منتديات تو زوو - قصة الكلب الأجمل

فى زمنا دا مبقاش فيه حاجه مستحيله
كل الامكانيات موجوده
كل شىء بقى متاح ادامنا
الحياه بقت مرفهه بطريقه بشعه
دلوقت كل واحد اول ما بيلاقى ان ادامه وقت
فاضى بيحاول يشغله

حاجات كتير ممكن نشغل بيها وقت فراغنا
يخرج هنا و هناك
يروح السينما الفلانيه
يروح المكان الفلانى
يسافر
نروح اسكندريه
نروح شرم
الغردقه
فى اى حته
نقعد فى فندق جميل لذيذ
بيطل على البحر
يااااااااااااااه
قمة الهدوء و الانسجاااااااااااااااااام

تخيل بقى و انت قاعد فى منطقه مليانه فنادق
يمينك فندق
شمالك فندق

و فجأه و انت خارج من الفندق تسوى شوبينج
لاقيت صوت نباح كلاب
تقول مش مشكله يمكن مسكوا حرامى

تانى يوم و انت خارج من الفندق تتفسح
سمعت صوت كلاب تانى
تقول مش مشكله يمكن الحرامى هرب امبارح
و مسكوه تانى

تالت يوم خارج تجيب حاجات من السوبر ماركت
سمعت صوت كلاب برضه
و كل يوم على كدا
اكيد لازم تستغرب

تقول هو فى ايه هناك
و تروح تسأل
تخيل منظرك كدا و انت راجل محترم
و شكلك ابن ناس و رايح تسأل هو فى ايه؟
و تسمع الاجابه : لا يا فندم دا فندق للكلاب .
متخيل منظرك هيكون ايه

دلوقت الكلاب بقى بيتعملها فنادق
و فعلا المشروع دا بدأ يتطبق
و هيتم افتتاحه العام القادم
و تجى تحب تستفسر عن الموضوع دا تلاقيه كالاتى
ان فى رجل اعمال بيطبق مشروع فندق لكلاب الاثرياء
ليه بقى؟
عشان لما كان الاثرياء يسافروا كانوا بيحتاسوا
يودوا كلابهم فين
فهو فكر ازاى يخلى الاثرياء يسافروا و هما
مطمنين على كلابهم

ففكر ان يعملهم فندق مخصوص
و فيه كل وسائل الترفيه

و لما تجى تسأله الفكره دى جاتلك منين
يقولك انا لما كنت عايش فى انجلترا
كنت بلاقى ان الشعب هناك مهتم بحيواناتهم جدا
ففكرت فى الفكره دى

لا و هعملهم فندق على احسن مستوى
هيكون فى اتنين مدربين للكلاب و طبيب بيطرى
و هفسحهم و هلعبهم فى الجنينه اللى انا عاملهلهم

طب و التكلفه هتقف عليك بكام
لا حاجه بسيطه خالص
150 جنيه يعنى 26 دولار
ياه حلوين فى الشهر اوى
لا دا مش فى الشهر دا فى اليوم
عظيييييييييم

طب سبادتك ناوى تعمل ايه تانى
انا ناوى ادرب الكلاب على الحراسه و الصيد
عشان كدا انا جايبلهم اتنين مدربين
و هقدملهم وجبات متكامله
اه لازم ماهى المدربين بيتعبوا فعلا
لا مش للمدربين دا للكلاب
رااااااائع
دى تجربة هايلة

انا بتمنى ان امنيتى تتحقق
و ايه هى امنيتك؟
عاوز عربية ؟

لا انا نفسى فى تحسين مستوى العناية بالحيوانات الاليف
مع تزايد عدد الاسر التي أصبحت تقتني الكلاب
في المنازل في مصر في الآونة الاخيرة

ستاااااااااااااااااااااار

دا كان اول مشهد من الحاجات اللى احنا لما بنشوفها او بنسمعها بنفضل نضحك

و فى نهاية الحلقه احب اوجه رساله للاخ المواطن المبجل و اقوله
روح يا شيخ ربنا يوقفلك كلبين عمى و جموسه
هبلة فى الطريق