكان يحسس على اصابعي بمنقاره و لسانه و يترك اصبعي.. كررتها كذا مرة و الحين ماقام يخاف من ايدي لدرجة اني امسح على منقارة و اشوف الراحة و متطمن بعيونه.. بس من ارفع ايدي عشان امسح على راسه ما يخليني و ياخذ وضعيه انه يبي يعض. بس لما ارد على منقاره عادي.. شنو اسوي باعتقادك؟؟
و الشغله الثانية.. اشلون اخليه يصعد على ايدي؟ شفت مواضيع انك تعودة يصعد على العصا و بعدها تقرب ايدك.. بس طيري حتى على العصا ما يصعد لما احطها جدامة؟
ادري طولت عليك
الثالثة احيانا اشوفه ياكل حب بس لما اروح اخذ حب من الصحن و اعطيه من ايدي يقطها و يكمل ياخذ من الصحن. للعلم ياخذ تفاح و جزر من ايدي و ياكل.. بس استغرب من تصرفه!؟

و سامحني على الاطالة

و تقبل تحياتي