هاوي جديد للقط نصائحكم؟

[أمازون]

السلام عليكم و رحمة الله و بركاته

انا خبير طيور بالاساس و ماعندي فكره عن القطط و ماعندي اي خلفيه عن القطط ..

اليوم شريت لي قط (شيرازي) حجمه صغير و عمره بالتحديد (الله أعلم)
هي أنثى و ليست ذكر

شعرها طبعا كثيف جداً و لونه رمادي غامق و عيونها نحاسيه (اول مره اشوف هاللون) و لكن هذا لونها صدق و ما ادري هل الشيرازي يجي لون عينه كذا او لا .

انا يوم اشتريها بسبب عدم خبرتي دققت فيها مثل ما ادقق بالطيور

١- العين نظيفه و تلمع و مافيها اي افرازات
٢- الاطراف سليمه و المخالب سليمه و مافي اي نوع فطريات او شقوق او جروح
٣- الشعر كثيف و ظليت ادقق و انتف شوي اشوف في براغيث او لا .
٤- الانف نظيف و مافيه افرازات

و شريتها و لله الحمد ب ٣٠٠ ريال (بحكم معرفتي القليله بالبايع) و لا هو كان يبي فيها ٥٠٠ ريال .

اول ما خذيتها ووصلت البيت

حطيتها حمام بماي معتدل ، و بصراحه استخدمت شامبو (جونسن للاطفال) مادري هالشي صح و لا غلط؟
و بعد كذا نشفتها و لفيتها و نامت مسكينه .. حسيتها تعبانه من السوق و كذا ..

حطيت لها حليب بس ما شربت منه شي ، و البايع قال لي هذي تاكل اكل البيت و ايضا اكل القطط المخصص فماراح تتعبك .

أسئلتي:

هل اخليها تاكل الاثنين؟ و لا فقط احدد لها نوع واحد يا اكل بيت يا اكل قطط؟
كم مره احممها بالاسبوع؟ وهل استخدم الشامبو او لا؟
كيف ادربها على الحمام؟

بالنسبه للبيت الخاص فيها ، صاحبي عنده بيت مخصص و راح يجيبه لي و عنده حجر يقول انه يتمص المخلفات و ما يمتص الريحه .. فما ادري هل اطنش تدريب الحمام و اكتفي بهذا الحجر؟

اللي ممكن يفيدني باي شي يا ليت يقدمه لي حتى لو كان لنك مواضيع سابقه .

أخوكم أمازون

[Mo0oMo0o]

اول شي ابغى اتكلم عن الحمام استغربت من كلمة حجر *_* ؟! حجر إيش مافهمت

المهم الحمام جدا سهل وهوا شي حيكون فطري عند القطط
تشتري بوكس حق القطط للحمام وتشتري ليتر تراي اللي هوا التراب الخاص بالقطط وفي عندك أنوااع كتير في كرستال وفي رمل وفي غيرو هادا تلاقي موضوع مثبت للأخت آنو مشروح فيه التفاصيل

انت بعد ماتحت الرمل بالبوكس حطو بمكان يفضل فيه تهوئه زي مثلا تحت الشباك وافتح شويه من الشباك مره شويه مو فتحه كبيره
بعدين حط القطه فيه وهيا حتبدأ تستكشف وتحفر وتطمر واذا ماعرفت امسك يدها وخليها تحفر احفر معاها واطمر عشان تتعود
ممكن إذا عملتها برا البوكس تشيلو بالمجرفه وترجعو البوكس وتخليها تشم البوكس عشان تطمر وهيا حتتعود
الموضوع ماياخد اكتر من كم يوم وراح تتعود على طول لأنو زي ماقلت شي فطري بالقطط وهيا تعرف وحتتصرف

أما بخصوص الاكل : من بيت او اكل القطط . الاتنين ممتازين
في ناس يرتاحو لأكل البيت يعملو دجاج مسلوق ويفتتوه ويطبخو خضار زي بطاطس جزر كوسا ومن الموجود ويهرسوه ويخلطوه سوا ويقدموه للقطط

يفضل تشتريلها دراي فود اللي هوا الاكل الجاف تلاقيه بكل المحلات حق القطط وبأسعار مختلفه ولكن في شركات معينه نفضلها كمربيين القطط مثل رويال كانن أو ميو مكس وفي غيرها بس هما افضل شركتين
ولازم تاخد على حسب عمر قطتك مثلا إذا كانت صغيره خدلها من سن الطفوله لـ 12 شهر ولما تكبر تسير من سنه وفوق لها نوع تاني غير

وفي كمان معلبات هيا كويسه لكن ماينصح فيها كتير لأنها مافيها فائده زي فوائد اكل المنزل والدراي فود وممكن تحتوي على مواد حافظه وهيا مو طيبه للقطط وخصوصا في ماركه أنصحك ماتفكر فيها وتشيلها من راسك ولا تقرب منها إسمها ويسكاس اللي لونو موف بنفسجي هادي الماركه جدا جدا سيئه وتسبب امراض كتيره لأنك ممكن تشوفها لما تكون بالمحلات او السوبر ماركت .

النوم : القطط وفيه بعضها مايعجبها أي مكان ممكن حتى لو اشتريت سرير ماتنام فيه لأنو القطط مزاجيه تنام مكان مايعجبها ممكن تنام بأماكن غريبه وفي قطط تحب تنام عالسرير انا قطي مثلا يحب ينام عالسرير مع إنو عندو أسره مو سرير واحد لكن القطط زي ماقلت مزاجيه وممكن تنام بأي مكان ترتاح فيه ويعجبها

أما لون العيون عادي في النحاسي وهوا حلون جدا رائع وحلو وفي الاصفر وفي الازرق وفي الاخضر وفيه مليان الوان كتير

إيوا الاستحمام . هوا عادي كأول مره ولأنك لسا مو خبير تحممها بالجونسن لكن لازم تشتري شامبو قطط خاص لأنو لأفضل لها وينضف شعرها انصحك في بالمحلات شامبو مره ممتاز لونو ابيض بغطا اصفر هوا اللي انا استخدمو لقطي وجدا فعال ورائع ويخلي شعر القط ريحتو ممتازه رائعه وينفش الشعر يخليه حيوي

الاستحمام إذا كان الجو حار مثلا زي بجده تحممها مره بالاسبوع
ولما يكون الجو بارد يكفي مره او مرتين بالشهر

وإذا عرفت طريقة الاستحمام حلو واذا ماتعرف قولنا عشان نخبرك كيف وأكيد لازم تنتبه ماتاخد برد يعني على طول بعد ماتخلص من الاستحمام تنشفها وتجففها بالسشوار وتمشط شعرها عشان تدفا وتخلص من الموضوع بدري

ممم الحليييب . هيا كم عمرها ؟ شهرين ؟ تلاته ؟ اربعه ؟ فوق ؟
الحليب عموما ما انصح فيه إلا للقطط الرضيعه او بسن شهرين بعد كدا خلاص توقف من الحليب لأنو كترو مو طيب
ولأن لازم تبدأ تعودها على الاكل زي ماقلت اكل البيت تعطيها وقت وجباتها الرئيسيه والدراي فود يفضل تعتبره كمكمل غذائي يعني ممكن تحطلها تلاته مرات باليوم لأنها تحتاجو هوا فيه فوائد مافيه بالاكل اللي نقدمو لها زي البروتينات والفيتامينات والاملاح وغيرو وغيرو
ابعد عن التونه والحليب اهم شي وقدملها الاكل المغذي المفيد عشان تسير دبدوبه بصحه حلوه

وماشاءالله حلو سعرها يعتبر لأني ماعمري شفت قطه شيراويه بهادا السعر .

واذا عندك اي استفسار تفضل .

[silver wolf]

مشكوووور

[أمازون]

مشكوره جزيل الشكر يا مومو .. معلومات مفيده و ان شاء الله نتبعها أول أول ..

بصراحه قطتي ما اعرف كم عمرها .. بس هيا مش رضيعه ، و حجمها ايضا مش كبير

راح أخذ اكيد فتره عشان اطلع على كل مواضيع القسم الخاصه بتربية القطط و ان شاء الله نستفيد منكم يا خبراء

ملحوظه: القطه تنام كثير؟ يعني صار لها حاليا ٣ ساعات نايمه (تصحى تلعب شوي و تنام) هذا شي طبيعي و لا فيها شي؟

[ruby-may]

لا عادي هي لما تكون جديده بتخاف لاتتوقع من اول يوم تكون تلعب معك راح تتعود عليك وتصير كل ما تشوفك بتنط تلعب معك ورح يقل نومها

[OUT]

انت غلطت لما روشتها

شامبو جونسون مافيه مشكله

المفروض تخليها كم يوم وبعدين تروشها

لازم تنشفها بالأستشوار عشان لاتمرض ويجيها برد

اشتري بوكس الرمل وحطه بمكان ووديها عنده عشان تعرف ان ذا حمامها

شوف الأذن اذا فيها وسخ اسود نظفها

حط لها صحن الأكل والمويه بمكان محدد عشان تعرف مكانه دايما وغذيها كويس

[أمازون]

مشكورين اخواني و الله يعطيكم العافيه جميعاً

مر يوم كامل ، و القطه تلعب كثير و صارت تلحقني انا بس دون كل اللي في البيت

ما أكلت امس شي نهائياً ، و اليوم حطيت لها الاكل و جت تركض تاكل و الحمد لله و شربت ماي ، بس البسكوت الخاص لها ما أكلته يمكن ما حبته او مالها رغبه .

أحياناً تصير تعوي شوي ، مادري هي جوعانه؟ ولا ايش بالضبط؟

كم وجبة باليوم لازم أعطيها؟

اخوي OUT ، انا اضطريت اروشها بصراحه لان ريحتها كانت شوي مو اوكي و البايع كان مخليها بقفص وسخ ، حتى هي كانت مضايقه طول الوقت تلحس جسمها و تنظفه ، يوم روشتها هدأت كثير .