تعال فضفص اتكلم اتفلسف عبر معنا..!!

[بياع هامستر]

["]السلامو عليكم ورحمة الله وبركاته

كيف الحال ان شاء الله كل تمام

حبيت اسوي موضوع كلي واحد يطلع اللي في قلبو

مو قلبو قللللللللللللللللللللللللبو << اقول بس لايكثر..

طبعا كل واحد يتكلم على اللي يبغاه عن نفسو ونفسو اممم وكمان نفسو << لاياشيخ..

يعني تتكلم عن اي شئ طموحك حكايه صارت معاك تبغى تطلع شئ من جوا قلبك

تعال قولو هنا كح كح كح كح <<عفوا

المهم انا حبدا طبع تتكلم علي حابه مشاكلك هواياتك صفاتك

ويالله انا ببدأ

احم احم الو الو معليش بس اجرب المكرفون << حتعيدها حتطلع برا..

يالله ببدأ

1
2
3______________________________________


صفاتي:

اسمي محمد

قصيييييير جدا جدا جدا جدا بس لسااااني طووويل

يعني الله عوضني بقصر الطول طول لسان

طول اللسان يعني كلامي كثيييير يعني في الحش مافي احسن مني

احش يعني اتريق او استهزا الين مااخلي اللي قدامي يكره اليوم اللي اتولد فيه

احم احم

اخاااااااااااف من الظلااااام والله دي المشكله طفشتني

دايما اكون في مواقف محرجه يعني اكره حاجه صراحه عندي انو يسرلي موقف محرج

وانا صار لي اكبر موقف محرج في السعوديه لأ في العالم كلو يعني مره ماراح تتوقعو

بس برضو محأقولو من قوتو..!!

الاشياء اللي احب اتفرجها:

اووو هنا دخلنا بالجد الا سيمسون حبيبي هذي المغامرات كل يوم اتابعها

هذي صوره للعيله




ومن محبي مغامرات القناص اللي كانت تحي في اسبيستون

ومن متابعي الكوره بشدة وللنادي الاهلي حبيبي

وخلينا دحين نتكلم فين رحت اليوم

صيحت 2 ونص الظهر وقعدت على النت الى المغرب وبعدين خرجت العشا

مع اصحابي لعبنا كووووره وبعدها تنس وبعدها رجعت على البيت زي الابطال

طبعا انا ساكن في حي الرحاب

وكلاش الراب المعروف ساكن قريب من بيتي

ودحين كلام عام:

تصدقو ياجماعه هذي اليومين بديت اسمع اغاني وسبحان الله

قلبي صار مسكر يعني ماصرت اهتم بالصلاة واتهرب منها يعني سبحان الله

كيف الاغاني تبعدك عن ربك

والله جربو سيبو الاغاني اسبوع والله حترتاح راحه مو طبيعيهاصاحبي في المنتدى واللي اعرفهم:
هدهد جدة ... .. ماشاء الله عليه اخلاق وكل حاجه وساكن قريب مني << يامحاسن الصدف
وابو سفر.. .. والنعم فيه والله رجالسامبل تود ... ... والله رجال من زمان ماالقى ناس واضحين وطيبين مثلووماشاء الله عندو اسلوب في البيع يخلي البسه اسد .. الله يرزقني زي اسلوبو
m عاشق الطير m .. ماشاء الله نعرف بعض من فتره مو بسيطه

ابو الشباب ... هذا شئ ثاني صاحبي وبقوه بس مشكلتو مايدخل المنتدى كثير..!!
وطبعا كل اعضاء منتدى تو زوو اصاحبي واخواني واسف اذا كنت نسيت واحد منهم

وبس .......

خلاص تعبت من الكتابه يالله ابغى تفاعلو ولا حتنضربو ضرب << ضرب ولا جمع << كثر منها..

على العموم يالله مع السلامه

...

[*rfrf*]

اهلين اول يا بياع الهامستر .. على فكرة انا من جدة كمانا ..^^

وانا من مشجعي للاهلي ..^^ .. امممم ايش اتكلم مني عارفة ..

بس معليش الموضوع هاد صار زي التعارف .. نوعا ما ..

بس والله مني عارفة اصلن ايش اكتب دحين ..^^

افكر واجيلك شششش..

[حموووود]

شكرا اخي بياع على الفكره الجهنميه هاذي...

اول شي انا اسمي محمد ...

وبالنسبه للمواقف المحرجه ...والله طحت في موقف قبل فتره ...الله لا يوريك...

وبالنسبه للأشياء اللي احب اتفرج لها ..... اي شيء ...وانا مدمن (نت)...من الدرجه الأولى ...


والأغاني انا بطلت منها قبل سنه تقريبا ...


واسكن في حي....الـــ......<<اكمل الفراغ...

والأشخاص اللي اعرفهم كثير بس في منتدى ثاني... لكن...اعرف مشرف في هذا المنتدى تعرفت عليه في منتدى اخر...


وانا اربي اسماك وطيور ...بس مشكلة الأسماك تموت بسرعه واطول فتره قعد معايه سمك 3 سنين ... بعدين اعطيته لواحد اعرفه و مات السمك بعد يومين<<اشتاق لي ..

وقبل يومين مات عندي فرخ بادجي اليف <<منحوس..

وقاعد افكر هاذي اليومين اشتري طيور ...

وانا توي جاي من المدرسه قاعد اعدل غلط في الشهاده <<<نقصوني 50 درجه ...

و.......بـــــــس خلاص ...

تـــــحـــــيـــــــــاتــــي...

[*rfrf*]

المشاركة الأصلية كتبت بواسطة حموووود

واسكن في حي....الـــ......<<اكمل الفراغ...

يمكن حي النســــيم ششش..

لانو انا ساكنة في لو ..هههه..!!

[الآسطورهـ]

على فكره ..

في فرق كبير بين نسيم الرياض ونسيم جدهـ ..

اسمي عبدالله وبعد كم اسبوع اكمل 16 ..

ورايـح لـ أولى ثنوي .. << كبر ..

ومدمن اشياء كثيرهـ منها : نت + ون بيـس + القناص + Family guy + افلام + نوووم ..

واسكن بحي الروضـه ..

..إلخ ..

[*rfrf*]

على فكره ..

في فرق كبير بين نسيم الرياض ونسيم جدهـ .. :

اسمي عبدالله وبعد كم اسبوع اكمل 16 ..

]ورايـح لـ أولى ثنوي .. << كبر ..

اوكي صح .. بس انا كلمت حموود وهو ساكن بجدة ..ايش دخل ده في ده ..

وانا كمانا راايحة على اولى ثااااانوي ..

يا سلالالالالالالالالام ..صرت كبيرة ..ِِششششش

احم

[الآسطورهـ]

ايوهـ ,, انا عارف انه بجدهـ ..

من قدكـ كبرتي ..

والله يعين على التراكمي .. :S

[my Place]

hi

kayfakom

tmamm

an sh2 allah

ana mo7amad mn jeedah

ma728ol mn 7y aysh .. br9'o fkro mn fayn akon

aza nge7t 7a6l3 aola tanoy

ashge3 alate7ad

6b3a a7b al 7ywnat

waktr 7aga

hamester w samak w bgbgnat w asl7ef w albsas w al klab

wbs hada aly ga2 fe bale a8olo

m3laysh aza fe agla6 aml2y2

w t8blo mrore

wshkan

[بياع هامستر]

مشكورين والله على الردو

و ها ها ها ها << ضحكه شريره

انتم لسا حتدخلو اولى ثانوي والله باقليلكم مشوااااااااااااااااااار

انا داخل ثاني ثانوي..!!

ويا rfrf الموضوع مو تعارف يعني حيكون دردشه اكثر من تعارف...

وكيف حي النسيم يا rfrf والله قاعدين نفكر ننقل وانا يوم مريت على هذا الحي عجبني

نااااااااايس حنسير جيران rfrf خخخخخخخخ


_______________________________

وياحمودي مدري كيف قادر تربي سمك

ياخي هوا حلو ورخيص السمك وكل حاجه بس ماتحس انو يبغالو فضاوه ومدري ايش

انا فكرة اربي سمك وصاحبي عندو حوض سمك كبير اعطاني هوا لانو ماسيتخدموه

والى الا ماحطيت فيه ولا سمكه

قلت خليني على الطيور في حماس اكثر

وترا هامستري حتسير جده ان شاء الله لانو بنتها حامل ... اجيال تتربى في بيتنا خخخخخخخخ

ايوه اذا حتشتري طيور حاول تبعد عن البادجي وهذي الاشياء الصغيره جرب لو حتاخذ

خذ دره فرخ والله انواع الفله....!!

_______________________________

اسطووره ترى حتتعقد من الاحياء كيميا فيزيا رياضيات

مااقول الا الـــــــــــــــــــــــــــــــــــــــــــــــــــــــــــــله يعينك..!!

___________________________________________________

ويا my place

والله بالقوه قدرت اقرا اللي كتبتو شكلك ماعندك عربي في الكيبوووورد كااااااااااااااااااااك


تحزني

تحت الاتحاد ياخدمي ياشيخ روح انتا والخدم حقك<<< اهلاوي متعصب

ومشاء الله الحيوانات الالي عندك حلوه حتى كلب تربي الله يعينك

ما تمرض بسببو..؟؟

يقولو كلو جراثيم

_____________________________

تحياتي...

[نمـورة]

و انا كمان من جده و عمري 17 سنه


بس ماعندي شي اقوله ..

يسلمووووووووو