منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة القوارض (http://www.2zoo.com/vb/forumdisplay.php?f=81)
-   -   سؤآل عن إنآث الأرآنب !! (http://www.2zoo.com/vb/showthread.php?t=184449)

yes_lol 07-10-2010 12:59 AM
سؤآل عن إنآث الأرآنب !!
 
هـــلآآ..

اشحـآلكمـ ^^

أول شي بفهمكم الوضع :D

عندي أرنين ذكر و 2 أنثى أربيهم في بلكوونة وآسعة
و كنت مخليتهم كلهم مع بعض.. بعدين شفت الذكرين يتضآربون
فعزلت وآحد منهم بقفص.. و عقب يومين أطلعه و أدخل الذكر الثآني مكآنه و هكذآ

وو بعدين لآحظت ع الأرنوبة أنهـآ حآمل,, فحطيتهـآ في قفص بروحهـآ
و خليتهآ ف مكآن آخر بعيدة عن بآقي الأرآنب..

ولدت الأرنوبة (ع فكرة مآعرف أي وآحد الأب) ومر عليهـآ 15 يوم تقريبآ

بمآ أني عآزل الام و أولادهـآ.. قلت ارد الأم لمكآنهآ الأولي "ق البلكوونة "
عسب تتمشى شوييه مع بآقي الأرآنب بدل مآ تيلس ف القفص

شليتهآ هي و القفص ووديتهآ البلكوونة و فتحته..
طلعت ومشت و أول مآ شآفت الأنثى الثآنية تضآربوآ !!!!
شليتهـآ بسرعة و رديتهـآ القفص

احيين اللي أبآ اعرفه ليش تضآربوآ؟؟؟ هم مب ذكوور عسب يتضآربوآ !!
مستحييل أخليهآ ق القفص عـلى طووول و بنفس الوقت مآبيهم يتضآربون و ينتفوآ فرو بعض =(

شو اسوي ><

MR.Fahd 07-10-2010 04:02 AM
رد: سؤآل عن إنآث الأرآنب !!
 
سبب المضاربة احتمال يكون الغيرة لان ذيك حملت من نفس الذكر حقها :)

واحتمال لانهم ما شافو بعض من فترة فزي ما تقول تعارف :)

ولا تخلي الارانب الصغار مع الكبار

خلي الام وعيالها في القفص ولا تحركهم حتا يوصلون عمر 30 يوم اي شهر كامل :)

%لوب ذهبي% 07-10-2010 11:53 AM
رد: سؤآل عن إنآث الأرآنب !!
 
لا يافهد مو كذا ( غلطة الشاطر بعشره ) وين الخبره الله يهديك :)

اختي السبب واضح جدا واي انثى مكان ام العيال بستوي اللي سوته لانها بكذا تدافع عن عيالها والافضل انها ماتشوف اي انثى اثناء فترة الحضانه لان الام غالبا تكون عصبية المزاج في هذي الفتره

الحل انك اذا لودت اي انثى لديك تعزليها مع عيالها لمده لاتقل عن شهر ولاتزيد عن شهرين

واي سؤال ان حاضر هنا او علي الخاص :)

yes_lol 07-10-2010 08:12 PM
رد: سؤآل عن إنآث الأرآنب !!
 
ربـي يجزيكمـ الخيـر ع الردود الطيبـة ^.^"

بقول لكمـ شو سويت اليومـ .. بس محد يهزبني >.<"
<< كله من أخووي يقول لي وديهم خلهم يتعرفون ع أبوهمـ

شليت البيبيز من القفص و وديتهم ف البلكونة
أول مآ حطيتهم بدوآ يمشوون.. الذكر يآ صوبهم وشمهم و سآر
أمآ الأنثى شمتهم و صآارت عدآئية مرره و كآنت بضآربهم
بس الحمدلله ع طوول مسكتهـآ و كآنت تصدر أصوآت بحقـد و عصبييية

شو سبب هالعدآئية كلهـآ.. عسب البيبيز فيهم من ريحة أمهمـ يعني !!!
مآدري قمت أرجح السبب الأول اللي ذكره مستر فهـد يمكن فعـلآ يكون غييرة :confused:


يعني عقب شهـر ان شآلله مآتضآرب الأنثتين و لآ كيف؟؟
و لآأخليهم يضآربوون لحد مآ وحده منهم تثبت وجودهـآ,, بس أخآف يقتلون بعض !!


* نسيت أخبركمـ معلومة يمكن تفسر هالعدآئية..
الأنثى العدآئية كآنت وآلدة من 12 يوم ..
بس عيآلهآ كلهم مآتوآ خلآل أقل من أسبوع و للعلم هي مآكآنت تهتم فيهمـ

منيب السوداني 14-10-2010 03:02 PM
رد: سؤآل عن إنآث الأرآنب !!
 
أنا عندي أرانب 3ذكور وأربع إناث وعايشين مع بعض وأحياناً يضرب أحد الذكور الآخر

فلاح القاسم 14-10-2010 04:55 PM
رد: سؤآل عن إنآث الأرآنب !!
 
السبب من خلال خبرتي ،،

الأرانب كانت عايشة مع بعض في سلام و أمان،،

أنتي شلتي أنثى وعزلتيها،،
الثانية صارت هي الأنثى الوحيدة في المكان يعني سيطرت عليه،،

فلما الأنثى اللي في البلكونة شافت الأنثى الثانية دخلت منطقتها رحبت فيها بطريقتها الخاصة وهي الضرب،،
وعلى فكرة هذي تصير حتى عند الدجاج،،

الأنثى المستحوذة على المكان تضرب أي ضيف جديد سواء كانت أنثى أو ذكر صغير أو ضعيف،، لكن هناك طبعا أناث طيوبات ما تهتم،،،

أما الذكر على الأغلب فما يهتم إلا إذا كان الضيف القادم أنثى بالغة لكي يتزاوج معها أو ذكر لكي يعترك معه،،

وطبعا حطي في بالك إن الصغار رح ينضربون شوي بعد لما يروحون البلكونه هم وأمهم لكن بعد فترة بيهدأ الجو وتعود المياه لمجاريها،،

فلاح القاسم 14-10-2010 04:59 PM
رد: سؤآل عن إنآث الأرآنب !!
 
اقتباس:
و لآأخليهم يضآربوون لحد مآ وحده منهم تثبت وجودهـآ,, بس أخآف يقتلون بعض !!
الغيرة داخلة بالموضوع لكن ما نقدر نفسرها غيرة لأن الأناث القدام يضربوا أي ضيف سواء أنثى أو ذكر صغير أو ضعيف،، لكن ما يصل الحال للقتل مجرد ضرب،،

yes_lol 16-10-2010 12:16 AM
رد: سؤآل عن إنآث الأرآنب !!
 
منيب السودآني
الله يحفظهمـ و يخليهمـ لك ان شآلله ،،

فـلآح القآسمـ
آهـآآآ.. تسلـمـ ع الـرد الوآفـي ^^"

اقتباس:
وطبعا حطي في بالك إن الصغار رح ينضربون شوي بعد لما يروحون البلكونه هم وأمهم لكن بعد فترة بيهدأ الجو وتعود المياه لمجاريها،،
ووديتهمـ و كآنت فعـلآ بتضربهم بس ع طوول مسكتهـآ..
أخآآف تعض الصغآرية وهم بروحهم صغـآر جسمهم مآ يستحمل ><

يعنـي برآيك أخليهم مع بعض ع ضمآنتك :p


جميع الأوقات بتوقيت GMT +3. الساعة الآن 12:55 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو