للي عندهم خبرة في تربية الشوقر قلايدر
 

السلام عليكم ..

هذا اول موضوع لي في المنتدى

موضوعي موجه للي عندهم خبرة في تربية الشوقر قلايدر (السنجاب الطائر )

من 5 شهور تقريبا بديت اربي هذا الحيوان الأليف وعندي ذكر وأنثى اعمارهم سنة تقريبا

والحمدلله كلشي موفرتلهم اياه .. :D

لاكن اواجه صعوبة في التغذية اتمنى لو حد يفيدني ويعطيني جدول غذائي عشان افهم وتتوضح لي الأمور ك مثال كم مره اعطيهم بيض ...لخ

ووفرتلهم حشرات (دود مجفف) لاكن يوم احطة الهم ماياكلونة ماعرفت شو الحل الي اعرفة انه لازم ياكل حشرات عشان البروتينات

وعندي سؤال بعد عشان التزاوج الي اعرفة انه في السنة يتزاوجون 4 مرات تقريبا بس ماصار شي لين الحين وكيف اعرف اذا الأنثى حامل

والي عنده معلومات عن التغذية والزواج اتمنى انه يفيدني ..

وأن شاء الله بنزل صور للقفص ونوع الأكل الي اعطيه اياه :)

وسمحولي طولت عليكم

رد: للي عندهم خبرة في تربية الشوقر قلايدر
 

هذا القفص
http://im37.gulfup.com/3sFUT.jpg

من داخل :
http://im37.gulfup.com/Tpsa6.jpg

http://im35.gulfup.com/4Ey9e.jpg

http://im37.gulfup.com/BGudb.jpg

http://im37.gulfup.com/bp0ch.jpg

الأكل :
http://im37.gulfup.com/Ho6ME.jpg
عبارة عن مكسرات وفواكة مشكلة

http://im37.gulfup.com/K1iqe.jpg

http://im37.gulfup.com/Ln2XI.jpg

هذا الدود الي اعطيهم اياه

رد: للي عندهم خبرة في تربية الشوقر قلايدر
 

قد يفيدك هذا الرابط فيه معلومات عن هذا الحيوان الي ينشط في الليل عكس الصباح

http://www.2zoo.com/vb/showthread.php?t=310405

رد: للي عندهم خبرة في تربية الشوقر قلايدر
 

هاذا الاطعمه الضاره


* الشوكولا (يمكنها قتلهم)
* الزبدة (من الصعب على جهازهم الهضمي هضمه)
* السكر المعالج\المصنع (السكاكر و الحلويات و السكر الابيض)
* القهوة و المشروبات الغازية
* نسبة الملح المرتفعة (مثلا: المكسرات المملح)
* البهارات
* البصل
* الخبز (تسبب لهم عدم تناول الأشياء المفيدة. و يقال انه يسبب لهم مشاكل في الجهاز الهضمي أيضا)

وهاذا النظام

1)اعطاءه حصة من فاكهة أو خضرة طازجة كل يوم (تذكرو حصه وحده يعني يا خضره
ويا فاكهه وما تحطونها بكبرها بس حصه منها).ويكون الاختيار متنوع كل يوم فمثلا اليوم
تفاح بكره كمثرى اللي بعده بطاطس حلوه واللي بعده بطيخ اصفر.....(اي استفسار عن
الخضر والفواكه اللي ياكلهم انا في الخدمه )
2)إعطاءه جزء مكافئ من البروتين,يجب ان يكون في غذائهم اليوم على الاقل 50% من البروتين
,بامكانك ان تستخدم هذه المصادر للبروتين والتنويع فيهم كل ليله:
طعام اطفال بالدجاج او الدجاج التركي(منب لهالحد خبيره باطعمة الاطفال بس اكيد هذا مو عندنا
لووول).ديدان.والله يكرمكم صرصار الليل(ما ادري اذا الصرصور العادي يدخل في القائمه بس شكله ):31:..بيض مسلوق(عادي أو يكون مخلوط بحبوب بروتين او كميه قليله من العسل
او من عصير التفاح)ونوصي ايضا باستخدام الزبادي (مع الفواكه ويكون خالي الدسم) وما يكون
معاه سكر يعني سووه في البيت في الخلاطه وانتهى الامر وخصوصا صغار الشوقر قلايدر
يحبونه.

مجموعة الغذاء 1و2 لازم تعطى في الليل والأكل الغير ماكول يجب ازالته في الصباح لمنع التلف.

3)نطعمهم اكل مجفف هذا الاكل سيبقى في القفص ل24 ساعه وهنالك مجموعة متنوعه
يمكن استخدامها وتخلط في الطحانة الى ان يتعود الصغار عليها ,يمكنك استخدام اي طعام
مجفف خاص بالش.ق.
يجب ان تاخذ السناجب اكثر غذائها من المجموعتين 1و2 ولكنها في بعض الايام قد تاكل اكثر من
الاخرى لذا الطعام المجفف هو تكملة جيدة لهم لتناول الوجبات الخفيفه.

رد: للي عندهم خبرة في تربية الشوقر قلايدر
 

:shy::shy::shy::shy::shy:جفته هذا مشكورة ماتقصرين :)

رد: للي عندهم خبرة في تربية الشوقر قلايدر
 

معلوماتك مفيدة مشكور اخوي ماتقصر :)

رد: للي عندهم خبرة في تربية الشوقر قلايدر
 

انا ولد يالظاهرية مب بنت