تعالوا ياأهل الامزونيات خلوني اختار صح

[تووتـي0510]

[

تعالوا يا أهل الامزونيات خلوني اختار صح

ا

السلام عليكم ورحمة الله وبركاته

ممكن تعددون لي كم نوع للامزونيات مع مسمياتهم بالانجليزي

ايهم اجمل ؟ ايهم اذكى ؟ قولوا لي رأيكم كل نوع شو اللي يميزه عن الثاني ؟

انا ابا اشتري من مزرعه لاكن محتاره اي نوع الافضل للعلم اني ماربيت ولا امزوني من قبل

الفرخ بعمر اربع اشهر وسعر يبدا من 9700 درهم وصاعد

شو رايكم بالسعر ؟

كم أسعار فروخ الامزونيات بالخليج

انتظر ردودكم يا خبراء

ابا اختار صح ما ابا اندم بعدين

انا مقرره اني ادخل في عالم الامزونيات لاكن يهمني اختار صح في اول بدايه لي

لكم مني جزيل الشكر ]

[/B]

[the_gostman]

وعليكم السلام...

أختي الكريمه إليكي انواع ببغاءات الأمازون وأرتبها اليكي حسب ذكائها المعروف على المستوى الدولي والمحلي هي:

- يلو ناب امازون yellow naped amazon



- دبل يلو هيد. double yellow headed amazon



- بلو فرونتد. blue fronted amazon



- يلو كروان.yellow crowned amazon



- اورنج وينجز.orange wing amazon



-وايت فرونتد أمازون white fronted amazon parrots



سعر الفرخ يعتمد على نوع الأمازون..

الامازونيات ببغاءات ذكيه جداً.. وانا عن نفسي انصحك بالدبل يلوهد ثم باليلوناب ثم بالبلوفرونتد.

مع العلم اني أملك بلوفرونتد وهو متكلم ممتاز جداً...


بالتوفيق
أخوكي رمزي

[تووتـي0510]

شكراً اخي على المعلومات وعلى ارفاقها بالصور

الله يعطيك العافيه

[أسيــــر]

وعليكم السلام ورحمة الله وبركاته
الامزون انواعه وفصائله كثيرة تتعدى 35نوع
افضلها والمتعارف عليه
اليلوناب - الدبل يلوهد - البلوفرنتد - اليلوكراون
بنسبه لسعر الي ذكرتيه وتصل الاسعر هذي
امزون اليلوناب - الامزون الدبل يلو هد
ويعتمد على حجم الطير وفصيلته لانه كل منها ياتي بعدة درجات في المستوى
الاسعار تختلف في الخليج
وختيارك لها يعتمد حسب اي نوع يكون ميولك الاختيار لك بين افضل انواع الامزون
اليلوناب - الدبل يلو هد - البلوفرنتد - اليلوكراون
هذا احدى الموضيع فيه معلومات وصور للامزون
http://www.2zoo.com/vb/showthread.php?t=245202

بتوفيق ان شاء الله

[صاحب الشاطي]

ألسعر مبالغ فيه وايد في انواع السعر بين 2500 الي 9500
تاكدي من الاسعار

[نايف البرقاوي]

اذا كان يلوناب اللي ٩٧٠٠
فهذا سعره بالسعوديه لاني شفت مواضيع بيع يلوناب في المنتدى وانباعت بقريب من هذا السعر
اما البلوفرنتد يجي ثلاث درجات والافضل منها فرخ ب ٣٥٠٠ ريال
والاورنج وينجز مايتعدا ٢٠٠٠ ريال
والدبل يلو هيد ماعرف اسعاره .

وانصحك لاتشترين الفرخ الغالي الا اذا كان عندك خبره
لانه يبي له عنايه خاصه حسب ماقرأت من كلام الخبراء .
مالها داعي تشترينهم ويموت عندك

[عزوزالعبدالله]

مثل م ذكروا الاخوان تصنيفها
ومن رائيي الشخصي اشوف ان درجة الذكاء بوجه عام اليلوناب والدبل يلو هد واحده
وتعتمد على التدريب والتعليم
واسعارها متقاربه جداً تختلف بنسبه بسيطه على الحجم وريش الطير وتبداء من 8000 وفوق
الاختلاف بالشكل وانا شخصياً اشوف يلو هد احلا شكل

ومن ثم ياتي بعدها البلوفرنتد وسعره مابين ال3000 الى 4500
والفرق برضوا بحجم وولافة الطير وعمره
الاسعار اللي اتكلم عنها بالسعوديه
تحياتي

[تووتـي0510]

اشكركم جميعاً

ماقصرتو

عجبني الدبل يلو هيد شكله حلو

والسعر اللي انا لقيته غالي

وين ممكن ألقى الدبل يلو هيد عمره صغير وبسعر اقل من اللي ذكرته في البدايه

اقصد وين القاه بدول الخليج

[the_gostman]

اختيارك سليم...

الدبل يلو هد من أجمل الطيور وأذكاها.. وتتميز عن اليلوناب بأنها جميله في الشكل حتى عندما تكبر في العمر (كل ما تكبر تحلى)

شوفي المنتدى قسم البيع ممكن تحصلي.


بالتوفيق
اخوكي رمزي

[monybat]

يرجي افاددة العضو عن طريق الخاص