أرجو الافادة السريعة

[c-r-b]

بسم الله الرحمن الرحيم
ارجو انكم تفيدوني بهذه الاستشارة
انا ابغى اشتري ببغاء وش افضل الدرة ولا الكاسكو
وايظا وش احسن انواع الببغاوات من حيث التحدث و الذكاء واللعب <<<<يكون ثمنه رخيص او معقول

[حــبــوب]

انا اقولك خذ كاسيكو وبقوى وانت مغمض بس خذ واحد صغير فرخ جانبو

هذا مجرد راي والقرار الاول والاخير لك

تحياتي

[عبدالعزيز1]

اذا انت اول مره تقتني ببغاء عليك بالدرّه وخذها اليفه او كروان اليف

واذا ميزانيتك كويسه خذلك كاسكو جاهز اليف ويتكلم وعمره من السنه وفوق عشان ماتبلش بامراضه ومناعته اقوى باذن الله تعالى

[c-r-b]

اولا اشكر الاخ محبوب والاخ فيكتور شكرا على الرد وبالنسبة لقولك يا فكتور انا كان عندي ببغاء كاسكو لكنه كان اطرم ولا يسوي اي شيء ولا يجعر ولا يعض بس اني كنت طفل وكنت متقلب المزاج ما لبث عندي اسبوع الا وبعته برخص التراب 1000ريال لكن هذاك الوقت ما كنت اعرف هذا المنتدى ولا اعرف انه فيه محترفين مثلكم ولكن قدر الله وما شاء فعل بس انا بشتري الببغاء نهاية الاختبارات عشان اتفرغ له و شكرا الف شكر مرة ثانية

[c-r-b]

وابغى اسال اذا فيه احد يعرف مكان يبيع كاسكو جامبو او در وبكم لو سمحتوا

[أبو راشد]

اذا انت بالرياض

عندك سوق الحمام اللي بجنب سوق الغنم بحي العزيزية بجنوب الرياض

رح العصر الخميس او الجمعه بتلقى المحلات كلها فاتحه وورا المحلات فيه حراج الطيور

بتلقى اشكال والوان

موفق خير

[c-r-b]

هلا بك ابو راشد معروف السوق وجزاك الله خير بس ابي اعرف الاسعار