صور حمامي و دخول المرحلة الثانية .. تفضلو

[Jo0ker]

السلام عليكم و رحمة الله و بركاته

اخواني و اخواتي اعتذر منكم لعدم و جودي بصورة مستمرة ف المنتدى بسبب الظروف .. و ان شاءالله بحاول اكون وياكم ب صورة مستمرة

طبعا من مدة ليست بعيدة نزلت لكم صور حمامي و كانت الدفعة الأولى و حمدلله انتجت منهم و تم بيعهم و لله الحمد .. بعدها عزمت ادخل المرحلة الثانية و ادخل ب شي اكبر .. طبعا ياتني نصيحة من احد اخواني المربين ان لازم اتخصص ف نوع محدد او نوعين بالكثير .. و اخترت الكرنقو و الكشكي لتنوع الوانهم و صغر حجمهم و جمالهم

بعرض لكم ازواج الحمام الجديدة و اتمنى اخواني تقولون ما شاءالله و تذكرون الله لان العين حق


بسم الله نبدأ




هذا اخواني زوج كشكي .. الذكر مكتف رد بار و الانثى مكتفة اسود .. و حاليا تحتهم بيض و انتظر الانتاج منهم




حاليا هذا اجمل زوج عندي في محاكري .. زوج كرنقو اورنج رديوس .. من اجمل الالوان و بعد تحتهم بيض و انتظر الانتاج




هذا ذكر كرنقو مسوبع .. استخدمه في سحب اللون الكريمي من انثى عادية كريمية عشان انتج المسوبع الكريمي




هذا زوج كرنقو الذكر ابيض فيه لمسات باللون الاصفر و الانثى لونها كريمي و انتظر الانتاج منهم



هذي انثى كرنقو لونها اصفر .. مستواها جدا جميل و حاليا ادور لها ذكر



هذا زوج توني مركبنه على بعضه .. الذكر لونه بلو جك و الانثى اورنج اوبل .. متحمس جدا لانتاجهم




هذا فرخ كرنقو ميلي بار .. من احلى الوان البارات


و ان شاءالله بعد ناوي ازيدهم لان المحاكر عندي شبه فاضية الحين هههههههه

بانتظار ردودكم اخواني ..