افف شكلي بجيب كلب ثاني ساعدوني

[frek.doog]

السلام عليكم


ياجماعه الخير الكلب الي معي من يوم قبل لاتفتح عيونه ونا ارضعه عشان اومه ماتت والحين قرب عمره على الشهرين انا حاطه بغرفه كبيره مهتم في اهتمام غير طبيعي ياكل احسن اكل لاكن اذا كنت معاه بالغرفه يجي وا ناديته يجي ركض اذا طلعته بالحوش طبعن انا وهو بس اناديه مايجي ابد حتى لو جاني مايجي يقرب كثير في مسافه بيني وبينه وماقدرت افهم وش مشكلته لين احس بيكبر وهو على هالحاله ولا يلعب معي ولا ينقز علي بس يلعب معا نفسه

ونا قمت اكره اروح العب معاه قمت اعطيه اكل وامشي وماقصرت معاة بشي

تنصحوني اجيب جرو ثاني ولا اكمل ولا ولا ولا تكفوون ساعدوني انتضر الردود

تكفون ابي الي يدخل يرد طفففشت منه ويعطيكم العافيه

[Abo_fahed]

وعليكمـ السلامـ ورحمهـ الله وبركاتهـ

يالغالي الجرو بـ عمر الشهرين

يعني طفل الى الآن لا يفهم مايفعله

والكلب لايعلم اذا كنت تعطيه احسن واغلى الأكل

--

لازم تعرف ان الجراوي تختلف عن بعض

في جراوي تحب تفرض هيبتها

وفي جراوي خجوله

وفي جراوي خوافة

وفي جراوي شجاعة وتحب تستكشف

وكل هذا يرجع لجينات الكلب الموروثة

والتصرفات هذي كلها يمكن حلها ومعالجتها

على حسب هدف المربي لهذا الجرو

سواء كان يريد الجرو ان يصبح »» كلب منزلي أو كلب حراسة أو كلب جمالي فقط

لكن ليست هناك نسبة نجاح معتمدة

فـ المحاولة نص العلاج

--

دائما الجرو اذا اخذته لمكان جديد يتصرف كالآتي .:

1 - يبقى بحانبك ولا يبتعد عنك

2 - بعدين يبدء بشم المكان واستكشافه خاصة اذا كانت هناك كلاب اخرى تبولت في المكان

3 - بعد فترة اذا ذهبت الى نفس المكان تجد الجرو وثق في نفسه

ويذهب ويتنقل ولا يسمع لكلامك

والنقطة الأخيرة تحتاج الى تدريب

ودائما اذا بتمشي الكلب لازم يكون لابس الليش

حتى يتعود ان يكون بجانبك

ولا مانع من اطلاق سراحه قليلآ لأخذ الحرية في اللعب

واذا وجدته يلعب مع كلاب اخرى وناديته ولم يلبي النداء

حاول تغريه بشي يحبه عشان يجيك

ويفهم ان القدوم اليك افضل من اللعب مع الكلاب

يجب عليك ان تحببه في القدوم اليك عن طريق مكافئته عند تلبية النداء

واذا لم يلبي النداء قوله bye bye ورووح وخله

لاتخليه يدربك على انه لما مايجيك انك تروحله !!

خله يفهم اذا ماجيت لي انا اروح واخليك !!

مع التكرار راح يفهم وماراح يباعد عنك

دائما خل النداء يكون لشي يحبه مثل .:

تعطيه لعبه يحبها

تعطيه الوجبه

تعطيه مكافئة


--

الان الجرو في مرحلة التأسيس

اهتم بتغذيته وصحته ونظافته

وابتعد عن ضربه !!

وابتعد عن مناداته ومعاقبته


--

الصبر يالغالي

فـ الجرو للحين صغير ويحتاج صبر وتحمل

[frek.doog]

يعطييك العافيه وماقصرت وكالعااده طلعني من ازمات وادري ذابحك بالاسئله بس وش نسوي انشالله لك ولي الاجر ورح انفذ كلامك بالحرف الواحد طبعن انا ياكثر دربت وربيت كلاب بس جرو كبر هاذا مامر علي كلهم اجيبهم 5 او 6 شهور وكلها جيرمن لا كن نجرب حضنا معا المهجن ويعطيك العافيه وماقصرت

[Abo_fahed]

الله يعافيك يـ عسل

وان شالله بتشوف الي يسرك

ولاتنسى الصبر

وكل شي يعتمد عليك بعدين يعتمد على الجرو

موفق ياغالينا