استشارات للقطة
 

السلام عليكم

شوفنا في الشارع قطة سيامي صغيرة
بس الحمد لله طلعت نضيفة الا من بعض الحشرات القليلة
والدكتور كشف عليها وقال انها 3 شهور بس هي وشها صغنون اوي ورفيعة

وحطلها امبول الحشرات على رقبتها
1- هو الدوا ده بيقتل بيض الحشرات؟
2- نمسحه بعد فترة بقطنه مبلولة ولا مش لازم؟

وقالنا انها عندها برد وادالها حقنة للبرد
وقال هتاخد حقنتين تانيين اليوم اللي بعده حقنة واللي بعد بعد حقنة ال3 ايام ورا بعض ب3 حقن كل يوم حقنة

بالنسبة لما اتطمنت لينا وكده ده اول يوم ليها معانا على فكرة
عندنا عصافير اقفاصهم محطوطة عالارض
فهي اتسحبت ليهم بشكل غريب (كنت فكراها خايفة منهم)
لكن لا دي هجمت عليهم وعايزة تخربشهم
3- هو الموضوع ده ثابت فيها علطول ولا هتبطله لاننا خايفين عالعصافير وصعب نقلهم؟

وجزاكم الله كل خير

رد: استشارات للقطة
 

وعليكم السلام وؤحمه الله
اهلا بيكى
جراكى الله خير على اهتمامك بالقطه وان شأء الله تكون ف ميزأن حسناتك
طبعا الامبول دهؤالى هو ريفوليشن هيقتل الحشرات والبيض وكل حاجه
ولا متمسحيش بقطنه ولا حاجه
هى طبيعى الى عملته لكن متخافيش مش هتاذيهم
خصوصا انها لسه كيتن صغيره بعنى شويه وهتاخد على الوضع

رد: استشارات للقطة
 

حمي القطه بماء دافي بعد 3 ايام من وضع العلاج

ابعدي عنها العصافير لانها بتسبب لهم خوف دائم وطبعا هم مايقدرون يهربون لانهم في اقفاص :)

موفقه

رد: استشارات للقطة
 

الف شكر
جزاكم الله كل خير
طيب عندي استفسار كمان
القطة وهي تتبول بتنونو وبتتبول مرة واحدة في اليوم
اكيد ده بسبب الظروف اللي حصلتلها
الدكتور ادالها حقنة للموضوع ده اول امبارح
بس امبارح كانت زي مهي
وعندها اسهال عملت مرة واحدة امبارح وكان فيه انتفاخ كمان بس ظهر وهي بتعمل الاسهال

دلوقتي هي كانت جعانة وكلت وشبعت بس بطنها منفوخة اوي انا حاسة انها ازيد من اللي كلته
هل كده فيه خطر عليها هي طبيعية الحمد لله بس موضوع الاسهال والبول وانتفاخ بطنها الغريب ده اللي ظهر النهاردة
وكمان مش بتشرب كتير
اوقات بعرض عليها تشرب مش بترضى مع ان بيبقى ليها فترة مش شربت

رد: استشارات للقطة
 

هل كمية البول عاديه ؟و كيف لونه

وش قالك الطبيب بالضبط يعني كيف شخص الحاله قبل لايعطيها الابره ؟

بالنسبه للأسهال عطيها زبادي ولحوم حمراء ودراي فود وزر ونوعي لها بس ابتعدي عن منتجان الالبان والاسماك

كيف لون الاسهال وقوامه وهل عندها تساقط شعر

رد: استشارات للقطة
 

الشرب والتبول خاجه طبيعيه
كل قطه ليها طبيعتها
اما الانتفاخ ممكن يكون من الاكل
فى قطط بطنهت بتزيد لما بتاكل
عموما اديها جرعه ديدان
بنداكس لاطفال 2 سم مره ف اليوم لمده 3 ايام

رد: استشارات للقطة
 

شكرا اوي لاهتمامكوا بجد منتدى رائع واسرة واحدة ما شاء الله عليكوا
الحمد لله يا جماعة القطقوطة صحتها اتحسنت
المشكلة دلوقتي هي ريحة نفسها مش حلوة
وامبارح لما عملت حمام كان طبيعي ومتماسك
بس معملتش النهاردة
فلو عندها امساك اعملها ايه؟وبالنسبة لرائحة الفم الكريهه؟
انا عملت زي مقريت كتير ان اللبن يوم في الاسبوع والجبنة المثلثات كمان مرة

رد: استشارات للقطة
 

الحمد لله

ان كان عندها ديدان فهو يسبب ريحة سئية بالفم طبيعي

وشوفي فمها من جوا اذا لثتها ملتهبة او شي عالق بداخلها

قدمي لها كوسه مسلوقه مع رز ودجاج وعليهم نقطتين زيت زيتون

لو عندها مشكله بالاخراج بتنحل ان شاء الله

وطمنيني ..

رد: استشارات للقطة
 

لازم تاخذ حبوب الديدان وانتبهي يقولك البيطري بعطيها ابرة بدل الحبوب لأنها خطيرة
بس جرعة حبوب الديدان ضروري تاخذها

رد: استشارات للقطة
 

هو المفروض ادالها دوا الديدان من 5 ايام تقريبا
بس مش عارفة رائحة فمها الكريهه دي التهاب لثة ولا بطنها تعبانة
طب لو التهاب لثة نعمله ايه؟