وصفات شهية لأطباق قططك الملكية ..

[Dominique]

عادي أختي شواخي انه ياكل من كيتيكات بس آنه صنفته ضمن أكل البالغين لأن الفيتامينات اللي فيه مو مركزة مثل أكل القطط الصغار وما كان مكتوب عليه كيتين بس عادي ما يأثر " ترى كله نفس الشي بعد على شان القطو يحس انه صار ريال " لووووووووووووووول أتغشمر

[CaTTy]

<<< وااااايد متاخره

تسلمين يالغلاا على هالموضوع الروووعه

وبصراحه اذهلتيني

ماشاء الله عليج كفيتي ووفيتي من ناحية الوصفات وشرح اكلات القطط من دراي فود واكل معلب

واحب اشكر كل اللي تفاعلوا معاج بالموضوع وردوا لانه بالنهايه الكل بيستفيد

اما الحين بقول بعض الاكلات اللي اعطيها لقطاوتي طبعا اقصد اكل البيت مو الاكل الخاص

وانا قطاوتي بالغين فوق الـ 6 اشهر ..



البيض المسلوق عالصبح وجبن شرائح او مثلث ..

وعالظهر قطع دجاج وارز واحيانا مع زبادي خالي الدسم

تشريبة ( خبز رقاق + مرق ) ومعاها قطع دجاج او لحم

صمونة الجبن مالت ايام المدرسه ( الفيصل ) لاحظت اني كل ما ييت اكل تيي القطوه وتجابلني وخزز عاد ليما اقطعلها واعطيها

ربيان .. ووووايد تحبه قطاوتي .. عرفت هالشي من مره كنت طالبه من مطعم شرمبي واهي شوي وتستخف عاد خبركم الربيان يكون في البقسماط .. قمت وطالعتلها الربيانه بدون البقسماط واكلته اكل لوووووووول

ذره .. بصراحه ماكنت ادري انها عادي للقطط الا من اختنا دومنيك .. رحت وجربت اسويها لهم بدون ملح طبعا .. واللي تباع بالجمعيات بكيس مفتته .. اول مره شموا الصحن وراحوا وبعد جذي نص ساعه اكلوه كله ههههههه امرهم عجيب


حليب خالي الدسم .. وهذا يمكن مره او مرتين بالشهر وطبعا تمووت فيه القطاوه

كورن فليكس بـ لبن .. بس كميه قليله

لحم مفروم مع فاصوليا وبازلاء ..




واتمنى اني مانسيت شي

[Dominique]

الغلا كله انتي كاتي حبيبتي .. مشكورة على التفاعل والرد ولا متأخرة ولا شي يعني الواحد ما ينشغل .. بعد بديتوا دوامات اذا انتي بالجامعة الله يعينكم على زحمة الشوارع ..

بالنسبة حق البيض تدرين في ناس يعطون قطاوتهم بيض ني لا مسلوق ولا مقلي عاد جذي موزين حق القطوة يكون البيض كله جراثيم حتى لو القطوة تحبه ماعليكم منها ..
آنه دومينيك ما يحب البيض كلللللش ..
ماجربت الكورن فليكس ليلحين آخر الاكتشافات ذرة .. لوووووووول حقل تجارب

الربيان آنه اشتري المثلج مال الدانة أو الوطنية بس الجامبو وأسلقه عدل بعدين أخليه يبرد وأقطعه صغار صغار .. أو اذا الوالدة مسوية مربين أو مرقة ربيان أو خثاق .. آخذ منه وايد أحط بصحني .. عاد اهية تجكني وتزف " آنه اسويه حق أبوج مو حق هالجيكر دومينيكو " عاد آنه سائلة فيها " لا يما آنه يوعانه حدي باكله كله " آكل شوية عيش واخش الربيان أو الخثاق على كتر على بو باكله مع خبز .. بعدين أبوقة لووووووووووول واعطي دمدمي شلللللم قلبه .
بالنسبة للذرة .. وكليهم بايدج واااااااااااااي لسانه يدلدق دمدمي أوكله واضحك
لووووووووول 0 أمي تقول الحملله والشكر مو صاحية ) تصدقين لما أحطه بصحن ما ياكله !! يبي الا من ايدي واااااااي روحي

مشكورة حبيبتي على الافادة الروعة

[CaTTy]

ههههههههههههههه الله يخليه لج

اثاريهم كلهم جذي عليهم دلع

انا قبل اولكها بايدي بس من صار عندي قطوتين ماعاد اقدر

اما بالنسبه لامي ماتقول شي لو خذيت من الاكل بس بين فتره وفتره تقول شرايج تبيعينها

واهي ماتدري عن القطوه الثانيه شارينها بالخش هههههههههه

[Dominique]

الله يسلمج..
تعالي؟؟؟ شلون أمج ما تدري عن القطوة الثانية وين خاشتها ؟؟
أما سالفة شرايج تبيعينها هذي تقريبا أسبوعية .. بس ما يقدرون على يباسة راسي وعنادي ..

[CaTTy]

نفسي يعني

بالغرفه الثانيه شريتها ومحد يدري اصلا حتى الاولى اول ماشريناها انا واخواني محد كان يدري بس طب علينا اخوي وجكنا وقال ماعليكم اهلي من النوع اللي لازم تحطونهم عند الامر الواقع

ونزلها تحت ومحد عارض الا امي مو عاجبتها الفكره ولو انهم قبل كله يربون قطاوه حتى قطاوة شارع يربون

بس علينا ما يبون ..

المهم سكتت ماقالت شي بس مبين ماعبجها الموضوع وصارت بين فتره وفتره تقول شرايكم تبيعونها ..

المهم الثانيه ماكانت لنا نية فيها بس جذي رحت على فالي اشتري حق طيوري نشارة خشب واعجبتني خصوصا انها بيضا وبيكي فيس اللي كانت في بالي قبل لما شرينا قطوتنا الاولى

وبسرعه ما قدرت اخليها شريتها

وطبعا محد يدري الا اخواني واهي عندهم بغرفتهم ..

ولي يومج صارلها الحين تقريبا اسبوعين وشي ومحد يدري ههههههههه

[r3odi]

موضوووع روعه والله اختي Dominique

[Dominique]

تسلم رعودي على المرور

[ظبية الحمى]

دومونيك >>> شــــــكــــــرا على الموضوع الرائع و المفيد .....

الصراحه واايد إستفدت من الموضوع و بجرب مع قطوي و بشوفه شو ياكل ...
أنا قطوي ما يتقبل ياكل أي شي إلا Wheskas دجاج او سمج ودي يشرب حليب او ياكل جبن بس هو ما يطيع .....


تحيتي للجميع...

[سـارة]

ألف شكر أختي (دومينيك)عالموضوع المتكامل و الرائع ..
و الله يجزى خير كل من شجعك عليه..(كاتي)و(قطو كويتي) .