الطير مو راضي يطلع على اليد ايش المشكله

[سكر]

معليش يمكن ما وضحت قصدي بالقفص

ما اقصد تدخله جوا القفص, أقصد فوقه يا قمر.

لكن على العموم المهم في الموضوع انك تحطه في المكان اللي يحبه سواء فوق استاند أو قفص أو غصن أو أي شي عشان نوصل للنتيجة

الهدف اننا نحمله من مكان ما يحبه الى مكان يحبه

ونفهم الببغاء ان وسيله الانتقال من المكان الغير مرغوب الى المكان المرغوب هي اليد فقط.

واذا فهم بيطلع وهو مكره في البدايه لحد ما يتعود.

بعدين انا مستغرب من ألفة ببغائك وعدم طلوعه على اليد.


فيه شي غلط بس ما اعرف ايش هو يا جداوي.

مثل ما قلت في بداية الموضوع ان الأشياء المهمة والمؤثرة هي أشياء بسيطة جداً.

حاول تكتشفها وتشوف, يمكن لبسك أو شكل يدك اذا كانت اصابعك منفردة أو منقبضه او متلاصقة,, الخ.

كل حركة نعملها, الببغاء يفسرها.

وعلى حسب تفسير الببغاء تكون النتيجة.

عشان كذا غير من وضعك كل مرة حتى تكتشف ايش الاوضاع اللي ما يحبها وايش الأوضاع اللي يقبلها.


تحياتي

[مجنون عويشق]

السلام عليكم

ماشاء الله سكر ..

مابقى شي ماقاله ..


ولكن لاتنسى ياغالي أنك تحسب حساب الجو المعتدل للطير ..بمعنى أن طيرك جديد على البيت فأصبر شويات على بال مايستألف البيت وتروح الوحشه الموجوده والمصاحبه للمكان والشخص الجديد عليه


بالتوفيق لك

[جداااوي]

يسلمو اخواني على المساعده وماقصرتم

ويا اخ سكر انا اشتريت الطير الافريقي شبه وليه وخليته يومين وكملت تدريبه والحمدلله في نتيجه
صار ما يجغر وياكل من يدي ويلعب في اليبت ويصفر وعنده كلمه وحده اسمه بس >>>>اسمه يعقوب
حتى البسه يطرد وراها
وانا رح اكمل المشوار اللين اوريك النتيجه
ويسلمو على المسانده والنصائح
رح ابلغكم بالتطورات اول باول
تعبتكم معايا اول مره الغيني ودحين يعقوب>>>>هههههه
تياتي لكم

[جداااوي]

كيفكم شباب اليوم
ابشركم الطير بدأيتجاوب معايا
وصار يطلع على يدي بس شوي ويرجع ينزل اواصل نفس الطريق ولا في طرريقه تانيه عشان يتم التدريب
ولكم خالص التحيه

[سكر]

ما شاء الله عليك

بس وين ينزل؟؟

اذا طلع على يدك قوم وخليك واقف, وقرب يدك من صدرك مثل لما توقف للصلاة وتضم يدينك على صدرك. بس بعدها شوي مسافة اصبعين بس.

جرب الآن اذا تقدر ورد علينا انا انتظرك.


ولا تنسى تتوكل على الله في كل أحوالك يا قمر

وقول هذا الدعاء

دعاء من استصعب عليه امر ما

" اللهم لاسهل إلا ماجعلته سهلاً وأنت تجعل الحزن إذا شئت سهلاً ". رواه ابن السني وصححه الحافظ ( الأذكارللنووي ص 106)


تحياتي

[جداااوي]

يسلمو سكر
الطير صار احسن من اول بكثير
بس يتردد وبعدين يطلع لوحده

[زياد محمد]

هلا اخوي جدااوي وسكر والشباب كيييف حالكم حبيت امر عليك بس جداوووي تقبل مروووري بدووون مخالفات