سؤال للي يعرف وخاصة بو عزوز..........

[دراكولا المجنون]

انا في شيئين انا مو فاهمهم كلش

الشي الاول: انه بو عزوز قال كلاب الشو وكلاب الشغل..(بالجيرمن شفرد)..... انا اللي ابي افهمه يعني شنو كلاب الشو وكلاب الشغل يعني مثلا السيبل كلاب الشغل والنورمال او البلاك كوت كلاب الشو ولا شلون مو فاهم........................


الشي الثاني:انه اللي بالفيديو اللي بالبطولة الكلاب اما يعطونها امر الهجوم تهجم وتعض بدون زجر يعني ما يزجر ما يطلع صوت يخرع.............. بس يعض و ما يكون شرس حيل نفس مثلا الكلب البوليسي اللي بفلم
k-9 اللي قصته انه شرطي ويكون المساعد ماله الكلب منو شافه ؟؟؟.شفتو شلون دخل الكلب المحل وقام يزجر ويطلع صوت جنه اسد والله انا لو اعرف طريقتهم شلون يدربونه و يطلع صوت جذي جان زين والله
ابي رايكم وخاصة بو عزوز
تحياتي....................

بو عزوز: انت الحين عطيتنا دروس عن الحراسة وجذي ما عندك دروس عن...... الحركات اللعبية الحلوة يعني اللي مثلا ينسدح الكلب على ظهره ويرفع ايدينه فوق ويطالع صاحبه جذي جنه يكسر الخاطر .......والله يا ريت يا بو عزوز

[بوفهد]

اخي الكريم

سيقوم الخبراء بالاجابه على اسئلتك واستفساراتك بأقرب فرصه ممكنه

وشكرا

[بوعزوز]

اخوي الجيرمن شبرد ينقسم لنوعين :-
اول نوع:-
working line german shepherd الذي هو الوانه السيبل والبلاك والباي كلر واللوان السيبل جميعها طبعا.
ثاني نوع:-
show line german shepherd الذي فيه لونان فقط وهو البلاك اند تان (black and tan or black and gold) البلاك اند تان هو مثله الأحمر فقط هذا قصدي بالكلام.
وطبعا بالصفات تختلف من كثير الأمور منها الدرايف والتركيز والكثير من الامور اخوي.

ومن ناحية النخر اثناء العض هذا على حسب شخصية الكلب يعني الفيديوات توجد كلاب تنخر لدي انا كلبي الشخصي ينخر مثل الفلم بالضبط يعني هذي الشغله تعتمد على الكلب نفسه وليست تدريب.

والتدريبات الأخري التي قلتها متوفره جميعها بقسم تدريب الكلاب واذا اي شيئ محتاجه احنا بالخدمه موجودين علطون انشاءلله.

وشكراا

[بوفهد]

اشكرك يا بوعزوز على سرعة الرد

وان شاء الله يستفيد العضو من الاجابه الوافيه

بالتوفيق

[pitbull-lover]

بسم الله الرحمن الرحيم

على حسب علمي والي سمعته من غيري .... ان كلاب الشو هم الكلاب الي تدربهم على اوامر وحركات و تجهزه حق عروض عشان بس يأديها بالطريقه الي انت علمته اياها .

اما كلاب الشغل نقول مثلا كلاب الشرطه هاذي كلاب مدربه بطريقه اقوى بكثير لانها راح تتعامل مع وضع خطير مثل الحياه او الموت وتعلم كلابها التركيز وانه يعض مو بس في منطقه وحده و يعلمه شلون يبتعد عن الاذى ويعلم حتى الكلب شلون يحسن التصرف في اكثر الاماكن حرصا ..

[فطوم]

طبعا الاخوان ماقصروا بس حبيت اقول الي اعرفه

اخوي الجرمن شبرد نوعين شو لاين ورك لاين والنوعين اصيلين والاختلاف فقط بالمواصفات
في كلاب الورك الجمال ليس مهما حتى في المسابقات غالبا مايتم قياس زوايا جسمها بالنظر بعكس كلاب الشو التي يتم قياس زوايا اجسامها بالملي متر...

والإسم على مسمى فكلاب الشغل يكون الدرايف والتيقض اعلى عندها وهي المستخدمه في سلك الشرطه وفي المساباقات يركز على تدريبها وذكائها أما كلاب الشو فيتم التركيز على جمالها وصافتها الفيزيائيه

[دراكولا المجنون]

اشكركم اشكركم اشكركم على المعلومات الحلوة مشكورين مشكور بو عزوز