اشترك في نشرتنا البريدية ليصلك كل جديد

goo · 25-06-2009, 12:39 PM

نصائح هامة لمراعاة الحالة النفسية للكلب

الاكل و الزواج و الخلفة و العلاقة باصحاب البيت و المخطلط بيهم و المرض و الضعف و التدريب و اختيار الجرو كل هذا مرتبط بالحالة النفسية للكلب

و الحالة النفسية للكلب لها عدة اسباب منها :

1. انه يجد عدم الاهتمام من من يحبهم

2. المعاملة السيئة من من يعيش معهم

3. التأخر في الزواج

4. عدم اعطائه الحرية في الخروج و اللعب و الحركة

5. عندما يحس بانه ضعيف بسبب مرض ما

الخ................................... كثير

منذ شراء الكلب لازم تعرف انه طفل و رغبته في اللعب اكثر من اي شيء فلا تكبته

يجب ان تمده بالقوة من قوة شخصيتك يعني زي ما ابنك بيطمئن لما تكون معه

مثلا كلبك صغير و وقف ينبح علي كلب آخر اتركه ينبح فهو طفل يستمد القوة منك و لكن لا تضع كلبك في موقف ضعف علشان مايطلعش جبان

يعني كلبك ينبح لكن لا تتركه يهاجم الكلب مثلا فئذا ؤذي بسبب الكلب فسيصبح ضعيف الشخصية خائف من الكلاب الاخري طوال عمره

اعطي له حرية الاختيار فيما يريد طالما في حدود المسموح في تدريبك له مثلا ان يمسك شيء فيجب ان تسهل عليه الامر يعني مرة لا يستطيع اخذها و المرة الاخري يستطيع فيتحمس ان يأخذها المرة الثالثة فيسق في قدرات نفسه و يتعلم عدم الاستسلام

ايضا في التدريب لا تضرب الكلب مهما حدث حتي لا يصبح جبان و ثق بان الكلب اللي امامك هو طفل لسة مش فاهم معني الكلمة و هايفهمها و ينساها فكررها و تعود علي اللا تعلي صوتك في التدريب و كمان كدة كدة الكلب ما يضربش الا قليل جدا عشان مايعتدش الضرب

لازم يحس انه لو اتضرب يعني وصلك لدرجة عالية من الغضب

لا تدع احد غيرك يضرب الكلب و هو صغير حتي لا يخشي الضرب اثناء الهجوم

لا تدع طفل يركل الكلب و هو صغير حتي لا يخشي الاطفال

لا ترمي الكلب بالكرة اثناء التدريب حتي لا يخشي الكور

لا ترمي به في الماء بالعافيا و هو صغير حتي لا يخشي المياه حتي في حموم الكلب بل حسسه ان المياه شيء جميل ممكن ان نتسلا بيها

لما الكلب يكبر شوية و يبقي شاب يعني من 6 شهور لحد سنة او سنة و نصف
الكلب في هذا العمر بيكون بيجمع شخصيته النهائيه و زي سن المراهقة عندنا
المفروض ياخذ اعتباره يعني مثلا

1. ممنوع الضرب امام اي حد

2. ماينفعش تركله برجلك او تضربه علي وجهه فهذه اهانة له و محدش يضربه غيرك

3. ماتزعقلوش عشان يبعد عن حد تؤمره بس

4. لو هو نايم لا تمر من فوقه و محدش يمر من فوقه فهذه اهانة له

5. محدش يدخله المكان المخصص به

6. محدش يقترب منه اثناء الأكل

7. محدش يكسك السلسلة لو خارج بيه إلا انت

8. ماتزعقلوش لو هوهو علي حد حتي لو ابوك يكفي ( ستوب , بس , نو , غلط )

بعد السن ده ممنوع يضرب فهو اصبح رجل او اصبحت آنسة :-d و الضرب لا يجدي , فقط أأمره

بعد سن 3 سنوات يجب مراعاة السن و تبدأ تجريه اكتر حتي لا تأتي له الشيخوخة بسرعة في المستقبل و بالمصري تجري دمه عشان هو هايبدأ يميل للجلوس و قلة اللعب و يجب الاهتمام بالحالة النفسية للكلب في هذه المرحلة اكتر فهو اصبح كلب حساس و معرض للأمراض النفسية اكثر إذا قل الاهتمام به و اهتميت بولاده مثلا اكثر لو كان خلف و احذر انه ممكن يكرهم بسببك

و ربنا يخليلكم كلابكم لحد ميييييييييييييييييت سنة ان شاء الله

انا بحاول اطلع كل ما املك من خبرة بسيطة يمكن ده ممكن يفيدكم . . . .

الجزء الثاني

أولاً أي شخص لديه اي مشكلة في التدريب مع كلبه نرجو ان يشاركنا بها لنقوم بمناقشة المشكلة والوصول الي حل المشكلة بالتدريب المناسب ,,,

ثانياً أحب ان اوضح لكم بعض عيوب التدريب السلبية و كيفية علاجها ونبدأ بالسن مع العلم بأن العلاج النفسي للكلاب صعب و نتائجه غير مضمونة و النتائج بيضعف آمالها بعد 8 شهور كحد أقصي

الكلب و هو اصغر من 3 شهور في ناس بتبدأ تدريبه و بالطبع لم يستجيب الجرو و لن يستجيب فتبدأ بضربه و خاصة مع الكلاب ذات الاحجام الكبيرة لإحساسهم بأن الكلب كبر , و هذا يسبب رد فعل عكسي تماما مع الكلاب و لا يتعلم شيء بل يترجمها بخوف شديد من البشر كافة

الجزء الثالث

أولاً أي شخص لديه اي مشكلة في التدريب مع كلبه نرجو ان يشاركنا بها لنقوم بمناقشة المشكلة والوصول الي حل المشكلة بالتدريب المناسب ,,,

ثانياً أحب ان اوضح لكم بعض عيوب التدريب السلبية و كيفية علاجها ونبدأ بالسن مع العلم بأن العلاج النفسي للكلاب صعب و نتائجه غير مضمونة و النتائج بيضعف آمالها بعد 8 شهور كحد أقصي
الكلب و هو اصغر من 3 شهور في ناس بتبدأ تدريبه و بالطبع لم يستجيب الجرو و لن يستجيب فتبدأ بضربه و خاصة مع الكلاب ذات الاحجام الكبيرة لإحساسهم بأن الكلب كبر , و هذا يسبب رد فعل عكسي تماما مع الكلاب و لا يتعلم شيء بل يترجمها بخوف شديد من البشر كافة

ثانيا في وقت تدريب الشراسة بيكون اهدي له من الكلب الطبيعي فتبدأ بحيوانات لحد ما يجري وراها و حفذه انت بكلمة اهجم مثلا و طبطب عليه برفق و حين يتقابل مع الأشخاص يفضل ان يكون شخص بيخاف من الكلاب و يبدأ بإجراء تمثيلية ان هذا الشخص خائف من الكلب و بما ان الشخص فعلا إلا حد ما خائف فسيشم الكلب رائحة الخوف و يبدأ يحس بنفسة و بعد كدا ييجي المدرب و يعمل نفس القصة ثم يبدأ بتنشيط العصبية عند الكلب و معلش الكلب هياخذ فترة اطول في التدريب

في ناس بتربي كذا كلب مع بعض , ينامو و يكلو و يلعبو مع بعض , المشكلة ان الكلاب دي ها تكبر مرتبطة ببعضها اكثر ما هي مرتبطة بصاحبها

ييجي يمشي واحد مش عاوز يمشي و يصوصو و يفضح الدنيا تيجي تأخده للتدريب بما ان التدريب لازم في الأول كل كلب لوحدو دماغو تبقي مش معاك و عاوز يرجع و مش مركز في الامر الجديد و إستيعابه بطيء و كمان مش عاوز يكمل ربع ساعة علي بعض

ليس لها حل إذا كبرت الجراوي و اعتادو هذا و لكن للوقاية من المشكلة و لإخراج الكلاب جميعها مية مية لازم العزل في اماكن مختلفة و بعيدة عن بعضها و ينفصلوا في الأكل و الشرب و التدريب و كل شيء و لكن ممكن ان تسمح لهم باللعب مع بعض لفترة معينة يوميا ساعة او اثنين حتي يرتبطو ببعض عشان مايحصلش مشاكل بينهم لو واخد كذا كلب معاك في الخروجة و عشان يحبو بعض و يخافو علي بعض و كمان اللعب بتاعهم تدريب للشراسة غير مباشر و ان يعتادو انهم اقوي من الكلاب الأخري و تزداد مهاراتهم القتالية و خاصة مع الكلاب و دا بيديلو ثقة في نفسو
معلش مش عارف اطول عشان انا بطيء في الكتابة بالعربي شوية و مش بعرف اوصل المعلومة اوي تقريبا بس هاتوصل هههههههههههههههههه

الجزءالرابع
سعات الكلب لما بيحس بقلة الإهتمام بيفعل التصرفات اللي تدايق للفت نظر صاحبه له

و دا اكثر بيظهر لما يكون الواحد بيربي كذا كلب مثل انه يبوظ عفش البيت او السجاد من غير لعب لمجرد التخريب او انه يعمل حمام في كذا مكان مختلف ممنوع الحمام فيه

تصرف اي شخص عقاب الكلب فقط .. دا هايخليه يزيد من التصرف دا و يدايقك اكثر و يجيبلو اكتئاب بعد فترة و حلها ان بعد العقاب تبدأ تهتم به شوية اكثر و تحاول تحسسو بأهميتو عندك

العقاب بالنظر في عين الكلب

علي فكرة يا جماعة الحركة دي خطر خطر جداً و تحتاج لمدرب محترف لانه بيعتبر تحدي للكلب و ممكن الكلب يهجم كنوع من الدفاع عن النفس و صعب تعمل كدا مع كلب غير كلبك الا اذا كان عندك الخبرة و الامكانية الكافية لذلك

هو الموضوع رخم شوية معلش لكن لو الفكرة وصلت هتعرفوا ان الموضوع قديم وكلكوا عارفينه

أولاً ده مش تدريب ده نوع من أنواع العقاب بدون صوت بدون ضرب بدون إستخدام اي اداة من اداوت المكافئة والعقاب

كلنا عارفين ان طريقة التفاهم بين الكلاب عن طريق 4 مناطق في الجسم

أهمهم الذيل

وبدون ترتيب
إتجاه الأذن
ووضع الجسم
والإتصال البصري

سؤال - ليه دايماً نقرأ في كل المواقع العربي والاجنبي عن ضرورة عدم النظر في كلب غريب بيستعد للعض والهجوم ويجب النظر في مكان أخر افضلهم النظر في الأرض

لان الكلاب والقطط ومعظم الحيوانات تعتبر الإتصال البصري تحدي او تهديد او إظهار قوة بدون التعدي علي الأخر وإذا قام احدهم بإسقاط نظره يعتبر هو الخاسر والمنسحب وإذا إستمر هذا الإتصال لفترة طويلة يجب قطع الإتصال البصري عن طريق حاجز بينهم لتجنب الصراعات والتضارب خاصة بين الذكور

الإتصال البصري

ويعتبر الكلب الإتصال البصري مع كائن حي سواء انسان او حيوان تحدي ولكنه يتقبله من الشخص القائم علي رعايته فقط لإعتبار ان هذا الشخص هو المسيطر ومصدر القوة والمسئول عنه ويجب ان يكون ذلك ضمن تدريبه علي تكوين شخصيته والا أصبح للكلب شخصية لا يسهل التحكم بها

تجربة بسيطة عند إصدار صوت حاد للكلب او نعته بكلمه لا يتقبلها نجد ان الكلب ينظر في إتجاه آخر خاصة الأرض ويصدر صوت كأنه يعتذر وهذا غير مرغوب عمله كثيراً مع كلاب الحراسة لان ذلك يضعف من شخصيتها

ومن طبيعة التحدي والسيطرة وإظهار القوي في الإتصال البصري بيتم تدريب الترينرز في الـكيه 9 علي كيفية عمل إتصال بصري مع كلب التدريب بعد الخطأ مباشرة حتي يقوم الكلب بالإنسحاب وتحويل نظره الي مكان أخر وهنا بتكون خبرة المدرب في طريقة النظر وحدتها بس مش كل واحد يمسك كلبه ويبرأ في وشه هههههههههه خاصة لو كان كلب من النوع الصغير زي الشيواوا كده هيقول هو الراجل ده جراله حاجة ولا ايه

لان ده سبب من أسباب إنتشار عقر الكلاب لأصحابها في أماكن كتير وهي جهل صاحب الكلب بطرق تعبير الكلب عن نفسه وقدرته علي تفسير بعض الحركات بشكل معين وممكن الكلب يوصل في لحظة خوف شديدة للهجوم علي مربيه لتفسيره إنطباع خاطىء منه ومحاولة الدفاع عن نفسه
والأنواع صغيرة الحجم وليست جميعها - لتفاوت درجات الذكاء بينها - هي أكثر الأنواع التي تقدم علي عقر أصحابها للدفاع عن نفسها بسبب ذكائها المحدود جداً وتفسير بعض الحركات علي انها إعتداء وتقدم علي العقر السريع لحماية أجسامها الصغيرة

وهنا دايماً بتكون النصيحة انك لازم تكون مع كلبك بإستمرار علشان كل واحد فيكم يقدر يتعرف ويفهم شخصية التاني وكل تعبير وحركة يكون معناها مفهوم من الطرفين

صورة لتوضيح حالة الرضوخ والإستسلام

أنا أسف لو كونت طولت عليكم . . .

أتمنا أته ينال أعجابكم . . .

goo · 25-06-2009, 02:32 PM

اقتباس:

المشاركة الأصلية كتبت بواسطة MODAREP_MO7TAREF.

شكرااا علي هذا الموضوع الرائع يا مان و يشرفني ان اكون اول من رد علي الموضوع

أشكرك يا غالي علي الرد الجميل . . .

david2 · 25-06-2009, 04:04 PM

عن جد موضوع مهم جدا جدا لانه في نصائح للمربين

وفيه ارشادات يجب اتباعها لتقوية شخصية الكلب لانه يستمد ذلك من صاحبه

مشكووووووووووووووووووور على المجهود

ربنا ما يحرمنا من جديدك المتجدد

pitbull_fer · 25-06-2009, 04:40 PM

موضوع قمة في الدقة والجمال والروعة . من دون مجاملة موضوع مفيد جدااااااااااااااااااااا .
يستحق التقييم بالفعل.
الله يعطيك العافية يل goo مواضيعك كلها رائعة .
تحياتي ولك مني كل تشجيع.