إستفسار عن مسميات طيور الروز بناءًا على ألوانها

[أمجـاد]

السلام عليكم ورحمة الله وبركاته

عندي مشكلة بأسماء طيور فصيلة الروز حاولت افهم المسميات وللأسف ما طلع معاي شيء

وش الفرق مابين الأوبلاين والفايلوت ؟ والأبرق والدايلوت والسبلت والباليد واللاتينو ؟؟؟ الوحيد اللي عرفته الألبينو يصير كله أبيض في أبيض يا لييت تشرحون لي الفرق لأن فشله اسأل راعي المحل بناءًا ع اللون بس الأسم ما اعرفه

بإذن الله بشتري فرخ ولونه أصفر والرأس لونه برتقالي اعتقد اسمه لاتينو أورنج فيس وسعره 450 ريال وع كلام صاحب المحل سعر اللاتينو اكثر من الأوبلاين ( 350 ريال ) وشرح لي الفرق بس الصراحة انا تنحت

خاطري بفرخ يكون لونه سماوي أو تركواز وقالي أن هالألوان نادرة وسعرها غالي مرره واللي فهمت من كلامه أن اللي يبغى الطير للإنتاج يشتري من هالألوان واللي يبغاه للتربية مثلي يشتري هاللون لأن حسب كلامه مرغوب ومحبوب وهو الشائع واللي لونه أخضر سعره أقل

بإنتظاركم

[أمجـاد]

معقولة ولارد

طيب إيش رأيكم بالسعر ؟؟ السعر كذا طبيعي وإلا مبالغ فيه عشان ادور لي محل ثاني لو حصلت يعني

[alsube3y]

نفس الحاله ابحثﻻعن مجيب عندي طيور ولا اعرف اسمائها

[ابو التواريخ]

وعليكم السلام ورحمة الله وبركاته

راح اشرح لك شرح بسيط ومختصر للأشياء الأساسية أو الاسماء الشائعة

1. فايلوت= ازرق

2. أوب لاين= صبغة قناع الوجه واصلة للرقبة بعض النظر عن لونها

3. لاتينو= اصفر وعين حمرا

4. لاتينو أوب لاين= اصفر عين حمرا والصبغة واصلة للرقبة سواء كانت أورنج أو رد

5. لاتينو رد فيس= اصفر عين حمرا لكن الصبغة الحمرا لمنتصف الراس تقريبا

6. لاتينو اورنج فيس= اصفر عين حمرا لكن الصبغة لمنتصف الراس تقريبا

طبعا هذي المسميات الشائعة في السوق وفي كثير غيرها ولكن ماذكرتها حتى لايحصل تشتت

بشكل عام الأوب لاين أغلى من العادي في جميع الألوان

وغالبا الأوان الفاتحة اسعارها مرتفعة

وبالنسبة للتركواز والأزرق (الفايلوت) موجود عندي فروخ لكن بعدهم مايجهزو للغر

بالنسبة للسعر أنا أشوفه مرتفع شوي لأن السوق راكد هلأيام والأسعار نازلة ب450 ممكن تلاقي فرخ البينو غر

طبعا في مواضيع مثبتة في القسم راح تفيدك بهالخصوص

[أم ناصر]

ما شاء الله
الله يعطيك العافية أبو التواريخ
ردك مختصر وبنفس الوقت مفيد
للمبتدئين أمثالي