شلونكم شخباركم الشكل النهائي للحوض قولولي رايكم ..!

[الكويتاوي]

بسم الله الرحمن الرحين

ابي اوريكم شكل الحوض النهائي وذا في اي ملاحظه على الشكل او شوف تقطيع التفاح بهاذا الحجم هل هو مناسب ؟؟؟

درجه الحراره 30 مؤيه





حجم الاكل



وشكراا وذا في اي ملاحظه او اضافه

[|| PyTHoN ||]

حلو ~

الحين ناقصك أغصان ~
عندك بسوق الحمام يبيعون أغصان شكلها حلو
و قويه و ثابته لها قاعده أخذلك منهم واحد فيه
تفرعات و شوي يكون عريض يعني اهي توقف
و اهي مرتاحه و يكون حوضك مضبوط

موفق ~

[*حامي الحيوان*]

مشااء الله أي الحين حلو

بالنسبة للصخرة فا يفضل تضعها أسفل الاضاءة

وبالنسبة لحجم التفاح فهو أنشاء الله مناسب

وأنا بعطيك حل بسيط عشان تعرف حجم الاكل المناسب للغوانا

أي غوانا أذا تبي تعرف حجم الاكل المناسب لها

فهو عن طريق المسافة بين العينين

الصورة توضح كلامي لازم الاكل ما يكون أكبر من المسافة بين العينين



.
.
.

[mr.crocodile]

حلو اخوي

وحاول انك تأكلها اكل اخضر كالخضروات

وحط معه بعض الفواكه مو يكون اكلها بس تفاح

وموفق اخوي.

[مهووس الحيوانات]

ماشالله كلشي تمام

بس مثل ماقال الأخ بايثون يفضل تزيد كم غصن

و مثل ما قال الأخ mr.crocodile حاول تغير مو بس تفاح ، فوق انه التفاح مو واضح

و لو قدرت تبدل الأرضية برمل ناعم أو تراب نظيف أو الأرضية المخصصة يكون أحسن

لكن لو ماقدرت مافي مشكلة كلشي تمام

[الكويتاوي]

يعطيكم العافيه جميعاا اولا شكراا للمرور ثانيه انا انوع لها خضروات بس بغيت اعرف الحجم مو شرط حق التفاح ... او بالنسبه للاغصان الاغوانا متعلمه على هاذا الغصن كله فوقه او اهو الاقرب للحراره فوقها مباشره او الاغوانا تثبت على مكان ماتغيره وشكرااا جميعا ..


تحياتي .

[أحبك توتو]

وآآآآآآآآو تمــااآآمـ شنـووو الأرضيـه ؟؟!

[العقرب الامبراطوري]

ما شاء الله اخي هذا تطور
يعني لاحظ انت سرعتك في تبديل الحوض و توفير الراحة للاغوانا
مبروك على الحوض الجديد و الى الامام
عندي شوي ملاحظات

الاكل قال لك حامي الحيوان كيف تعرف

بالنسبة للحرارة الافضل تخلي مقياس حرارة داخل الحوض ( يكون شكله دائري ) حتى تعرف اذا الحوض حار او بارد الاخوان بقولون لك كم درجة الحرارة المناسبة للاغوانا صباحا و ليلا

بايثون قوله

لان الحوض لازم يكون مثبت ما بين درجة كذا الى درجة كذا

طبعا تعرف الاغوانا جوها يختلف عن جو الخليج

بالنسبة للضوء ال uv لو ما لقيته لازم تشمسها كل يوم ( شمس مباشرة )

و الى الامام

[مهووس الحيوانات]

أتوقع في غير الشتا موضوع درجة الحرارة مو مهم كثير

لأنه بيربيها داخل البيت و الجو داخل البيت حلو ، لكن فائدة مقياس الحرارة انه يخليه يعرف لو فيه زيادة أو نقص غلط في الحرارة يحاول يعدله إما بزيادة ( بلمبة تدفئة أو صخرة تدفئة ) أو تنقيص ( زيادة رطوبة الجو و تقليل أساليب التدفئة )

و اتمنى من الاخ بايثون يذكرنا بها نسيناها ، عشان يعرف الأخ هل الدرجة زيادة كثير أو ناقصة كثير ويعدل لو احتاج

[الكويتاوي]

شكرااا لمروركم

احبك توتو : الارضيه نشار خشب

العقرب الامبراطوري : مافهمت شنو قصدك مقياس حراري مدور اهو يضبط الحراره ولا شنو ؟؟

مهوس الحيوانات: والله يريت لو الاخ يذكركم عشان تفيدوني

وشكراا