كم استفسار عن الببغاء الافريقي

[NAIF10]

السلام عليكم ..

كيف الحــآل

الصرآحة انا جاني ببغاء فجئه .. وطبعاً كنت متمنيه من زمان

والببغاء افريقي رمادي

وفيه كم شغله محيرتني

اول شي الببغاء شكله صغير

بس فيه فراغ بالجناح ما ادري طبيعي ولا لا

وذيله الاحمر قصير مره

وقاهرني لا يصفر ولا يتكلم

ويرجف رجف مو طبيعي اذا قربت لمه

بس احسن ما فيه ما يعرف يعض ولا يجعر كثير

[عش الببغاء]

اكييييييد انه فرخ انا متأكد 100% والرجف هذا ممكن بردان انا اقول ممكن والكلام او التصفير سمعت يقولو بعد مرور شهر او حواي3 او 4 مادري بس المهم اكين انه فرخ ويبيله تربيه دقيقة اكل مخصص ومكان مخصص ونوع من القماش الرقيق و بس هذا الي اعرف بتوفي وانشاء الله تستفيدين مني

[طير جديد]

اولا : حياك الله اخوي في المنتدى
وحياك الله بين اخوانك

الف مبروك على الطير ويتربى في عزكــــ

1- بخصوص الشكل او الحجم الببغاء الافريقي احجام فيه صغير في وسط في جامبو في سوبر جامبو

2- بخصوص الفراغ بالجناح يمكن الطير ينتف ريشه ( الاحسن انك تحط صور الطير لتاكد وشو بطيرك )

3- بخصوص الذيل
س _ هل تحس الريش الطير متبهدل او ضعيف
يمكن طيرك عنده مشكله في التغذيه :حاول تنوع له الاكل من فواكه كالتفاح(شيل الحبوب منه ) خضروات كالخس

4- بخصوص الصفير والكلام اذا كان الطير صغير في العمر مو بيصافر ولا يتكلم
بس مع الايام وتعليم انشاء الله يتكلم ويصافر

5- ويرجف رجف مو طبيعي اذا قربت لمه ... الطير فيه خوف لان جديد في المكان ولا تحاول تجي لطير فجاه او تخوفه بصوت عالي فجاه حطه في مكان شبه هادى ويتعود للمكان ويصير عادي انشاء الله واذا تحس ان المكان بارد والبرد سبب الرجفه فاحاول تغير مكانه لا المكيف والبروده مو زينه له انتبه لاتخلي المكيف يضرب فيه لا نه مضر

6- اما بسنة للعض والجعير الحمدلله مو موجودة في طير وبتسهل عليك التربية


اخوي لاتنسى نزل صور طيرك علشان نشوف كم عمره وهل حجمه طبيعي وسبب ان الذيل ريشه صغير وسبب الفراغ الي بالجناح

[NAIF10]

ابشر

.. بس بفطر ونزل الصور

[NAIF10]

معليش ما فضيت انزل صوره
يعني مافي كلام غير كلام اخوي طير جديد (ولا يهون اخوي طير جديد ما قصر معي )

ولكم كل الود

[ابو محمــد]

ما قصر اخوي طير جديد ولا في غيره.

[NAIF10]

مشكور اخوي ابو محمــد وعسى ما تعبتك معي


.............


وهذي بعض الصور للببغاء

هذي صور لعيونه




وهذي الاماكن الي ما فيها ريش بس مو واضحه مره لان الببغاء توتر زياده يوم شاف الكام



وهذي تبين الريش واحس انه مو مرتب الا اذا كنت موسوس بزياده



وهذي الصوره ممكن توضح صورة الذيل


واذا محتاجين صوره الفراغ لازم بحاااول فيه .. بس تكفون طمنووني ..!

[سكر]

ما شاء الله تبارك الله

ببغاء جميل ,,,

وبالنسبة مابين سنة ونص إلى سنتين تقريباً

يعني مو فررخ

أخوي طير جديد كفى ووفى,,

أما ذيل ببغائك يا قمر منتووف,, يعني ماعنده ذيل

واللون اللي تشوفه هذا مجرد بقايا للذيل الأصلي,,

اصبر عليه وهو بيطلع بس بيطول ,, يمكن توصل الفترة لحد 5 شهور أو 6

بالنسبة للفراغات,, هذا ببغائك ينتف في ريشه

لكن بالمجمل ريش ببغائك كله يحتاج عناية,, لأنه تالف بسبب قلّة التحميم, وقلة التشميس, وتنوع الغذاء,,

راجع موضوع العضوة كاسكوكية (التداوي بالصبار) تلاقيه على الرابط التالي:

http://www.2zoo.com/vb/showthread.php?t=117636

وان شاء الله يتحسن,,


تحياتي

[ابو محمــد]

ما قصر اخوي سكر كفى ووفى ,,

لكن الطير واحد من اثنين يا محشور مع طيور في قفص وتوه جاي من الشحن أو

الطير بدايه نفسيه ,,

ابدأ روشه كل يومين وحط عنده العاب ولا تهمله وشكل له من الفواكه والخضروات,,

ومثل ما قالك اخوي سكر اتبع وصفه الصبار .

بالتوفيق.