ارجوكم الحقونى

[بكبوزه]

السلام عليكم ورحمة الله وبركاته


معلش يا جماعه ارجو الرد عليا بسرعه انا عندى قطه شيرازى اتجوزت وخلفت 3 قطط من

5 شهور ولحد امبارح كنت مفكراهم بنات بس للاسف اكتشفت وهما بينضفوا نفسهم انهم

فيهم 2 ذكره مش ديه المشكله اوى المشكله ان امهم من اول امبارح وهى طلبه الجواز وامبارح

ولدها الاتنين عمالين بيحاولوا يتجوزوها هو فى واحد قصير مش عارف يوصلها اما التانى فكبير

شويه وعمال يحاول وببعدهم عن بعض ومفيش فايده وكمان انا خرجت وقبل ما انزل فى

محاوله من المحاولات سمعت القطه صرخت نفس الصرخه اللى كانت بتصرخها لما اتجوزت اول

مره انا مش عارفه هى كده اتجوزت ابنها ولا لا وانا عاررفه ان الجواز ده غلط وبتجيب اولاد

مشوهين احنا مكلمين ناس على دكر لسه هجيبه انهارده ان شاء الله مش عارف اعمل ايه

اجيب الدكر الكبير ولا اسبها مع ابنها وخلاص وبعدين المجنون لما بيفشل مع امه بيروح لاخته

ويحاول معاها انا خايفه عيها هى وامها اوى مش عارفه عمل ايه بجد انا قررت همشى الدكرين

بس لسه هشوف حد يرضا يخدهم بس هو ممكن لو حتى كوكى اتجوزت ابنها تحمل منه وهو

لسه عنده 5 شهور ونص ارجوكم حد يفدنى ضرورى جزاكم الله خير

[Elvira]

5 شهور عمره ما اعتقد بالغ للحين
بس ترى عادي انا زوجت قطط من عيالهم وماخلفو كتنز مشوهين ولا شي بلعكس عادي

[شاهستا]

اهلا بيكى

هى المشكله مش فى كل الى قولتيه

المشكله الكبيره جدا فى الجمله دى

قررت همشى الدكرين بس لسه هشوف حد يرضا يخدهم

يعنى انتى اصلا مش هتتحملى انك تربى القطط الى عندك

و عايزه تمشيهم والله ا علم هيكون مصيرهم ايه وياخوفى يكون مصيرهم للشارع

او ناس تاخدهم وبردو يرموهم فى الشارع زى الحالات الى بنشوفها كل يوم

وفى نفس الوقت بتدورى على دكر يتجوز قطتك الى انتى مش عارفه تودى عيالها فين

عشان تحمل وتولد تانى وبردو مصيرهم يبقى مجهول

الى انتى بتعمليه ده غلط جدا ولازم تعرفى ان اى قط بيتولد عندك انتى الى بتتحملى مسئوليته قدام ربنا

حتى لو ناس تانيه خدته انتى بردو المسئوله عن وجوده

متجوزيش قطتك تانى سيبيها تطلب تزاوج وهتسكت او اعملى ليها عمليه تعقيم

والذكور الى عندك بدل ما يتشردو فى الشوارع اعمللهم عمليه خصى

روحى اى وحده بيطريه او كليه الطب البيطرى واعملى العمليه لقططك ومتديهمش لحد

وارجوكى متجوزيش قططك تانى

وبخصوص سؤالك ان شاء الله مش هيحصل حمل لان القط سنه صغير

لو هتعملى ليه العمليه ده انسب وقت قبل ما يبلغ بالكامل

[بكبوزه]

المشاركة الأصلية كتبت بواسطة شاهستا

اهلا بيكى

هى المشكله مش فى كل الى قولتيه

المشكله الكبيره جدا فى الجمله دى



يعنى انتى اصلا مش هتتحملى انك تربى القطط الى عندك

و عايزه تمشيهم والله ا علم هيكون مصيرهم ايه وياخوفى يكون مصيرهم للشارع

او ناس تاخدهم وبردو يرموهم فى الشارع زى الحالات الى بنشوفها كل يوم

وفى نفس الوقت بتدورى على دكر يتجوز قطتك الى انتى مش عارفه تودى عيالها فين

عشان تحمل وتولد تانى وبردو مصيرهم يبقى مجهول

الى انتى بتعمليه ده غلط جدا ولازم تعرفى ان اى قط بيتولد عندك انتى الى بتتحملى مسئوليته قدام ربنا

حتى لو ناس تانيه خدته انتى بردو المسئوله عن وجوده

متجوزيش قطتك تانى سيبيها تطلب تزاوج وهتسكت او اعملى ليها عمليه تعقيم

والذكور الى عندك بدل ما يتشردو فى الشوارع اعمللهم عمليه خصى

روحى اى وحده بيطريه او كليه الطب البيطرى واعملى العمليه لقططك ومتديهمش لحد

وارجوكى متجوزيش قططك تانى

وبخصوص سؤالك ان شاء الله مش هيحصل حمل لان القط سنه صغير

لو هتعملى ليه العمليه ده انسب وقت قبل ما يبلغ بالكامل

شاهستا ازيك يا رب تكونى بخير انا لما بكتب اى موضوع فى المنتدى هنا بستنى ردك

لانى بثق فى كلامك وعن تجربه بس انتى فهمتينى غلط انا مقدرش ارمى القطط اللى عندى

انتى مش متخيله انا وجوزى بنحبهم ازاى ويمكن ديه مشكله الحقيقيه ان مش بنقدر نستغنى

عنهم وبنتعلق بيهم جدا واحنا كنا هنخليهم بس انا خايفه على امهم واختهم من انهم يتجوزو

ويجيبوا خلفه مشوها وفعلا فى الحاله ديه هشيل ذنبهم بجد وانا ان مشيت القطط همشيهم عند

ناس اكون عرفاهم وهتابع اخبرهم علطول لان للاسف انا مفيش اختلاط بناس كتير ومعرفش حد

عنده قطط عشان كل ما حد فيهم يعوز الجواز ادور على قط او قطه وجوزى ميعرفش حد انا كنت

بدوخ لكوكى لما كانت بتطلب الجواز وفى الاخر كنت بطنش لحد لما تهدا وكنت بتقطع على شكلها

فى الايام ديه وحاجه تانى انا مقدرش اعمل العمليات ديه واحرمهم من الخلفه انا مخلفتش

ومقدرش اكون سبب فى انى احرم اى حد من النعمه ديه والاحساس ده حتى لو حيوان عشان

كده لو القطط الدكره عند حد هيعرفوا يتصرفوا اكتر منى وانا مجربه جوز كوكى بعد ما اتجوزها

اصحابه رفضوا يخدوه وخليته عندى وكان عاوز يتجوز ومعرفتش خالص اجبله قطه وبعد لف كتير

لقيت حد عنده وراح وبعد ما اتجوز بكام يوم مات عند الناس اللى كان عندهم وساعتها حسيت

انى انا السبب عشان طلب الجواز كتير وانا معرفتش اتصرف

[بكبوزه]

يا نهار ابيض القط سماره بداء يعمل حمام فى اى حته فى البيت معقول هو كده بلغ وعاوز يتجوز

ممكن يبلغ فى عمر ال5 شهور اعمل ايه موضوع الحمام ده بيجننى وبتعب منه نفسيا جدا وبقرف

من القط اوى

[شاهستا]

ربنا يخليكى ياحبيبتى وانا كلامى ليكى لانك زى اختى

اتمنى من ربنا انه يرزقك الذريه الصالحه يارب


صدقينى انتى مش بتحرميهم من الخلفه ولا احساس الامومه

انتى لو تعرفى كميه وعدد القطط المرميين فى الشوارع اد ايه بجد هتعرفى انا بتكلم عن ايه

احنا بنشوف حالات تقطع القلب بجد القطط الشيرازى او الانواع دى الى هى خاصه بالبيوت

او حتى القطط البلدى الى بتتربى فى البيت لما بترمى فى اشلارع من اصحابهم الى قلبهم حجر

بجد حالاتهم بتبقى فظيعه ومش عايزها اوريكى الصور عشان متعبكيش

صدقينى العمليات دى رحمه ليهم ولاطفالهم الى بيكون مصيرهم مجهول

ان شاء الله يارب تقدرى تحلى مشكلتك واتمنى متجوزيش قطتك تانى يارب تقتنعى بالكلام

وبخصوص قطك هو كدة بيرش بول وبيطلب تزاوج

[بكبوزه]

ربنا يكرمك يا رب يا شاهستا ربنا يعلم انى احببتك فى الله من غير ما اشوفك وعاوزه اعرف لو ليكى اكونت على الفيس عشان اتمنى نكون اصحاب و انا عارفه والله دا انا اصلا قلبى بيتقطع على الكلاب والقطط البلدى اللى فى الشارع

وبقول لو ربنا يفتحها على الواحد بالخير يعمل ليهم مكان نلمهم فيه واكلهم اكل نضيف ونعلجهم بس هنعمل ايه

ما باليد حيله وانا مقدرش ارمى القطط ده لو انا فكرة حتى فى كده جوزى هيرمينى قبل منهم احنا والله

بنعملهم زاى اولادنا مش ممكن ناكل حاجه هما ميكلوش زايها واحسن كمان مش بنسبهم لوحدهم فى البيت

وقت طويل براعى اكلهم وشربهم كويس جدا المهم متخافيش دول فى عيونى بس السؤال بقى هنا وهتعبك

معايا معلش فى خطر على كوكى لو عديت طلبها للجواز اكتر من مره اصل خايفه يكون ده بيقصر على صحتها او

حالتها النفسيه لان انهارده تالت يوم ومش لقيه دكره ليها خالص حاجه تانى عاوزه اعرف عملية كوكى ديه

عباره عن ايه وتكلف كام وتتعمل فين وهل بعدها مش بتطلب الجواز تانى ولا بتتجوز بس متخلفش

[شاهستا]

ربنا يخليكى حبيبتى

ويخليك جوزك وقططك يارب ويجزاكى عنهم خير ^^

لا متقلقيش على كوكى مش هيحصلها حاجه

انا عندى قطه بقالها سنتين بتطلب تزاوج وانا مش بجوزها مش بيحصل ليهم حاجه

العمليه دى عباره عن خصى للخصيتين سواء بيتشالو خالص او فى دكاتره بتربطهم

وعمليه سهله جداااااااااااا ومفهاش دم ولا اى حاجه اطلاقا والقط بيفوق بعدها وبيكون طبيعى

لا طبعا هو بينسى التزاوج خالص ونفسيته بتبقى كويسه جدا جدا

وبياكل كويس وبيتختخ ^^

انا عملت لقطى العمليه دى فى كليه الطب البيطرى كلفتنى خمسه جنيه ^^

ووعملتها لقطى التانى والدكتور حتى مرضيش ياخد منى فلوس هههههههههههههه

ولو عملتيها فى وجده بيطريه هتتكلف مثلا 50 جنيه بالكيتر

بس كليه الطب البيطرى احسن عندهم خبره اوسع وشاطرين

ولو هتعمليها فى عياده خاصه اعتقد هتبقى مثلا ب 100 فى الحدود دى الكلام ده بالنسبه للذكور

اما الاناث فا لو هتعملى ليها العمليه قولى للدكتور يشيل المبيض بس

كده الجرح بيكون صغير اصغر من انه يشيل الرحم كله

وبردو بنفس التكاليف

[بكبوزه]

شكرا يا حبيبتى ربنا يجزيكى عنا خير يا رب ويجعل كل نصيحه فى ميزان حسناتك يا رب

[تجيني ولا اجيك]

والله انا مجوز قطتي من ولدها وقطتي الثانية من نفس الذكر اللي هو اخوها وولدت اولاد زي الحلاوة لا مشوهين ولاشي ...