يا اهل الخبره ساعدوني في ارنوبتي !!

[M!ss LoLo]

السلام عليكم ورحمة الله وبركاته

اخواني الاعضاء

قبل تلاته اسابيع الارنوب شرد من عندنا والحمدلله قبل كم يوم رجعلنا

واليوم رحت اشوفو هو والانثى قام جا هجم عليا وخربشني في رجولي

وسحب عبايتي وكان يطلع منو صوت يخوف

و لاحظت انو الانثى تحت ديلها دم حتى الذكر في شويه في رجولو

و لاحظت انو بعض ارضيات الحوش معدومه بالدم ما ادري ليش ؟!

وكمان لونهم ساير بني من التراب

وحتى اخواني الصغار لمن يقربو منو يهجم عليهم وعضهم في رجولهم ..

انا امس لاحظت انو فيه حفره جديده في الحوش

بس اليوم ما لاحظت انهم يروحو للحفره كتير

اخواني بالله ساعدوني ارنوبتي ايش فيها ؟!

وليش الدم دا ؟! وتصرفات الولد زي كدا ؟!

وجزاكم الله خيراً

[M!ss LoLo]

ليش محد رد ؟!

[فلاح القاسم]

اختي احتمال ارنبتك والدة والعلم عند الله وهذا إذا لاحظت إنه شعرها وخاصة في البطن منتف،،

أو تكون جايتها الدورة والذكر بدأ يجامعها،،

[احساس بنوته]

اختي الحفره مثل الجحر هذا دليل بان الارنبه بتولد وما ادري عنها يا بتولد او والده والعلم عند الله

[MR.Fahd]

احتمال تكون الارنبة ولدت !

والذكر معصب لا الانتثى تكون منهكة بعد الولادة فترفض الذكر

افصلي الانثى عن الذكر

وبالنسبة للحفرة فهي لو كانت والدة فماراح تدخلها الا مرة واحد او مرتين كل يوم فقط

هذا والله اعلم

[مستر ازرق]

السلام عليكم ورحمه الله
بالنسبه للكلام الي قلتيه اختي ما اقدر احددلكي مشكلتها لان اسبابها كثيره اما ان يكونون ذكور او انها تكون الانثى قد حملت
والى اخره ... بسئلك اختي كم سوال .
هل انتي متاكده من انهم ذكر وانثى. ؟؟
اذا كانو ذكر وانثى هل الانثى نتفت الفرو الي في صدرها او بطنها اوجمعت كيس من الارض وما شابه ذالك ؟؟
هل الذكر يضرب النثى؟؟
واذا كان الذكر يضرب النثى هل النثى تلقحت من ذكر اخر او كانت مع ذكر غير هذا الذكر ؟؟

ياليت توضحين اكثر يكون افضل بالصور

انتضرك

[عاشق الارانب]

اتمنى يكون ماقصروو والله معاكي الاخوان

والله الموفق

شكرا للجميع

[M!ss LoLo]

يعطيكم العافيه اخواني عالمرور

وجزاكم الله خير

اخوي مستر فهد انا ما اقدر افصل الذكر عن الانثى

لانو يوم ما سار الكلام دا كلو اخدنا الذكر ودخلناه البيت سار يجري ورانا في البيت يبا يهجم علينا

بس احسو اليومين دي هجد كتيييير حتى سار يجي عندي عادي ..

اخوي مستر ازرق

انا متأكده 100 % انهم ذكر وانثى

وبعدين انا ماني قدره امسكها عشان اشوف هي نتفت شعر صدرها ولا لأ

وما لاحظت انو الذكر يضرب الانثى مره بالعكس يجي يتمسد فيها

واحنا ما حطيناها مع ذكر غيرو ابدا

وبالنسبه للصور احاول في اقرب وقت ان شاء الله

[%لوب ذهبي%]

نفس كلام اخوي فهد

[فلاح القاسم]

واضح أن الأنثى كانت في حالة شبق

وكان الذكر متوتر لأنه ما يريد أحد يقترب منه وهو يجامع الأنثى

بعض الذكور في فترة التلقيح يصير عصبي جدا بعدين تهدأ

ما أنصحك تفصلينهم عن بعض