وين يبيعون الشانشيلا؟؟

[Sugar]

السلام عليكم ،،


بليييييز أنا ناويه ابيع الهامسترات الي عندي و ابغا اشتري قارض جديد ،،

يمكن سنجاب أو أرنب أو شانشيلا ، الأرنب و السنجاب ، اعرف وين ينباعون ، لكن الشانشيلا ما اعرف؟؟

يا ليت تقولون لي ،، أنا في الرياض ،،

[RAUL 7]

اذا انتي بالرياض ...

انا شفت بمحل الحياة و الطبيعه

اليوم شفت عنده اثنين

هع هع هع لكن انا ناوي اشتريهم

عشانك بس بشتري واحد و الثاني بخليه لك ...

تلقينهم بمكان الببغاوت تحت ع يسار لون قفصهم ازرق ..!

<<<<<<<< كل ما جيتهم القاهم نايمين ...!

يا ليت اكون افدتك ...!

[اناهوانا]

فيه محل ارخص من حياة الطبيعه
وعنده مجموعه يمكن توصل للعشره
وصف المحل خلي حياة الطبيعه على يمينك
وخليك ماسكه الخدمه و ماشيه الين يجيك محل على اليمين
اسمه قرية الحيوان

[Sugar]

RAUL 7 ، مشكووور مشكوور أخوي مررره مشكوووور هههههههههههههههه ، ضحكتني لما قلت انك ناوي تشتريهم بس بتخلي واحد لي ،، والله مشكوووووور يا حليــلك ما تقصر


اناهوانا ، مشكوووووووووووور اخوي و ما قصرت ، اخوي قد قال لي عن هذا المحل ، يقول فيه قدامه محل حيوانات أسمه [ جون ]

[RAUL 7]

يؤ يؤ يؤ لا تقولين جون تراه ما عنده الا الفقر

خلك على قريه الحيوان احسن لك ....

[Sugar]

ههههههههههه اوكي

[اناهوانا]

جون لالالالالالالالالالالالالالا

اول مره اشوف محل الدخول بعشره ريال

واذا جو يسون عرض خلو الدخول مجاني

[الجمال الشجاع]

لا قرية الحيوان ولا جون ولا الحياة والطبيعة
ترا في محلات تبيع الجوز بسعر الحبة عندهم وهم كلهم يجيبونها من مكان واحد
في محل بشارع الستين اسمه التحسين وفيه بشارع الاحساء وفي بالمروج
هذي المحلات ارخص شوي
لكن اقدر اجيبه ارخص من محلات ثانيه زي سوق الحمام ...... واذا قررتي شانشيلا علميني
وعلى فكرة ترى سعرة مو ثابت نفس المحل يلعب بالسعر ويغيرة عشر مرات زي الحياة والطبيعه
واذا سئلناهم ليه قالو نوعيات ونظافه؟؟؟؟؟؟؟؟؟؟؟؟

[JoLie]

السلام عليكم ورحمة الله وبركاتة

بعد اذن صاحبة الموضوع انا بعد حبيت اعرف وين الاقية بالضبط وبكم اسعارهم لاني ناوية على واحد

ومشكوريين لكل اللي شاركو بمعلوماتهم